သရဏဂုံနှင့် ငါးပါးသီ၏အစွမ်း

ဗုဒ္ဓရတနာ၊ ဓမ္မရတနာ၊ သံဃရတနာတို့ကို      ရတနာသုံးပါးဟု ဗုဒ္ဓဘာသာတို့သည် ခေါ်ဆိုကြ သည်။ ထိုရတနာသုံးပါးအား ကြည်ညိုလေးစား ကိုးကွယ်ဆည်းကပ်သောသူကို သရဏဂုံတည်သူဟု ခေါ်ဆိုပေသည်။ သရဏဂုံဟူသည်မှာ သရဏဟူ သော စကားမှ ဆင်းသက်လာခြင်းဖြစ်၍ သရဏ ဟူသည်မှာ သတ္တဝါတို့၏ ဘေးဒုက္ခကို ပယ်ဖျောက် ဖျက်ဆီးခြင်းဟု အဓိပ္ပာယ်ရရှိပေသည်။ ထို့ကြောင့် သရဏဂုံ တည်သူတို့မှာ ဘေးဒုက္ခများကို ပယ် ဖျောက်ဖျက်ဆီးနိုင်သူဖြစ်သည့်အပြင် အဆင်းလှ ခြင်း၊ အသက်ရှည်ခြင်း၊ အခြွေအရံပေါများခြင်း စသော အကျိုးများကိုပါ ရရှိနိုင်ပေသည်။

သရဏဂုံ မဆောက်တည်ဘဲ သီလယူနိုင် သော်လည်း သရဏဂုံတည်ပြီးမှ ဆောက်တည်ကျင့် သုံးအပ်သော သီလသည်သာလျှင် ပိုပြီး ကောင်းကျိုး ကြီးမားမြင့်မြတ်သောကြောင့် ရှေးဦးစွာ သရဏဂုံ ဆောက်တည်ပြီးမှသာ ငါးပါးသီလ စသည်တို့ကို ဆောက်တည်ကြပါသည်။

သရဏဂုံ၏ ကောင်းကျိုး အာနိသင်ကား လူ့ဘဝ၊ နတ်ဘဝ၏ ပြည့်စုံခြင်း၊ လူ့စည်းစိမ်၊ နတ် စည်းစိမ်၊ ဗြဟ္မာ့စည်းစိမ် ချမ်းသာများနှင့် ပြည့်စုံ သည့်အပြင် မဂ်ဖိုလ်၊ နိဗ္ဗာန်တိုင်အောင် ကောင်းကျိုး များကို ပေးနိုင်ပေသည်။

ငါးပါးသီလကိုမူ ဗုဒ္ဓဘာသာဝင်တိုင်း နေ့စဉ် ဆောက်တည်လေ့ရှိကြခြင်းကြောင့် အထူးရေးသား ဖော်ပြရန် လိုအပ်မည် မဟုတ်ပေ။ ငါးပါးသီလကို အရိယကန္တသီလ ဟုလည်းခေါ်သည်။ အရိယတို့ မြတ်နိုးသော သီလဟူသော အဓိပ္ပာယ်ရရှိပေသည်။ အရိယပုဂ္ဂိုလ်တို့မှာ သီလမစင်ကြယ်မှာ၊ သီလပျက် မှာစိုးရိမ်တတ်သည်။ အမြဲတမ်း စင်ကြယ်အောင် စောင့်ထိန်းကြသည်။ ရတနာသုံးပါးနှင့် လုံးဝစင် ကြယ်သည့် ငါးပါးသီလကို တစ်ပါးဟု သတ်မှတ် ပြီး ဓမ္မာဒါသ တရားမှန်လေးပါးဟု ခေါ်ဆိုကြသည်။ ゞင်းတရားမှန်လေးပါးကို သောတာပန်၏ ဂုဏ်အင်္ဂါ    တရားလေးပါးဟုလည်း မှတ်ယူသင့်ပေသည်။

ဤနေရာ၌ သဂါထာဝဂ္ဂသံယုတ်တော်တွင် ပါရှိသည့် ကုန်သည်တစ်စုအကြောင်းကို တင်ပြလို ပေသည်။ ပင်လယ်ခရီးတွင် လေနီကြမ်းမိချိန်၌ သရဏဂုံနှင့် ငါးပါးသီလ၏ အစွမ်းကြောင့် ကောင်း ကျိုးချမ်းသာ ခံစားကြရပုံကို အဓိကတင်ပြလိုပေ သည်။

ကုန်သည်တစ်စုသည် ထပ်တူအရောင်းအ ဝယ် ပြုကြရန် လှေကြီးတစ်စင်းဖြင့် သမုဒ္ဒရာ၌ ခရီးနှင်လာကြသည်။ ゞင်းတို့၏ လှေကြီး၌ လှေ သူကြီး၊ လှေသမားမှစ၍ လူ ၇၀ဝ ကျော်ပါဝင်၏။ မည်မျှကြီးမားသော လှေဖြစ်မည်ကို ယခုခေတ် သင်္ဘောကြီးများနှင့် နှိုင်းယှဉ်ခန့်မှန်းနိုင်သည်။ လှေ ကြီးသည် လေအဟုန်နှင့် အဆင်သင့်နေသဖြင့် သမုဒ္ဒရာ ရေပြင်ဝယ် တရိပ်ရိပ်ပြေးလျက်ရှိ၏။

ခရီးထွက်ကြ၍ ခုနစ်ရက်မြောက်သောနေ့ တွင်ကား ကုန်သည်များသည် ကံဆိုးမိုးမှောင်ကျကြ တော့သည်။ မမျှော်လင့်ဘဲ ပြင်းထန်သော လေနီ ကြမ်းသည် ကျရောက်လာတော့သည်။ တိမ်လုံး၊ တောင်လုံးမျှ ပမာဏရှိသော လှိုင်းလုံးကြီးများနှင့် တွေ့ကြုံရတော့သည်။ ရွက်လှေစုတ်၍ တက်တွေ လည်း ကျိုးပဲ့ကုန်လေပြီ။ ရေများသည်လည်း လှေ ကြီးအတွင်းသို့ ဝင်ရောက်လာတော့သည်။ လှေ ကြီးကား အိုးတည်နစ်၊ တဖြည်းဖြည်းနစ်လေပြီ။ လှေပေါ်တွင် ငိြုွေကးသံ၊ တမ်းတသံ၊ ပူဆွေးသံ တို့သည် ပွတ်ပွတ်ညံလျက် ရှိ၏။ နတ်ဒေဝါများအား တိုးလျှိုးတောင်းပန်သံတို့သည်လည်း ဆူညံလျက်ရှိ ကြသည်။

ထိုသို့လှေကြီးတစ်စင်းလုံး အုတ်အုတ်ကျက် ကျက် ဆူပွက်နေသော်လည်း ကုန်သည်တစ်ဦးကမူ   လှေကြီးတစ်နေရာ၌ တင်ပျဉ်ခွေဖွဲ့ချလျက်ငြိမ်သက် စွာ ထိုင်နေသည်။ ၄င်းသည် ဗုဒ္ဓဘာသာ တစ် ယောက် ဖြစ်သည်။ ခရီးထွက်ခါနီး၌ ရဟန်းတော် များကို နေအိမ်သို့ပင့်၍ ဆွမ်းကပ်ခဲ့သည်။ သင်္ကန်း စသော လှူဖွယ်များကိုလည်း လှူဒါန်းခဲ့သည်။ သရဏဂုံသုံးပါးနှင့် ငါးပါးသီလကိုလည်း ခံယူဆောက် တည်ခဲ့သည်။ ဘေးအန္တရာယ်ကြုံတွေ့နေချိန်အထိ လည်း သရဏဂုံသုံးပါးနှင့် ငါးပါးသီလကို မကျိုးမ ပျက်အောင် ဆက်လက်စောင့်ရှောက်နိုင်ခဲ့၏။ ၄င်းသည် စင်ကြယ်သော ၄င်း၏ သီလနှင့် သရဏဂုံကို ယုံကြည်သည်။ အားကိုးသည်။ ထို့ကြောင့် သရဏဂုံ နှင့် သီလကို ဆင်ခြင်ကာ လာမည့်ဘေးကို ပြေးတွေ့ နေခြင်းဖြစ်သည်။

လှေပေါ်ရှိ အခြားလူများသည် အားကိုးရာမဲ့ စွာဖြင့် လူးလာခေါက်ပြန် ဟိုမှသည်မှ သွားလာနေ ကြရင်း ထိုဗုဒ္ဓဘာသာဝင် လူထူးလူဆန်းအနီးသို့ ဝိုင်းအုံ ရောက်လာကြ၏။ တည်ကြည်ငြိမ်သက်စွာ  ရဲရဲတင်းတင်း ထိုင်နေနိုင်ခြင်းမှာ အားကိုးရှိ၍သာဖြစ် ကြောင်းကို ရိပ်မိကြ၏။ ထိုအားကိုးအားထားကို ပေး၍ ဖြစ်နိုင်လျှင် ゞင်းတို့အားလည်း ပေးရန် တောင်းပန်တိုးလျှိုးကြ၏။

ထိုအခါ ဗုဒ္ဓဘာသာဝင် ဥပါသကာသည် ထိုလူ ၇၀ဝ ခန့်ကို ၁၀ဝ စီ လူစုခွဲလိုက်သည်။ ပထမ အစု၁၀ဝကို သရဏဂုံနှင့် ငါးပါးသီလကို ပေး၏။ လှေကြီးကား အိုးတည်နစ်၊ နစ်နေဆဲဖြစ်၏။ ထိုလူ ၁၀ဝ ကို သရဏဂုံနှင့် သီလပေးပြီးချိန်၌ ၄င်းတို့၏ ခြေဖမိုးပေါ်သို့ ရေကျော်နေပြီဖြစ်၏။ ဒုတိယ အုပ်စု  ၁၀ဝ အား ပေးပြီးချိန်တွင် ဒူးဆစ်သို့ ရောက်နေပေပြီ။ တတိယအုပ်စုအား ပေးပြီးချိန်တွင် ပေါင်ရင်းအထိ၊ စတုတ္ထအုပ်စုအား ပေးပြီးချိန်တွင် ချက်အထိ၊ ပဉ္စမအုပ်စုအားပေးပြီးချိန်တွင် သားမြတ် အထိ၊ ဆဋ္ဌမ အုပ်စုအားပေးပြီးချိန်တွင် လည်ပင်း အထိ၊ သတ္တမ အုပ်စုအားပေးပြီးချိန်တွင် ပါးစပ် အထိ ဆားငန်ရေများ ရောက်ရှိလာလေတော့သည်။ လှေသူကြီး၊ လှေသားများအပါအဝင် လူ ၇၀ဝ လုံးကို သီလပေးပြီးချိန်၌ ထိုဗုဒ္ဓဘာသာဝင် ဥပါသကာက အောက်ပါအတိုင်း သတိပေးသည်။

“အမောင်တို့ …သင်တို့ ကျွန်ုပ်တို့မှာ ယခု အခါ အားကိုးအားထားစရာဟူ၍ အခြားဘာမျှမရှိ တော့။ သင်တို့ မကြာမီကမှ ဆောက်တည်ထား အပ်သော သီလကိုသာ ဆင်ခြင်နှလုံးသွင်း၍ အားကိုး လျက် နေကြပေတော့”

အားလုံးသော သူတို့သည် မိမိသီလကိုသာ ဆင်ခြင်နေကြ၏။ ထိုသို့သေဘေး၏ အနီးကပ်၌ ယူအပ်သော သရဏဂုံနှင့် သီလကုသိုလ် စေတနာ ၏ အစွမ်းကြောင့် သေပြီးနောက်တွင် ၄င်းလှေပေါ် ရှိလူ ၇၀ဝ လုံးသည် တာဝတိံသာနတ်ပြည်သို့ ရောက် ကြလေသည်။ ထိုသို့ တာဝတိံသာသို့ ရောက်လာ ကြပြီးနောက် ၄င်းတို့၏ အတိတ် ဖြစ်စဉ်ကို ပြန်လည်၍ ဆင်ခြင် ကြသောအခါ ထိုနတ်များသည် ၄င်းတို့ ၏ကျေးဇူးရှင် ဥပါသကာ နတ်ကို သတိရကြ၏။ ကျေးဇူးရှင် ဥပါသကာနတ်နှင့် ပေါင်းသင်းရ သဖြင့် ရရှိသော ချမ်းသာကို လည်း ရှင်းရှင်းလင်းလင်းပင် သိ ကြရတော့သည်။ ၄င်းတို့ကျေးဇူး ရှင်၏ဂုဏ်ကို ချီးမွမ်းပြောဆိုကြ၏။

ဤကား သရဏဂုံနှင့် ငါးပါးသီလအား စောင့် ထိန်းခြင်း၏ အကျိုးကျေးဇူး ခံစားကြရပုံကို လက် တွေ့သာဓက တစ်ရပ်အနေဖြင့် တင်ပြလိုက်ရခြင်း ဖြစ်ပေသတည်း။

 

မောင်ဥာဏ်စိန်

ကျမ်းကိုးစာရင်း

၁။ သဂါတာဝဂ္ဂသံယုတ် မြန်မာဘာသာဋီကာ    (အရှင်ကုဏ္ဍလာဘိဝံသ၊ အမရပူရ၊ မဟာဂန္ဓာရုံ နာယက ဆရာတော်)

၂။ ဗုဒ္ဓဘာသာကောင်းတစ်ယောက်

(သာသနာတော်ထွန်းကားပြန့်ပွားရေး ဦးစီးဌာန)

၃။ ပြည်ထောင်စုနီတိ(ဦးနု)