အင်္ဂုလိမာလတဲ့ဟေ့ …

ယတောဟံ ဟဂိနိ အရိယာယ

ဇာတိယာ ဇာတောနာဘိဇာနာမိ၊

သဉ္စိစ္စပါဏံ ဇီဝိတာ ဝေါရောပေတာ

တေန သစ္စေန၊ သောတ္ထိတေ ဟောတု

သောတ္ထိ ဂမ္ဘသာ။

ပရိတ်ကြီး ၁၁ သုတ်ရှိသည်ကို လူအတော် များများသိကြပါသည်။ ၄င်း ၁၁ သုတ်တွင် အင်္ဂုလိမာ လသုတ်သည်လည်း အပါအဝင်ဖြစ်သည်။ အထက် ဖော်ပြပါပရိတ်တော်သည် အင်္ဂုလိမာလသုတ်တော်မှ ဖြစ်ပေသည်။ ယင်းပရိတ်တော်မှာ မြတ်စွာဘုရားက အရှင်အင်္ဂုလိမာလအား သင်ကြားပေးတော်မူခဲ့သော ပရိတ်တော်ဖြစ်လေသည်။

သာဝတ္ထိပြည် ပသေနဒီကောသလမင်းကြီး ထံ၌ အန္တကမည်သော ပုရောဟိတ်ပုဏ္ဏားကြီး တစ်ဦးရှိ၍ ၄င်း၏ဇနီးဖြစ်သူ၏ အမည်မှာ မန္ထာနီ ဖြစ်ပေသည်။ အင်္ဂုလိမာလသည် ယင်းပုဏ္ဏားကြီးနှင့် ပုဏ္ဏေးမတို့၏ သားဖြစ်လေသည်။ ငယ်မည်မှာ အဟိံ သကဖြစ်လေသည်။ အရွယ်ရောက်သည့်အခါ တက္ကသိုလ်ဆရာကြီးတစ်ဦးထံတွင် ပညာသင်ကြား စေခဲ့သည်။ ဆရာက လက်ညှိုးတစ်ထောင်ပြည့် အောင် ပူဇော်ပါက အကြွင်းအကျန် ဆရာစားမချန် ဘဲ ပညာကုန်သင်ကြားပေးမည်ဟုဆိုသဖြင့် တက္က သိုလ်ဆရာကြီးကို ပူဇော်ရန်အတွက် လက်နက်အ ပြည့်အစုံနှင့် မြို့မှထွက်ပြီး တောမှာနေလေသည်။

အနီးအနား လာသမျှလူတွေကို အတင်း လိုက်သတ်ပြီး လက်ညှိုးကို ဖြတ်ယူလေသည်။ ရရှိ သော လက်ညှိုးများကို ထိုအရပ်ဤအရပ်မှာထား သဖြင့် ကျီး ငှက်စသည်တို့ ချီယူသွားကြလေသည်။ “ဤသို့ထားသဖြင့် မသင့်ချေသေးရသမျှ လက်ညှိုး ကို ကြိုးဖြင့် သီကုံး၍ ပန်းကုံးကဲ့သို့ လည်တွင် ဆွဲထားမှ ငါ့အား ပြည့်စုံလွယ်ချိမ့်မည်”ဟု ကြံလျက် နောက်ထပ်ရသည့် လက်ညှိုးများကို ကြိုးနှင့်သီပြီး လည်ပင်းပေါ်တွင် ဆွဲထားလေသည်။

ယခုကဲ့သို့ အင်္ဂုလိမာလသည် လူများကို လိုက်လံသတ်ဖြတ်နေသည့်အတွက် ရှင်ဘုရင်ကိုယ် တိုင်ခေါင်းဆောင်ပြီး တပ်မတော်သားတွေနှင့် လိုက် ဖမ်းရန် အစီအစဉ်လုပ်ရတော့သည်။ ယင်းသို့လိုက် ဖမ်းသဖြင့် အဖမ်းခံရပါက မိမိ၏သားသည် သေ တော့မည်ကို စိုးရိမ်ပြီး အင်္ဂုလိမာလအမေသည် ၄င်း ၏သားရှိရာ တောအတွင်းသို့ လိုက်သွားလေတော့ သည်။ ပုဏ္ဏားကြီးက မသွားဝံ့ဟုဆိုသဖြင့် ပုဏ္ဏားမ ကြီးက ကိုယ်တိုင်လိုက်သွားခြင်းဖြစ်ပေသည်။ မိခင် ၏မေတ္တာသည် မည်မျှကြီးမားသည်ကို ယခုခေတ် လူငယ်များ သတိပြုကြရန် ဖြစ်လေသည်။ အကျွန်ုပ်  အားသတ်လိုလည်း သတ်ပစေ သား၏သေခြင်းကို မမြင်လိုဟုဆိုကာ မိခင်ပုဏ္ဏေးမကြီးသည် သား အင်္ဂုလိမာလရှိရာ တောအရပ်သို့ ထွက်သွားလေ တော့သည်။

အင်္ဂုလိမာလကလည်း လက်ညှိုးတစ်ထောင်  ပြည့်ဖို့ တစ်ချောင်းသာ လိုတော့သည့်အတွက် ယင်း နေ့တွင် မည်သူ့ကို တွေ့တွေ့သတ်မည်ဟု အဓိဋ္ဌာန် ပြုထားသည့်အတွက် မိခင်ကိုတွေ့လျှင်လည်း သတ် မည်သာဖြစ်ပေသည်။

ဘုရားသခင်သည် ထိုနေ့နံနက်တွင်ထ၍ လောကကိုရှုမြင်လေသော် အင်္ဂုလိမာလကို တွေ့ မြင်ရသည်။ တရားဟောလိုက်လျှင် သစ္စာလေးပါး ကို သဘောပေါက်၍ ရဟန်းဘဝသို့ ရောက်မည်။ ယင်းသို့မျှ မဟုတ်လျှင် မိခင်ကို သတ်မှုကြောင့် အနန္တရိယကံထိုက်၍ အဝိစိငရဲသို့ ကျရောက်မည်ကို မြင်တော်မူသည်။ ထို့ကြောင့် သပိတ်၊ သင်္ကန်းကို ပြင်၍ သာဝတ္ထိမြို့သို့ ဆွမ်းခံဝင်တော်မူသည်။ ဆွမ်း ခံရာမှတစ်ဖန် အင်္ဂုလိမာလရှိရာ တောအုပ်သို့ ကြွတော်မူသည်။ မိခင်ဖြစ်သူ မန္တာနီပုဏ္ဏေးမနှင့် အင်္ဂုလိမာလ အကြား စင်္ကြွံကတော်မူသည်။

အင်္ဂုလိမာလကလည်း “ဒီလမ်းကို လူလေး ငါးဆယ်စုပြီးလာတာတောင် ငါ့လက်တွင်းက မလွတ် ကြဘူး။ ဒီရဟန်းကြီးတစ်ပါးတည်း မကြောက်မရွံ့ ပဲ ရဲရဲတင်းတင်းလာနေတာဟာ သိပ်အံ့ဩစရာ ကောင်းတာပဲ။ ဒီရဟန်းကြီးကို ငါသတ်တော့မယ်” ဟု ကြံပြီးဘုရားသခင်ကို သတ်ရန်လိုက်ပေသည်။ ဘုရားရှင်သည် ခပ်မှန်မှန်ပင် စင်္ကြွံကနေသော်လည်း ဘုရားရှင်၏ တန်ခိုးတော်ကြောင့် အင်္ဂုလိမာလသည် မလိုက်နိုင်ချေ။ ဘုရားရှင်၏ တန်ခိုးတော်ကြောင့် အင်္ဂုလိမာလလျှောက်နေသော မြေသည် လှိုင်းတံပိုး ကဲ့သို့ နိမ့်တုံမြင့်တုံဖြစ်နေပြီး ဘုရားသခင်လျှောက် နေသော မြေပြင်သည် စည်မျက်နှာကဲ့သို့ ညီညာ လျက်ရှိသည်။ အင်္ဂုလိမာလသည် အလွန်ပင်ပန်း လျက်ရှိတော့သည်။ ထို့ကြောင့် အင်္ဂုလိမာလနှင့် ဘုရားရှင်တို့သည် အောက်ပါအတိုင်း အပြန်အလှန် ပြောဆိုကြရတော့သည်။

အင်္ဂုလိမာလ။    ။ အရှင်ရဟန်းရပ်ဦး။ ရပ်ဦး လော့။

ဘုရားရှင်။       ။ ငါကားရပ်၏။ သင်သာမ ရပ်။

အင်္ဂုလိမာလ။    ။ အရှင်ဘုရား သင်သည် မတန့်မနှေးသွားလျက်ကိုပင် “ငါရပ်၏။” အကျွန်ုပ် ရပ်နေသည်ကို “သင်ကားမရပ်”ဟု အဘယ် ကြောင့် ဆိုပါသနည်း။ မုသာဝါဒသည် ရဟန်းတို့၏ အလေ့အထပင်လော။

ထိုအခါတွင် ဘုရားရှင်က အင်္ဂုလိမာလအား အောက်ပါအတိုင်း ပြန်ကြားလိုက်လေသည်။

ဘုရားရှင်။       ။ အချင်းအင်္ဂုလိမာလ ငါ သည် ပါဏတိပါတစသော မကောင်းမှုဒုစရိုက်တို့၌ မလိုက်မစား ကြဉ်ရှောင်ရှားသည်ဖြစ်၍ အပါယ် လားခြင်းမရှိ သုဂတိတို့၏ အထွပ်အထိပ်ဖြစ်သော နိဗ္ဗာန်လမ်းဝ၌သာ တည်ရကား ရပ်နေသည် မည်၏။ သင်ကား ဒုစရိုက်တရားတို့ကို များစွာ ပြုလေ့ရှိသည်။ သတ္တဝါ ခပ်သိမ်းတို့အား သနား ချစ်ခင်ခြင်းမရှိသည်။ ကောင်းသော အကျင့်စာရိတ္တ မရှိသည်ဖြစ်၍စုတေ သောအခါ ငရဲ၊ ပြိတ္တာ တိရစ္ဆာန် အသူရကာယ် ဟူသော အပါယ်လေးခွင်သို့ စင်စစ် သွားအံ့သောသူ ဖြစ်ရကား။ ရပ်နားသည်မမည်။ သွားသည်ပင်ဖြစ်၏။ ထို့ကြောင့် ငါကားရပ်၏။ သင်ကားမရပ် ဟူ၍ ငါ ဆိုသတည်း။ ထိုအခါမှ အင်္ဂုလိမာလသည် လက်ထဲ က ဓားကိုလွှတ်ချပြီး ဘုရားရှင်ကို ရှိခိုးရင်း တပည့် အဖြစ် အသိအမှတ်ပြုရန် တောင်းပန်လေသည်။ ဘုရားရှင်ကလည်း အင်္ဂုလိမာလကို ဇေတဝန် ကျောင်းတော်သို့ ခေါ်သွားပြီး ရဟန်းပြုစေတော့ သည်။ အင်္ဂုလိမာလည်း ဘုရားရှင်ဆုံးမသည့်အတိုင်း တရားအားထုတ်ရာ ရဟန္တာဖြစ်သွားတော့သည်။

ရဟန္တာပင်ဖြစ်သော်လည်း အရှင် အင်္ဂုလိမာလ ဆွမ်းခြွံကလျှင် လောင်းလှူမည့်သူမရှိကြ။ ဤသူ သည် ငါတို့အဖကိုသတ်၏။ ငါတို့သားကိုသတ်၏။ စသည်ဖြင့် ပြောကြလျက် အိမ်တံခါးကို ပိတ်ထား ကြလေသည်။ အချို့မှာရှောင်နေကြ၍ အချို့မှာ အုတ်၊ ခဲ၊ တုတ်တို့ဖြင့်ပင် ပစ်ကြသည်။ အင်္ဂုလိမာလ မထေရ်ခမျာ ဆွမ်းတစ်ဇွန်းမျှကိုပင် မရရှိသဖြင့် ကျောင်းသို့ရောက်သောအခါ အခြားသော သံဃာ တို့က မျှတကာ သုံးဆောင်စေရသည်။ မြတ်စွာဘု ရားရှင်ကြားသိသောအခါ အရှင်အင်္ဂုလိမာလမထေရ် အားခေါ်ယူပြီး “ယခုဘဝ၌ တစ်ထောင်မျှသော လူကိုပင် သင်သတ်ခဲ့သော ပါဏာတိပါတကံ၏ ဒိဋ္ဌဓမ္မအကျိုးဆက်ပင်တည်း”ဟု ဆုံးမပြီး ဆွမ်း၊ ကွမ်းကိစ္စစသည်အတွက် အထက်ဖော်ပြပါ ပရိတ် ဂါထာတော်ကို သင်ကြားပြသပေးတော်မူလေသည်။

ကိုယ်ဝန်မှချမ်းသာစွာ မမွေးဖွားနိုင်သူများ အား အထက်ဖော်ပြပါ ပရိတ်တော်ဖြင့် ရွတ်ဆို၍ ကုသခဲ့ရာ ကိုယ်ဝန်သည် မိခင်လောင်းတို့သည် ချမ်း သာစွာ မွေးဖွားနိုင်ကြပေသည်။ ထိုအခါမှ ဒါယိကာ ဒါယိကာမတို့သည် “အရှင်အင်္ဂုလိမာလသည် တန်ခိုးကြီးပေစွ”ဟု ပြောဆိုကြပြီး သဒ္ဓါတရားဖြစ် ၍ လှူဒါန်းပူဇော်ကြလေသည်။ ရှေးခေတ်မြန်မာ လူမျိုးတို့သည်လည်းကောင်း ယခုသော်တွင်လည်း ကောင်း ကျေးလက်ဒေသနေ မြန်မာတို့သည်လည်း ကောင်း ကိုယ်ဝန်ဆောင်မိခင်လောင်းများ မွေးဖွား နိုင်ခြင်းမရှိသောအခါ၌ ရဟန်းသံဃာတော်များ သက်ကြီးရွယ်အိုများအား ပင့်ဖိတ်၍ အင်္ဂုလိမာလ သုတ်တော်လာ အထက်ဖော်ပြပါ ဂါထာတော်ကို ရွတ်ဖတ်လေ့ရှိကြကြောင်း ရေးသားတင်ပြအပ်ပေ သည်။

မောင်ဥာဏ်စိန်

ရည်ညွှန်းစာအုပ်များ

၁။ ဇိနတ္ထပကာသနီကျမ်း(ကျီးသဲလေးထပ် ဆရာတော်)

၂။ ငါးပါးသီလအကြောင်း မြတ်စွာဘုရားအ ကြောင်း သံဃာတော်များအကြောင်း၊ ဓမ္မအကြောင်း ဗုဒ္ဓသာသနာအရေးတော်ပုံ(ဝန်ကြီးချုပ်ဟောင်းဦးနု)