သိဒ္ဓိစံ(မင်္ဂလာကုန်း)

သတင်းကောင်းတွေ ကြားပါစေ

ဇနီးသည်၏ ဇာတိမြို့နယ်လေးသို့ အလည် ပြန်ရောက်ဖြစ်တိုင်း ကျွန်တော်သည် ဘကြီးဘုန်းဝေ ထံသို့ သွားရောက်တွေ့ဆုံနေကြဖြစ်သည်။ ဘကြီး ဘုန်းဝေသည် ကျွန်တော်ဇနီး၏ အမိုး(ကျွန်တော် ယောက္ခမ)၏အစ်ကို အကြီးဆုံးလည်း ဖြစ်သည်။

ခရစ်ယာန် ဘာသာဝင်များသာ နေထိုင်ကြ သော အဆိုပါ မြို့နယ်လေးရှိ ကျေးရွာလေးတွင် ဗုဒ္ဓဘာသာ ကိုးကွယ်သူဟူ၍ ဘကြီးဘုန်းဝေ တစ်ဦး တည်းသာရှိသည်။ ဘကြီးဘုန်းဝေသည် ဘာသာ တရားကိုင်းရှိုင်းသည့်အပြင် စာပေဗဟုသုတဖြင့် လည်း နှံ့စပ်ပြည့်စုံသူဖြစ်၏။ တွေ့ဆုံဖြစ်တိုင်းလည်း  ဘကြီးဘုန်းဝေသည် ဗဟုသုတဖြစ်စေသော မှတ် သားဖွယ်ရာများကို ပြောပြလေ့ရှိ၏။ ဘကြီးဘုန်းဝေ နှင့် စကားပြောဆိုရာတွင် ကျွန်တော့်အတွက် လောကီလောကုတ္တရာ နှစ်ဖြာသော သိမှတ်ဖွယ်ရာ များ ရရှိစေခဲ့ပါ၏။ ဘကြီးဘုန်းဝေက –

“ငါ့တူ ဗေဒင်လည်းဟောတယ်။ စာလည်း ရေးတယ်ဆိုတော့ ဗဟုသုတစုံအောင် လေ့လာထား ရမယ်။ ဒါကြောင့် စာများများဖတ်ရမယ်”ဟု တိုက်တွန်းအားပေးလေ၏။

“ဟုတ်ကဲ့ပါ ဘကြီး ကျွန်တော်စာအမြဲဖတ် ပါတယ်။ စာဖတ်တာလည်း မပျင်းပါဘူး”

“ကောင်းတယ်လူလေး၊ စာဖတ်ထားတဲ့သူ တွေနဲ့ စာဖတ်နေတဲ့ သူတွေဟာ သာမန်လူတွေ ထက်ခေါင်းတစ်လုံး ပိုသာတယ်။ အသိÓာဏ်ပိုရှိ တယ်။ လောကဓံတရားကိုလည်း ပိုပြီးခံနိုင်စွမ်းရှိ တယ်”

စာဖတ်ခြင်းနှင့် ပတ်သက်သည့်အကျိုး ကျေးဇူးများကိုလည်း အကြောင်းတိုက်ဆိုင်လျှင် တိုက်ဆိုင်သလို ရှင်းပြလေ၏။

“စာပေရဲ့ လုပ်ဆောင်နိုင်မှု တာဝန်သုံးရပ် ရှိတယ် လူလေး၊ စာပေမှာ –

၁။ ကျင့်ဝတ်

၂။ အသိပညာ၊ အတတ်ပညာ

၃။ ခံစားမှု၊ အတွေးအမြင် ဆိုတဲ့တာဝန် သုံးရပ်ရှိတယ်။ အဲဒီတာဝန်သုံးရပ်က ပိဋကတ် သုံးပုံ နဲ့ ညီညွတ်တယ်။ စာပေနဲ့ ပိဋကတ်ဆိုတာ အတူတူ ပဲ လူလေး၊ စာပေရဲ့ တာဝန်သုံးရပ်လိုပဲ ပိဋကတ် တော်တွေမှာ –

၁။ ဝိနည်း-ကျင့်ဝတ်

၂။ သုတ္တန်-အသိပညာ၊ အတတ်ပညာ

၃။ အဘိဓမ္မာ-ခံစားမှု၊ အတွေးအမြင်ပေါ့ ကွာ”

ဘကြီးဘုန်းဝေသည် စာပေနှင့်ပိဋကတ် တော်များ၏ တူညီသော အချက်များကို ထောက်ပြ လေ၏။

“ဒါကြောင့်လည်း  စာတစ်လုံးဘုရားတစ်ဆူရယ်လို့ ဆိုစမှတ်ပြုခဲ့ကြတာပေါ့ကွာ”

ဘကြီးဘုန်းဝေရှင်းပြလေမှ ကျွန်တော်သည် စာပေ၏ တန်ဖိုးကို နားလည်သဘောပေါက်ခဲ့ပါ တော့၏။ ဘကြီးဘုန်းဝေသည် စကားပြောနေရင်း မှ ခေတ္တရပ်လိုက်ပြီး ရေနွေးကြမ်း တစ်ခွက်ကို ကောက်ယူ မော့သောက်လိုက်သည်။ ထို့နောက် ကျွန်တော့်အား တစ်ချက်ကြည့်လိုက်ပြီး –

“ငါ့တူက ဗေဒင်ဆရာဆိုတာ ဗေဒင်နည်း၊ ဂမ္ဘီရနည်းတွေနဲ့ သတင်းကောင်းတွေ ကြား သိရ အောင် ဘယ်လိုယတြာပေးလဲ” ဟု မေး လေတော့၏။

“ဒါက လွယ်ပါတယ် ဘကြီးရယ် … ကိုယ်မှာ ထားလျှောက်ထားမျှော်လင့် ထားတဲ့ ကိစ္စတွေ အတွက် သတင်းကောင်းသာ ကြား သိရအောင် ရွှေရောင်စက္ကူ ပေါ်မှာ အင်္ဂလိပ်ဂဏန်း နံ ပတ် ၆ ကိုရေးပြီး ဘုရားစင် ခါးပန်းစီးမှာ ကပ်ထားလိုက် ရုံပဲ။

အဲဒီလို စီရင်ဆောင် ရွက်ထားရုံနဲ့ အဆက်အသွယ် ကောင်း၊ သတင်းကောင်းတွေ ကြားသိရပါလိမ့်မယ်။

အင်္ဂဝိဇ္ဇာပညာရပ်တွေမှာ တော့ –

  • တနင်္ဂနွေသားသမီးတွေ သတင်းကောင်း ကြားသိလိုရင် တနင်္ဂနွေနေ့ နံနက် ၇ နာရီခွဲမှ ၉ နာရီအတွင်းမှာ အနောက် အရပ်မျက်နှာမူပြီး ပေါင်မုန့်စားရင်း အာရုံပြု ဆု တောင်းရမယ်။
  • တနင်္လာသားသမီးတွေ သတင်းကောင်း ကြားသိလိုရင် တနင်္လာနေ့ နံနက် ၇ နာရီခွဲမှ ၉ နာရီ အတွင်းမှာ မြောက်အရပ်မျက်နှာမူပြီး သစ်သီး ဖျော်ရည် သောက်ရင်း အာရုံပြုဆုတောင်းရမယ်။
  • အင်္ဂါသားသမီးတွေ သတင်းကောင်းကြား သိလိုရင် အင်္ဂါနေ့ နံနက် ၇ နာရီခွဲမှ ၉ နာရီ အတွင်းမှာ  အနောက်တောင်အရပ် မျက်နှာမူပြီး ထန်းလျက်ခဲ စားရင်း အာရုံပြုဆုတောင်းရမယ်။
  • ဗုဒ္ဓဟူးသားသမီးတွေ သတင်းကောင်းကြား သိလိုရင် ဗုဒ္ဓဟူးနေ့ နံနက် ၇ နာရီခွဲမှ ၉ နာရီအတွင်း မှာ အရှေ့မြောက်အရပ် မျက်နှာမူပြီး အုန်းသီးစား ရင်း အာရုံပြုဆုတောင်းရမယ်။
  • ကြာသပတေးသားသမီးတွေ သတင်း ကောင်း ကြားသိလိုရင် ကြာသပတေးနေ့ နံနက် ၇ နာရီခွဲမှ ၉ နာရီအတွင်းမှာ အရှေ့အရပ် မျက်နှာမူ ပြီး ကိတ်မုန့်စားရင်း အာရုံပြု ဆုတောင်းရမယ်။
  • သောကြာသားသမီး တွေ သတင်းကောင်း ကြား သိလိုရင် သောကြာနေ့ နံနက် ၇ နာရီခွဲမှ ၉ နာရီအတွင်းမှာ အရှေ့တောင်အရပ် မျက်နှာ မူပြီး ဆီးသီး (သို့မဟုတ်) ဆီးထုပ် စားရင်း အာရုံပြုဆုတောင်းရမယ်။
  • စနေသားသမီးတွေ သတင်း ကောင်း ကြားသိလိုရင် စနေနေ့ နံနက် ၇ နာရီခွဲမှ ၉ နာရီ အတွင်းမှာ တောင် အရပ်မျက်နှာမူပြီး အချိုရည် (ရေသန့်) သောက်ရင်း အာရုံပြုဆုတောင်းရမယ်”

ဟူ၍ ခုနစ်ရက် သားသမီးများအတွက် သတင်းကောင်းများ ကြားရစေနည်းကို ရှင်းပြလိုက်သည်။

ဘကြီးဘုန်းဝေသည် သဘောကျစွာ ပြုံး၍ ခေါင်းတညိတ်ညိတ်ဖြင့် နားထောင် နေလေ၏။

ပြီးနောက် လက်ချောင်းလေးများ ကို ပူးကပ်လိုက်ရေတွက်လိုက် လုပ်နေ ရင်း-

“ငါ့တူက အင်္ဂဝိဇ္ဇာပညာရပ်ထဲက ပဉ္စပွတ်နဲ့ ဆပွတ်ကိုဆောင်ဆိုတဲ့ နည်းကို အသုံးပြုတာပဲ။ နေ့တစ်နေ့ရဲ့ ဆပွတ်အခါ မှာ ပဉ္စပွတ်အရပ်ကို မျက်နှာမူပြီး ပဉ္စပွတ်နံ အစားအသောက်တွေကို စားသောက်ပြီး အာရုံပြုဆုတောင်းရတဲ့ နည်းပဲကွယ့်”

“ဟုတ်ပါတယ် ဘကြီး အဲဒီနည်း အတိုင်းပါပဲ”

“ကောင်းတယ်။ ကျမ်းရင်း လင်္ကာ နဲ့လည်း ညီတယ်။ သဘာဝယုတ္တိလည်းရှိတာမို့ အစွမ်းထက်စေတာပေါ့ကွယ်။ ပြီးတော့လည်း မှတ် ထားဦးနော်။  ဘယ်အစီအစဉ်ယတြာမဆို လေးစား ယုံကြည်စွာနဲ့ ဆောင်ရွက်မယ်ဆိုရင် အစွမ်းထက် စေပြီးသားပဲ”ဟု ဆုံးမဩဝါဒပေးလေသတည်း။

သိဒ္ဓိစံ(မင်္ဂလာကုန်း)