ချဉ်ခြင်းတပ်သည်ဆိုရာဝယ်

ချဉ်ခြင်းတပ်သည်ဆိုရာဝယ်

၂၀-၁-၂၀၁၉ ရက် မနက် ၃ နာရီမှာ  ကျွန်တော်ဆီသို့ အပြာရောင် အနန္တသဗ္ဗသဗ္ဗ ၄၀ဝ၀ သန်း တန်ခိုးရှင်ကြီးတစ်ပါး ကြွရောက်လာပါတယ်။

ကျွန်ုပ်။ ။ မဟာအနန္တသဗ္ဗ တန်ခိုးရှင်ကြီးကို ရိုသေစွာ ကြိုဆိုပါတယ်။ ခင်ဗျား ကြွရောက်တော်မူလာတဲ့ အကျိုးအကြောင်း အမိန့်ရှိတော်မူပါ။

မဟာအနန္တတန်ခိုးရှင်ကြီး။ ။ မင်း မသိသေးတဲ့ အလွန်လေးနက်တဲ့ အကြောင်းအရာတစ်ခုကို ပြောပြချင်လို့ ကြွလာတာပါ။ လောကမှာ ချင်ခြင်းတပ် တယ်ဆိုတာနဲ့ ပတ်သက်လို့ ပြောပြချင်တယ်။ အမျိုးသမီးတစ်ယောက် ကိုယ်ဝန်ဆောင်တဲ့အခါမှာ ပါးစပ် ကစားချင်တာတွေ ဖြစ်ပေါ်တတ်တယ်။ စိတ်ဆန္ဒ ပြင်းပြင်းနဲ့ စားချင်တာကိုမှ ချင်ခြင်းတပ်တယ်ပြောလို့ရတယ်။

တချို့ဆန်းဆန်းပြားပြားစားချင်တာတွေ ဖြစ်ပေါ်တတ်တယ်။ ဥပမာလူသားကိုမှ ပြင်းပြင်းပြပြ စားချင်တဲ့ ဆန္ဒဖြစ်ပေါ်တယ်ဆိုလျှင် သူကိုယ်ဝန်ဆောင်ထားတဲ့ သန္ဓေသားဟာ မွေးဖွားပြီး ကြီးပြင်းလာလျှင် လူတွေကို သတ်ဖြတ်လိမ့်မည်လို့ အဓိပ္ပာယ်ရတယ်။ ဒါက သန္ဓေတည်တဲ့ကလေးဟာ ဘယ်လို အကျင့်စရိုက်ရှိတယ်ဆိုတာ မိခင်ကတစ်ဆင့် ဖော်ပြနေခြင်းဖြစ်တယ်။ သန္ဓေတည်တဲ့ ကလေးဟာ ဘာသာတရားကို ကိုင်းရှိုင်းမည့်သူဖြစ်မည်ဆိုလျှင် မိခင်အနေနဲ့ ဘာသာတရားကို ယခင်ကထက် ထူးထူးခြားခြားလုပ်ဆောင်ချင်တဲ့ စိတ်တွေ ဖြစ်ပေါ်လာလိမ့်မည်။

မိခင်စိတ်နဲ့ သန္ဓေသားစိတ် ဘယ်လို ဆက်သွယ်သလဲဆိုလျှင် သန္ဓေသား သုံးလသားအရွယ်ရောက်တဲ့အခါ သန္ဓေသားရဲ့စိတ်ဟာ မိခင်ကိုပါ သက်ရောက်လာတယ်။ မိခင်မှာ သန္ဓေသား သုံးလသားအရွယ်ကစပြီး မူလ မိခင်ရဲ့ စိတ်ရော သန္ဓေသားရဲ့ စိတ်ပါ နှစ်မျိုးဖြစ်ပေါ်လေ့ရှိတယ်။ တစ်ခါတစ်ရံ သန္ဓေသားရဲ့ စိတ်က မိခင်ရဲ့ စိတ်ကို လွှမ်း မိုးသွားပြီး အဲဒီချင်ခြင်းစိတ် ဖြစ်ပေါ်ရတယ်။

ဒီကလေး ကိုယ်ဝန်လွယ်ရမှ မိခင်မှာ ငိုချင်တဲ့ စိတ်ဝမ်းနည်းတဲ့ စိတ်တွေ ဖြစ်ပေါ်တာနဲ့ ပတ်သက် လို့ပြောချင်တယ်။ ဒါက ဘာကိုပြောသလဲဆိုလျှင် ဒီမွေးလာမယ့်ကလေးဟာ ဝမ်းနည်းလွယ် မျက်ရည် လွယ်တဲ့ ကလေးဖြစ်လိမ့်မယ်။ အဲဒီလို ကလေးမျိုးကို သန္ဓေသားဘဝမှာ ကုစားလျှင် ဝမ်းနည်းလွယ် မျက်ရည်လွယ်တဲ့ ကလေးမျိုးမဖြစ်တော့ဘူး။ ဘယ် လိုကုစားရမလဲဆိုလျှင် ကိုယ်ဝန်ဆောင်မိခင်က တိုင်တစ်တိုင်မှာ ကျောမှီရပ်ပြီး ဝမ်းဗိုက်ထဲက ကလေးကို ပြောရမည်မှာ –

“မေမေ ကိုယ်ဝန်ဆောင်ထားတဲ့ ကလေးလေး …မင်းဟာ ပျော့ညံ့တဲ့ ကလေးမဟုတ်ဘူး။ သတ္တိ ဗျတ္တိနဲ့ ပြည့်စုံတဲ့ကလေးမင်းရဲ့ ပျော့ညံ့တဲ့ စိတ်တွေ တိုင်ထဲဝင်သွား၊ ရဲရင့်တဲ့ သတ္တိစိတ်ကိုမွေး”လို့ မိခင်က ပြောပါ။

အလားတူ ကိုယ်ဝန်ဆောင်စဉ်မှာ သာမန်နဲ့ မတူဘဲ ကလေးကစားစရာ အရုပ်ကလေးတွေကို ကိုင်တွယ်နေတာမျိုး၊ တစုံတစ်ရာကို အချိန်အကြာ ကြီး ကိုင်တွယ်နေတာမျိုး၊ အင်္ကျီအဝတ်အစားကို  တစ်ရက်တစ်ကြိမ် လဲနေကြသူက လေးငါးရက်နေမှ လဲချင်လျှင်၊ သာမန်အခြေအနေထက် ထူးထူးခြားခြားဖြစ်နေလျှင် မွေးလာတဲ့ကလေးက စိတ်မအောင်တဲ့ကလေး မွေးလာတတ်ပါတယ်။ အဲဒီလိုမျိုး မဖြစ်ရအောင် ကိုယ်ဝန်ဆောင် အမျိုးသမီးက မြေကြီးပေါ် စက္ကူခင်း၊ စက္ကူပေါ်တက်နင်းပြီး ကိုယ်ဝန်ဆောင်ထားတဲ့ ကလေးလေးကို ပြောရမည်မှာ

“မေမေ ကိုယ်ဝန်ဆောင်ထားတဲ့ ကလေးကလေး … မင်းရဲ့ ရူးတဲ့စိတ်တွေကို မြေကြီးထဲထားခဲ့ပါ”ပြောပါ အဲဒါဆိုလျှင် စိတ်မအောင်တဲ့ ကလေး မွေးမလာတော့ပါဘူး။

ကျွန်ုပ်။ ။ လူသားစားချင်တဲ့ စိတ်တွေဖြစ်ပေါ်လို့ မွေးလာလျှင် လူတွေသတ်မည့်ကလေး မွေးမလာအောင် ဘယ်လိုယတြာ လုပ်ဆောင်ရပါမလဲ။

မဟာအနန္တတန်ခိုးရှင်ကြီး။ ။ လူသတ်ချင်တဲ့ကလေး မွေးမလာအောင် မိခင်လုပ်သူက သံတိုင်တစ်တိုင်မှာ ကျောမှီရပ်ပြီး –

“မေမေ ကိုယ်ဝန်ဆောင်ထားတဲ့ ကလေးလေး မင်းရဲ့ ကြမ်းတမ်းတဲ့စိတ်၊ လူသတ်ချင်တဲ့ စိတ်တွေ သံတိုင်ထဲဝင်သွား၊ လူတွေအပေါ် စေတနာ မေတ္တာထားတဲ့ စိတ်တွေ မွေးမြူပါ”လို့ပြောပါ။

အပြာရောင် မဟာအနန္တ သဗ္ဗသဗ္ဗ သန်း ၄၀ဝ၀ တန်ခိုးရှင်ကြီး ပြန်ကြွသွားပါပြီ။

အမျိုးသမီးတွေမှာ ကလေးသန္ဓေသား ရတော့မယ်ဆိုလျှင် သေသွားတဲ့ ဆွေမျိုးတွေထဲက ပုဂ္ဂိုလ်က ငါနင့်တို့အိမ် လာနေမယ်ဆိုပြီး ကိုယ်ဝန်ရလျှင် ဆွေမျိုးထဲက အိပ်မက်ထဲ လာပြောသူကိုယ်တိုင် ဝင်စားတတ်ပါတယ်။ တချို့ကြတော့ နေလုံးကြီး သူ့ခန္ဓာကိုယ်ထဲ ဝင်သွားတယ်။ အိပ်မက်မက်လျှင် ဘုန်းတန်ခိုးကြီးတဲ့ သားရတနာကို ဖွားမြင်တတ်ပါတယ်။ ဆင်ဖြူတော်ကြီး ဝင်လာတယ်မက်လျှင် ပညာရှိသူ ဖွားမြင်တတ်ပါတယ်။ အဇာတသတ်ရဲ့ မိခင် ဗိမ္မိသာရမင်းကြီးရဲ့ မိဖုရားကြီး အဇာတသတ် မင်းသားကို ကိုယ်ဝန်ဆောင်စဉ်က မင်းကြီးရဲ့ သွေး သောက်ရတယ်လို့ အိပ်မက်မက်ခဲ့ရာ ပညာရှိ အမတ်များက အဖသတ်မည့် သားလို့ နိမိတ်ဖတ်ခဲ့ကြပါတယ်။

ယခုဖော်ပြခဲ့တာကတော့ သန္ဓေသားလွယ်ထားစဉ် ဖြစ်ပေါ်ခဲ့တဲ့ မိခင်ရဲ့ စိတ်ခံစားချက် ချင်ခြင်း တပ်တာတွေဟာ မွေးလာမယ့် ကလေးရဲ့ စရိုက် လက္ခဏာတွေကို ဖော်ပြတာဖြစ်ပြီး ဆိုးသွမ်းတဲ့ ကလေးမျိုး၊ မိဘကို ဒုက္ခပေးမည့် ကလေးမျိုးတွေ မွေးမလာအောင် ကိုယ်ဝန်ဆောင်စဉ်ကာလမှာ ကြိုတင်ကုစားတဲ့နည်းဖြစ်တဲ့အတွက် ကိုယ်ဝန်သည် အမျိုးသမီးများအတွက် အလွန်ကျိုးများမည်ဖြစ်စရာ တင်ပြလိုက်ပါတယ်။

သတ္တဝါများ ကျန်းမာချမ်းသာပါစေ

ဆရာဝင်း(သာကီနွယ်)