ဘယ်နေ့ဘယ်အရောင် ဝတ်လို့ဆောင်

သည်ဩကာသကြီး၌ လွှမ်းခြုံထားသည်မှာ အရောင်များပင် ဖြစ်၏။

အရောင်သည် ဆွဲဆောင်မှုရှိ၏။ သူရောင်စဉ် နှင့်သူ အစွမ်းအာနိသင်များရှိကြ၏။ ဓာတ်သဘာဝ တွေရှိကြ၏။ ဤ၌ မိတ်ဖက်အရောင်၊ မိတ်ဓာတ်အ ရောင်များကို ဖမ်းဆုပ်တတ်ဖို့လို၏။ ရွေးချယ်မှု မှန်ကန်သော အရောင်များက အကျိုးပေးပါလိမ့်မည်။ သို့ဖြစ်၍ စာရှုသူတို့ အနေဖြင့် မည်သည့်နေ့၌ မည်သည့်အရောင်များကို ရွေးချယ်ဝတ်ဆင်သင့် ကြောင်း လေ့လာမိသမျှ တင်ပြလိုပါ၏။

၁။ တနင်္ဂနွေနေ့၌

အဝါရောင်များစွာပါသော အဝတ်အစားကို ရွေးချယ်ဝတ်ဆင်ပါ။

၂။ တနင်္လာနေ့၌

အဖြူသန့်သန့်အရောင်ကိုရွေးချယ်ဝတ်ဆင်ပါ။

၃။ အင်္ဂါနေ့၌

အနီ၊ ကြက်သွေး၊ လိမ္မော်စသော အရောင်များကို ရွေးချယ်ဝတ်ဆင်ပါ။

၄။ ဗုဒ္ဓဟူးနေ့၌

တောက်ပသောအရောင်များကို ရွေးချယ်ဝတ်ဆင်ပါ။

၅။ ကြာသပတေးနေ့၌

အပြာ၊ ခရမ်းပါသော အရောင်များကို ရွေးချယ်ဝတ်ဆင်ပါ။

၆။ သောကြာနေ့၌

အစိမ်းပါသော အရောင်များကို ရွေးချယ် ဝတ်ဆင်ပါ။

၇။ စနေနေ့၌

အနက်ရောင်ပါသော အဝတ်အစားတို့ကို ရွေးချယ်ဝတ်ဆင်ပါ။

ထို့အပြင် အကြံအစည်တစ်ခုခုဖြင့် အပြင် ထွက်၍ အပြောအဆိုပြုမည်၊ အလုပ်အကိုင်လုပ်ကိုင် မည်ဆိုလျှင် သူ့နေ့အလိုက် ဖော်ပြထားသော အရောင်များပါဝင်သည့် လက်ကိုင်အိတ် လက်ကိုင် ပဝါ၊ အင်္ကျီ၊ လုံချည်၊ ထမီ၊ ဖိနပ်၊ ဖဲစည်းကြိုးတို့ ကို ဆောင်၍သွားပါ။ လုပ်လိုသည့် အကြံအစည်များ လွယ်လင့်တကူ အောင်မြင်စွာ ဆောင်ရွက်ပြီးစီးပါလိမ့်မည်။

သံသာညွှန်းသွဲ့(တွံတေး)