သိပ္ပံ နည်းပညာသုံး တစ္ဆေမုဆိုးများနှင့် အာဖရိကမှ ဂန္ထဝင်တစ္ဆေများ

စာဖတ်သူတို့ ကြည့်ကောင်းကြည့်ခဲ့ဖူးမည့် နာမည်ကျော် ရုပ်ရှင်ကားတစ်ခုရှိပါသည်။ မြန်မာလို အနီးဆုံးပြန်ဆိုလျှင် တစ္ဆေမုဆိုးများ (Ghost busters) ဟုခေါ်နိုင်သည့်  တစ္ဆေများကို သိပ္ပံနည်းပညာသုံး ကိရိယာများဖြင့် လိုက်လံရှာဖွေကာ ရင်ဆိုင် တိုက်ခိုက် ဖမ်းဆီးသည့် အဖွဲ့အကြောင်း ဇာတ်လမ်း ဖြစ်သည်။

ထိုဇာတ်လမ်းကို ၁၉၈၄ ခုနှစ်က ရိုက် ကူးပြီး ကမ္ဘာတစ်ဝန်း ပြသခဲ့ရာ လူကြိုက်များသော ရုပ်ရှင်ဖြစ်ခဲ့သည့်အပြင် ဓာတ်ပုံပညာနှင့် ဇာတ်ဝင် သီချင်းတို့မှာ ရုပ်ရှင်အော်စကာဆုအတွက် ဆန်ကာ တင်စာရင်းဝင်ဖြစ်ခဲ့သည်။ ထိုရုပ်ရှင်မှ ဝင်ငွေ ဒေါ် လာ သန်း ၃၀ဝ ခန့်ရရှိခဲ့သည်ဟု မှတ်တမ်းဝင်ပြီး ၂၀၁၆ ခုနှစ်တွင် ဒုတိယအကြိမ် ပြန်လည် ရိုက်ကူး ပြသခဲ့ပါသည်။

Ghost busters
Ghostbusters (1984)

ပြင်ပလောကမှ တကယ့်တစ္ဆေမုဆိုးများ

ထိုရုပ်ရှင် ထွက်ပေါ်လာပြီးနောက် လူအများ သိချင်နေသည့် မေးခွန်းတစ်ခုမှာ ထိုတစ္ဆေမုဆိုးများ ပြင်ပတွင် တကယ်ရှိ၊ မရှိ ဆိုသော မေးခွန်းနှင့် ထိုရုပ်ရှင်မှာ ၎င်းတို့၏ ဖြစ်ရပ်မှန်ကို ပြန်လည်ရိုက်ကူးထားခြင်း ဟုတ်၊ မဟုတ် ဟူသော မေးခွန်းများ ဖြစ်သည်။ ဇာတ်လမ်းမှာ စိတ်ကူးယဉ်ဇာတ်လမ်း ဖြစ်သော်လည်း ပြင်ပတွင် ထိုရုပ်ရှင်မှ တစ္ဆေ မုဆိုးများ လုပ်ပုံကိုင်ပုံနှင့် မတူသော်လည်း အမှန်တကယ် တစ္ဆေသရဲများကို ရှာဖွေစုံစမ်းလေ့လာ နေသော အဖွဲ့များရှိပါသည်။ တစ်စုံတစ်ဦးက တစ်နေရာတွင် တစ္ဆေသရဲခြောက်လှန့်နေ၍ လာရောက် ကြည့်ရှုပေးပါဟု တောင်းဆိုပါက ထိုနေရာသို့ လာရောက်ပြီး စုံစမ်းစစ်ဆေးပေးကာ အကြံဉာဏ်များ ပေးတတ်ပါသည်။ ထိုအဖွဲ့များထဲမှ ထင်ရှားသော တစ်ဖွဲ့မှာ တောင်အာဖရိကနိုင်ငံ ဂေါင်တဲင်းန်ပြည်နယ်တွင် အခြေစိုက်သည့် ဂေါင်တဲင်းန် သဘာဝလွန် ကိစ္စရပ်များဆိုင်ရာအသင်း(Gauteng Paranormal Society) အတိုကောက်နာမည် (GPS)ဖြစ်သည်။

Gauteng Paranormal Society
Gauteng Paranormal Society

သရဲရှာဖွေရာတွင် သုံးသော ကိရိယာများ

ဂျီပီအက်စ်အဖွဲ့သည် တစ္ဆေသရဲများကို ရှာ ဖွေရန်အတွက်လည်းကောင်း၊ တွေ့လျှင် အထောက်အထား သက်သေခံများ ရယူရန်အတွက်လည်းကောင်း၊ ရုပ်ရှင်ထဲမှ တစ္ဆေမုဆိုးများသုံးသည့် သိပ္ပံကိရိယာများနှင့် ခပ်ဆင်ဆင် ကိရိယာတန်ဆာပလာများကို သုံးကြသည်။ သို့သော် ထိုရုပ်ရှင်မှာ စိတ်ကူးယဉ် ဇာတ်လမ်းဖြစ်၍ အလုံးစုံတူညီခြင်းတော့ မရှိ။ ဂျီပီအက်စ် အဖွဲ့တွင် သုံးသော ကိရိယာများမှာ လျှပ်စစ်သံလိုက် စက်ကွင်းကို တိုင်းသောကိရိယာ(electro magnetic field-ERF)ကို တိုင်းသောမီတာ၊ ဒီဂျီတယ် ဗွီဒီယို(digital video)ကင်မရာ၊ ရုပ်သေကင်မရာများ၊ (still cameras)ညကြည့်မှန်ပြောင်း(night vision telescopes) အသံလှိုင်းအမျိုးမျိုး (လူနား ဖြင့် မကြားနိုင်သည့် အသံတုန်နှုန်းမျိုး အပါအဝင်) ဖမ်းနိုင်သည့်စက်များ လက်ပတော့ ကွန်ပျုတာများ ဖြစ်သည်။ အရေးအကြီးဆုံး ကိရိယာမှာ ကေတူး အမျိုးအစား လျှပ်စစ်သံလိုက် လှိုင်းတိုင်းစက် ဖြစ် သည်။ ထိုစက်သည် စွမ်းအင်အစုအဝေးတစ်ခု၏ အား အပြင်းအပျော့ကို led မီးလုံးလေးများဖြင့် ပြ သော စက်ဖြစ်သည်။ ဂျီပီအက်စ်အဖွဲ့ဝင် အိုလီဗီယာ က သဘာဝလွန် ဖြစ်ရပ်ဆန်းမှအရာများ(တစ္ဆေသရဲ) ဆိုသည်မှာ စွမ်းအင်အစုအဝေး တစ်ခုဖြစ်သည်ဟု မှတ်ချက်ပြု ပြောဆိုပါသည်။

electro magnetic field-ERF
electro magnetic field-ERF

တစ္ဆေမုဆိုးများ၏ အတွေ့အကြုံအရ ပုံမှန် သဘာဝအတိုင်းရှိနေသော နေရာတစ်ခုတွင် ဓာတ် ကြိုးများ ပေါက်ပြဲခြင်း၊ လျှပ်စစ်ခလုပ် ပလပ်ပေါက် တို့မှ လျှပ်စစ်ဓာတ်စီးထွက်နေခြင်းမရှိပါက ၄င်းတို့၏ လျှပ်စစ်သံလိုက်စက်ကွင်းတိုင်းသော ကိရိယာ(ERF) တွင် (ဝ)နှင့်(၁)ကြားသာ ပြကြောင်း၊ အကယ်၍ သရဲရှိသော အိမ်တစ်လုံးကို စုံစမ်းလေ့လာနေစဉ် သရဲရှိသောနေရာသို့ ရောက်လာပါ လျှပ်စစ်သံလိုက် စက်ကွင်းတွင် အဆင့်(၃)မှ (၇)အထိ ခုန်တက်လာ တတ်ကြောင်း၊ ထိုသို့ စွမ်းအင် အစုအဝေးတစ်ခု အားကြီးလာပါက ထိုနေရာတွင် သဘာဝလွန်ဖြစ်စဉ် တစ္ဆေသရဲ တစ်စုံတရာရှိနေပြီဟု ပြောနိုင်ကြောင်း သိရပါသည်။

ဂျီပီအက်စ်အဖွဲ့မှ အိုလီဗီယာ၏ ပြောပြ ချက်အရ သရဲခြောက်သည်ဆိုသော အိမ်တစ်အိမ်ကို သွားရောက်စုံစမ်းခဲ့စဉ်က ထိုအီးအမ်အက်ဖ် မီတာ သည် (၁၅၀ဝ)အထိ ခုန်တက်သွားခဲ့ကြောင်း၊ ထို ဖြစ်ရပ်နှင့် မကြုံမီအထိ အီအမ်အက်ဖ်မီတာမှာ အလွန်ဆုံး (၃၂)အထိသာ တက်ဖူးကြောင်း၊ ထို ဧရိယာကို လျှပ်စစ် အင်ဂျင်နီယာများနှင့် ရှာဖွေ စစ်ဆေးရာတွင်လည်း လျှပ်စစ်ဓာတ်ယိုစိမ့်မှုမတွေ့ ရကြောင်း၊ အိုလီဗီယာက ゞင်းတို့အဖွဲ့အနေဖြင့် ထိုအိမ်ရှိ သဘာဝလွန်ဖြစ်စဉ်၏ အမျိုးအမည်ကို စုံစမ်းဖော်ထုတ် နိုင်ခြင်း မရှိခဲ့ကြောင်း၊ ထိုအိမ် တွင်ရှိသည့်အရာမှာ အလွန်စွမ်း အားကြီးပြီး နိုးကြားသည့်ဝိညာဉ် (ျစငမငအ)ကဲ့သို့ အရာဖြစ်နိုင်ကြောင်း၊ တစ်ခုတည်း မဟုတ်ဘဲ ဝိညာဉ်အများအပြား အစုအဝေးလည်း ဖြစ်နိုင်သည်ဟုသာ ခန့်မှန်းနိုင်ကြောင်း ပြောဆိုခဲ့ သည်။ “ကျွန်မတို့ ဆက်စုံစမ်းရဦးမှာပါ၊ ကြားခံ ဆက်သွယ်ပေးနိုင်တဲ့သူ ဝိညာဉ်တွေနဲ့ ဆက်သွယ် ဟောတဲ့ နတ်ဝင်သည်တို့ ဘာတို့ကို သုံးသင့်ရင်လည်း သုံးရမယ်”ဟု ပြောပါသည်။

ဆေးရုံဟောင်းကြီးမှ အသက်ရှူသံပြင်းသော သရဲနှင့် လေချွန်သောသရဲ

အော်လီဗီယာ ပြန်လည်ပြောပြသော ဖြစ်ရပ်တစ်ခုမှာ ဂျိုဟန်နက်စ်ဘတ်မြို့၏ အရှေ့ဘက်အရပ်မှ ကင်ပတန်ပန်းခြံအတွင်းရှိ မသုံးစွဲဘဲ စွန့်ပစ်ထားသည့် ဆေးရုံအဟောင်းကြီးတွင် ဖြစ်ပွားခဲ့ကြောင်း၊ ထိုဆေးရုံကြီးတွင် ထူးဆန်းပြီး ဖြေရှင်းမရသော ဖြစ်ရပ်များ ဖြစ်နေသည်ဟူသော သတင်းအရ ဂျီပီအက်စ် အဖွဲ့က သွားရောက်စူးစမ်းလေ့လာခဲ့ခြင်းဖြစ်ကြောင်း အော်လီဗီယာက ပြောရာ “ကျွန်မတို့ ထုံးစံအတိုင်း အီးအမ်အက်ဖ်နဲ့ ရှာတာတွေ၊ အသံဖမ်းစက်နဲ့ အသံ လှိုင်းရှာတာတွေလည်း လုပ်တယ်ရှင့်။ ဘာမှမတွေ့ ပေမယ့် အသံဖမ်း တိပ်ခွေတစ်ခုမှာ အလွန် ထူးဆန်း တဲ့ အသံတစ်ခု ဖမ်းမိ ကြားရတယ်ရှင့်။ အဲဒီ အသံက လူတစ်ယောက် အသက်ပြင်းပြင်း ရှူနေတဲ့အသံကြီးပါ။ အကောင်အထည်လည်း မတွေ့ရ၊ ကျွန်မတို့ လည်း ဒီအသံမကြားရဘဲ တိပ်ထဲမှာ ဒီအသံဝင်နေတာ ဘယ်လိုမှ စဉ်းစားမရဘူး။

ဒီလိုပဲ အိမ်တစ်အိမ်မှာလည်း သရဲခြောက်တယ် သတင်းထွက်လို့ သွားစုံစမ်းကြသေးတယ်။ တခြား တွေ့တာတော့ မရှိဘူး။ အသံဖမ်းစက်နဲ့ ဖမ်းထားတော့ ထူးထူးဆန်းဆန်း တိပ်ခွေတစ်ခုထဲမှာ လေချွန်သံတစ်ခု ဖမ်းမိနေပြီး တေးသွားတစ်ခုကို လေချွန်နေတာ ကောင်းကောင်းကြားရတယ်။ လူ တွေ မကြားဘဲ တိပ်ခွေထဲ ဒီအသံ ဘယ်လိုဝင်နေ တာလဲဆိုတာ မစဉ်းစားတတ်ဘူး။ ဒါနဲ့ နောက်ဆုံး အဲဒီအိမ်မှာ နေခဲ့တဲ့ အိမ်ရှင် အမျိုးသမီးကို ခေါ်ပြီး တိပ်ခွေ ဖွင့်ပြတော့ သူကဒီလေချွန်သံဟာ သူ့အဖေ အမြဲတန်း လေချွန်တတ်တဲ့ တေးသွားပဲ။ ဒါ သူ့အဖေ ပဲလို့ ပြောတယ်။ သူ့အဖေက သေသွားတာ ကြာပြီ။ ဒီလိုဆိုတော့ သေသွားတဲ့ သူ့အဖေဟာ ဒီအိမ်မှာ ရှိနေသေးတယ်လို့ ပြောရမှာပဲ”ဟု ပြောလေသည်။

ဂျီပီအက်စ်၏ နောက်အတွေ့အကြုံတစ်ခု

ဂျီပီအက်စ် အဖွဲ့ကြီးသည် များစွာသော တစ္ဆေသရဲခြောက်သည့် နေရာများကိုသွား၍ စုံစမ်း လေ့လာကာ မှတ်တမ်းများပြုစုခဲ့သည်။ သရဲနှင့် တွေ့ ဆုံခြင်းများတွင် အနီးကပ်ဆုံး ကြုံခြင်းတစ်ခုကို ထိုအမှုဖြစ်ရပ် ၏မန်နေဂျာက ပြန်ပြောပြပါသည် (ဂျီပီအက်စ် အဖွဲ့သည် ရာဇဝတ်မှုများကို စုံထောက်သကဲ့သို့ တစ်မှုခြင်းအလိုက် အမှုကိုင် မန်နေဂျာများထားကာ စုံစမ်းတွေ့ရှိမှု မှတ်တမ်းများ ပြုစုကြောင်း သိရပါသည်) အခင်းဖြစ်နေရာမှာ တောင်အာဖရိက၏ ဇူးလူးလူမျိုး အများစုနေထိုင်ရာ ကွာဇူးလူးပြည်နယ် (Kwa zulu province)အတွင်းရှိ ဒရာကင်စဘတ် တောင်ရိုး (Drakensberg Mountains)တွင် တည်ရှိသော ဟိုတယ်အဟောင်းကြီးတွင် ဖြစ်သည်။

အမှုကိုင်မန်နေဂျာက “ကျွန်တော်တို့ရဲ့ စုံစမ်းစစ်ဆေး ရေးမှူး နှစ်ယောက်က သရဲကို နောက် ကနေ လိုက်သွားတာဗျ။ ဒီဟိုတယ်က သရဲခြောက်တာ သိပ်နာမည်ကြီးတယ်။ ကျွန်တော် တို့ရဲ့ကေတူး (K2)စက်မှာ သရဲကို ဖမ်းမိနေတာလေ။ သရဲက စက်ထဲမှာ လျှပ်စစ် သံလိုက်စက်ကွင်း အားအတိုင်း အကွင်းလေးပုံပဲ ပေါ် နေတာ။ လိုက်ရင်းလိုက်ရင်း ဟို တယ်မီးဖိုခန်းကိုဖြတ်ပြီး ခန်းမထဲ သွားဖို့ လှေကားထစ်လေးတွေ တက်ရတယ်။ အဲသည် လှေကားထစ်မှာ သရဲက စက်ထဲက ပျောက်သွားတယ်။ စက်ထဲမှာ ကြည့်ရတဲ့ ရွေ့လျားမှုက သရဲက လမ်းလျှောက်သွားတဲ့ပုံပဲ။ ကျွန်တော်တို့ ဗွီဒီယိုလည်း ရိုက်ထားတယ်။ ဗွီဒီယိုထဲက အလင်းရောင်လေး တွေ့မယ်။ အဲဒါ သရဲရဲ့ နေရာပဲ။ စုံစမ်းရေးမှူး ခရစ်က “တွေ့လား ဗွီဒီယိုထဲမှာ ရပ်နေတယ်။ သူ့ကေတူးစက်ထဲက အလင်းရောင် လေးကသရဲပဲ။ ပြီးတော့ ကင်မရာရှေ့ကနေ အလင်း ရောင် အလုံးကြီးပြေးသွားပြီ”ဟု ဗွီဒီယိုမှတ်တမ်းတင် ဖမ်းမိသမျှကိုပြပြီး မန်နေဂျာကို ရှင်းပြပါသည်။

အကျဉ်းထောင်ဟောင်းကြီးမှ တစ္ဆေသရဲများ

အဆိုပါ ဂေါင်တဲင်းန်ပြည်နယ် ဟိုက်ဒယ်ဘတ်အရပ်မှ အကျဉ်းထောင်ဟောင်းကြီးသည် သရဲခြောက်ရာတွင် နာမည်အလွန်ကြီးရာ ဂျီပီအက်စ် အဖွဲ့ကဲ့သို့ပင် သဘာဝလွန်ဖြစ်ရပ်များကို သုတေ သနလုပ်နေသည့် ဖီးနစ်အဖွဲ့မှ သွားရောက်စုံစမ်း လေ့လာခဲ့သည်။ ဖီးနစ်အဖွဲ့တွင် အသံဖမ်းစက်များ အပြင် FM, AM အသံလှိုင်းရှာ ကိရိယာများ၊ အနီ အောက်ရောင်ခြည်သုံး ပုံရိပ်ဖမ်း ကိရိယာများ (အမှောင်ထဲတွင်ပင် လှုပ်ရှားမှု)ကို ဖမ်းနိုင်သည့် ကိရိ ယာများ၊ သာမန်မျက်စိဖြင့် မမြင်နိုင်သော ဝိညာဉ်၏ လှုပ်ရှားမှု စွမ်းအင်ကို ဖမ်းနိုင်သော ကင်မရာများ၊ အပူရှာ ပုံရိပ်ဖမ်း ကိရိယာများနှင့် လျှပ်စစ်သံလိုက် စက်ကွင်းတိုင်း ကိရိယာများ အပြည့်အစုံ ပါရှိသည်။

ထိုအကျဉ်းထောင်ကြီးမှာ ၁၈၆၇ ခုနှစ်ခန့်က တည်ဆောက်ခဲ့ပြီး အာဖရိက ဘိုးဝါးစစ်ပွဲမှ သုံ့ပန်း များကို ဖမ်းဆီးချုပ်နှောင်ရာတွင် သုံးခဲ့ကြောင်း၊ ၁၉၆၃ ခုနှစ်ခန့်အထိ အကျဉ်းထောင်အဖြစ် သုံးခဲ့ ပြီးနောက်  ဆက်မသုံးတော့ဘဲ စွန့်ပစ်ခဲ့ကြောင်း၊ ဖီးနစ်အဖွဲ့ခေါင်းဆောင်ရူး (Roos) က ပြော၏။

“ကျွန်တော်တို့ အဆင့်မြင့် နည်းပညာ ကိရိ ယာတွေနဲ့ အဖွဲ့လိုက်သွားပြီး နာမည်ကြီးနေတဲ့ ဒီ အကျဉ်းထောင်ကြီးကို စစ်ဆေးကြည့်တယ်ဗျ။ ထောင်ထဲမှာ သေပြီး တောင်လွတ်ခွင့်မရဘဲ တစ္ဆေ သရဲဘဝနဲ့ ထာဝရ ထောင်ချခံထားရတဲ့ အကျဉ်း သားတွေ ရှိနေတယ်ဟု ပြောပါသည်။ ဒုတိယ ဘိုးဝါး စစ်ပွဲကာလက စစ်ရာဇဝတ်သားအဖြစ် ဖမ်း ဆီး အကျဉ်းချခဲ့ပြီး ကွပ်မျက်ခံခဲ့ရသော စစ်ပွဲမှ ကွန်မန်ဒိုတစ်ဦးဖြစ်သူ ဆော်လမွန် ဗန်အက်စ်၏ ကိုယ်ထင်ပြခြင်းကိုလည်း သူ့ကို ချုပ်နှောင်ခဲ့ရာ အခန်းတွင်ပင် တွေ့ခဲ့ရပြီး ပုံရိပ်ကို ၎င်းတို့အဖွဲ့က ဖမ်းယူခဲ့ကြောင်း ပြောပါသည်။

ဖီးနစ်အဖွဲ့က ရယူခဲ့သော သရဲခြောက်သည့် မှတ်တမ်းများတွင် အကျဉ်းထောင်၏ အလွန်ကြီးမား လေးလံပြီး သံချေးများ ကိုက်နေသည့်အတွက် တစ်ဖွဲ့လုံးအားဖြင့် တွန်းဖွင့်မရနိုင်သော တံခါးမကြီး တစ်ခုသည် မည်သူမျှ မဖွင့်ဘဲ ရုတ်တရက် ဗြုန်းခနဲ လွှဲယမ်းပွင့်ထွက်သွားခဲ့သည်ကို ရိုက်ကူးခဲ့သော ဗွီဒီယို မှတ်တမ်းတစ်ခုလည်း ပါရှိလေရာ ရင်ဖိုစရာ အကောင်းဆုံးအပိုင်းဟု ဆိုနိုင်ပါသည်။

ဇေယျမင်းမင်းဝင်း