ထမင်းဝိုင်းက နိမိတ်

မိတ်ဆွေအနေနဲ့ တစ်စုံတရာ အစားအသောက် စားသောက်နေစဉ်မှာ ရုတ်တရက် ထူးထူး ခြားခြား ပုံမှန်မဟုတ်ဘဲ –

ဝမ်းသွားချင်၍ ဗိုက်နာသော ဝေဒနာမျိုး ခံစားရသော်

– မျှော်လင့်ထားသော အကူအညီကောင်းများ ရရှိတတ်ပါတယ်။

– လိုချင်နေသော တန်ဖိုးကြီး ပစ္စည်းတစ်ခု ရတတ်ပါတယ်။

ဆီးသွားချင်၍ ဆီးအောင့်သောဝေဒနာမျိုး ခံစားရသော်

– သတင်းကောင်း ကြားရတတ်ပါတယ်။

– စာမေးပွဲ၊ အင်တာဗျူး အောင်မြင်ခြင်း၊ အလုပ်ခေါ်စာရခြင်းများ ကြုံတွေ့ရတတ်ပါတယ်။

နှာချေခြင်း ချောင်းဆိုးခြင်း ဖြစ်ခဲ့သော်

– ရုတ်တရက် ခရီးထွက်ရတတ်တယ်။

– ဝန်ထမ်းများ ပြောင်းရွှေ့မိန့် ကျလာတတ်ပါတယ်။

ကြို့ထိုးခြင်းဖြစ်ခဲ့သော်

– မကြာခင် ကျန်းမာရေးညံ့တတ်ပါတယ်။

– အထင်အမြင် အလွဲအမှားခံရခြင်း၊ စွပ်စွဲခြင်းခံရတတ်ပါတယ်။

တဝါးဝါးနဲ့ သမ်းခြင်းမျိုး ဖြစ်ခဲ့ရင်

– သူတစ်ပါးကိစ္စ ကြားညှပ်တတ်ပါတယ်။

– မိတ်ဆွေပြုလုပ်ထားတဲ့ မလည်ရှုပ် ပြဿနာ ဖြေရှင်းရတော့မယ်။

– ဖုံးကွယ်ထားသောကိစ္စများ၊ လိမ်ထားသောအရာများ ပေါ်သွားတတ်ပါတယ်။

အဂ္ဂမောင်(ကံတလူ)