ဘယ်လိုလူမျိုးနဲ့ ဖူးစာဆုံမှာလဲ

ဘယ်လိုလူမျိုးနဲ့ ဖူးစာဆုံမှာလဲ

ဘယ်လိုလူမျိုးနဲ့ ဖူးစာဆုံမှာလဲ (လအလိုက်)

ဖူးစာဆိုတာ ဆန်းကြယ်ပါတယ်။ တစ်ခါတလေ ဘယ်လောက်ရှာရှာ မတွေ့တတ်သလို၊ တစ်ခါတလေ မရှာပေမယ့်လည်း ကိုယ့်ဆီကို ဆိုက်ဆိုက်မြိုက်မြိုက် ရောက်လာတတ်ပါတယ်။ ကိုယ့်ရဲ့ဖူးစာရှင်က ဘယ်လိုလူမျိုးဖြစ်မလဲဆိုတာ ကြိုသိချင်နေတဲ့ သူတွအတွက် လအလိုက် ဘယ်လိုလူမျိုးနဲ့ ဖူးစာဆုံတတ်လဲဆိုတာကို ဖော်ပြပေးလိုက်ပါတယ်။

(1) January

သင်ဟာ စိတ်ခံစားချက်ပြင်းထန်ပြီး ရည်မှန်းချက်ကြီးသူပီပီ သင့်ရဲ့ဖူးစာရှင်ဟာလည်း သင့်ရဲ့ဦးဆောင်မှုနောက်ကို လိုက်ပြီး သင့်ကိုအမြဲတမ်း အားပေးကူညီတတ်တဲ့သူတစ်ယောက် ဖြစ်ပါလိမ့်မယ်။ ဘယ်လိုအခြေအနေမှာပဲဖြစ်ဖြစ် သင့်အနားမှာရှိနေပြီး သင့်ဖက်ကနေရပ်တည်ပေးတဲ့သူပါ။

(2) February

သင်ဟာ အရမ်းပေါက်ကွဲလွယ်သူတစ်ယောက်ဖြစ်ပြီး ကိစ္စတိုင်းကို လိုက်ပြီးခံစားတတ်တဲ့သူပါ။ ဒါကြောင့် သင့်ဖူးစာရှင်ဟာ သင့်ရဲ့ပေါက်ကွဲလွယ်တဲ့စရိုက်ကို နားလည်သည်းခံပေးပြီး စိတ်ရှည်တဲ့သူမျိုးဖြစ်ပါတယ်။

(3) March

သင်ဟာ အရမ်းကြင်နာသနားတတ်တဲ့ သူတစ်ယောက်ဖြစ်ပါတယ်။ သင်ချစ်တဲ့သူတွေအတွက်ဆိုရင် ဘာမဆို ပေးဆပ်ဖို့ ဝန်လေးတတ်သူ မဟုတ်ပါဘူး။ ဒါကြောင့်ပဲ သင့်ဖူးစာရှင်ဟာလည်း သင့်လိုပဲ အရမ်းချစ်တတ်ပြီး သင့်ကို ဂရုစိုက်ကြင်နာမယ့်သူတစ်ယောက် ဖြစ်ပါလိမ့်မယ်။

(4) April

သင်ဟာ သင့်ကိုယ်သင် အထင်ကြီးပြီး ဘဝင်မြင့်တတ်တဲ့ သူတစ်ယောက်ဖြစ်ပါတယ်။ သင့်ရဲ့ဖူးစာရှင်ဟာ သင်မလုပ်ချင်တဲ့အရာ၊ မဖြစ်ချင်တဲ့အရာကို ဇွတ်အတင်းဖိအားပေးမယ့်သူ မဟုတ်သလို၊ သင့်ကို လွတ်လပ်ခွင့်အပြည့်ပေးမယ့်သူမျိုးပါ။

(5) May

သင်ဟာ ရည်မှန်းချက်ကြီးပြီး အောင်မြင်ချင်စိတ်ပြင်းထန်သူပါ။ သင့်ဘဝမှာ ရည်မှန်းချက်ပန်းတိုင်တွေ အများကြီးရှိသလို၊ သင့်ကိုထိန်းချုပ်တဲ့သူမျိုးကိုလည်း မကြိုက်ပါဘူး။ ဒါကြောင့် သင့်ရဲ့ဖူးစာရှင်ဟာ သင့်ရည်မှန်းချက်ကို အကောင်အထည်ဖော်ရာမှာ အကူအညီပေးပြီး ဘယ်တော့မှ သင့်ရဲ့ ရည်မှန်းချက်တွေနဲ့ ပတ်သက်ပြီး အတားအဆီးမပေးမယ့် သူမျိုးဖြစ်ပါတယ်။

(6) June

သင့်အတွက် စကားပြောဖော်ကောင်းတစ်ယောက်က အလိုအပ်ဆုံးဖြစ်ပါတယ်။ သင့်ရဲ့ဖူးစာရှင်ဟာ သင့်စိတ်ထဲရှိသမျှကို ပွင့်ပွင့်လင်းလင်း တိုင်ပင်ဆွေးနွေးလို့ရတဲ့ သူတစ်ယောက်ဖြစ်ပြီး ဘယ်အကြောင်းအရာကိုမဆို သင်နဲ့ ကောင်းမွန်စွာပြောဆိုဆွေးနွေးပေးနိုင်တဲ့ သူတစ်ယောက်ဖြစ်ပါလိမ့်မယ်။

(7) July

သင့်ဖူးစာရှင်ဟာ သင့်ကိုချစ်ပြီးရင် ဘယ်တော့မှ နောက်ဆုတ်တော့မယ့် သူမျိုးမဟုတ်ပါဘူး။ သင်ဟာ လူမှုဆက်ဆံရေး ပြေပြစ်ကောင်းမွန်တဲ့သူဖြစ်တာကြောင့် သင့်ကိုချစ်တဲ့သူမရှားပါဘူး။ ဒါကြောင့်မို့ပဲ သင်ဟာမြာပွေတတ်သူတစ်ယောက် ဖြစ်ခဲ့ကောင်းဖြစ်ခဲ့မယ် ဒါပေမယ့် သင့်ဖူးစာရှင်က သင့်ကိုခွင့်လွှတ်မယ့်သူမျိုးပါ။

(8) August

သင်ဟာ မွေးရာပါခေါင်းဆောင်အရည်အချင်းရှိသူပါ။ ကိုယ်ပိုင်ဆုံးဖြတ်ချက်ရှိပြီး လူအများကို သင့်ဖက်ပါအောင် အချိန်တိုအတွင်း လုပ်နိုင်တဲ့သူပါ။ ဘယ်လိုအခြေအနေပဲဖြစ်ဖြစ် သင်ဟာလုပ်ရဲရင် ခံရဲတဲ့သူပါ။ ဒါကြောင့် သင့်ဖူးစာရှင်ဟာ သင့်ကို အစစအရာရာ လိုက်လျောပေမယ့် မကောင်းတဲ့အရာတွေဆိုရင် တားမြစ်ပိတ်ပင်ပေးနိုင်တဲ့ သူမျိုးပါ။

(9) September

သင်ဟာ အာဏာရပြီးခြယ်လှယ်ချင်တဲ့ ပင်ကိုယ်စိတ်ရှိသူတစ်ဦးပါ။ သင်ဟာ အရမ်းကို အဆင့်အတန်းမြင့်ချင်ပြီး မျှော်လင့်ချက်တွေ အရမ်းများတဲ့သူတစ်ယောက်ပါ။ ဒါပေမယ့်သင့်ရဲ့ဖူးစာရှင်ကတော့ သင်မျှော်လင့်ထားတာထက် သာလွန်တဲ့သူတစ်ယောက် ဖြစ်ပါတယ်။

(10) October

သင်ဟာ ဘယ်လိုအခြေအနေမျိုးမှာဖြစ်ဖြစ် ကိုယ့်ကိုယ်ကို ကျေနပ်ဖို့နဲ့ လူတွေကို သိပ်အာရုံမစိုက်ဖို့ ကူညီပေးနိုင်တဲ့ သူကို လိုအပ်ပါတယ်။ သင်ဟာ သူတစ်ပါးရဲ့အမြင်၊ ဝေဖန်မှုတွေကို အရမ်းအာရုံစိုက်တတ်သူပီပီ အမြဲတမ်းကိုယ့်ကိုယ်ကို မကျေမနပ်၊ ယုံကြည်မှုတွေ ပျောက်ဆုံးနေတတ်ပါတယ်။ သင့်ဖူးစာရှင်ဟာ သင့်ကိုသင်ယုံကြည်မှုရှိစေပြီး သင့်ရဲ့ဖြစ်တည်မှုကို ချစ်တတ်ဖို့ ကူညီပေးမယ့် သူမျိုးဖြစ်ပါတယ်။

(11) November

သင်ဟာ အရမ်းကိုရည်မှန်းချက်ကြီးပြီး စိတ်အားထက်သန်တဲ့ သူတစ်ယောက်ဖြစ်ပါတယ်။ သင်ဟာဘယ်တော့မှ အလုပ်နဲ့လက်မပြတ်အောင် လုပ်တတ်တဲ့သူဖြစ်ပြီး သင့်ရဲ့အစွမ်းအစတွေကို အကျိုးရှိရှိအသုံးချတတ်သူပါ။ သင့်ရဲ့ဖူးစာရှင်ဟာ သင့်ကို စိတ်ပျော်ရွှင်လန်းဆန်းစေမယ့်၊ အမောပြေစေမယ့် သူတစ်ယောက်ပါ။ သင့်ကို မွန်းကျပ်စရာတွေ၊ များပြားလွန်းတဲ့ အလုပ်တွေဆီကနေ ခေါ်ထုတ်ပေးနိုင်တဲ့သူမျိုးပါ။

(12) December

သင်ဟာ ရိုးသားပြီး ယုံကြည်လို့ရတဲ့ သူတစ်ယောက်ပါ။ သင့်ရဲ့ဖူးစာရှင်ဟာလည်း သင့်ရဲ့အကျင့်နဲ့ထပ်တူ ရောင်ပြန်ဟပ်စေမယ့်သူပါ။ သူနဲ့အတူရှိနေရရင် သင်ဟာ အရမ်းသက်တောင့်သက်သာဖြစ်သလို ခံစားရပြီး သင့်အပေါ်ကို အချစ်စစ်နဲ့ချစ်တယ်ဆိုတာကို ခံစားစေမယ့်သူမျိုးပါ။ သင့်ရဲ့ဖူးစာရှင်ဟာ ယုံကြည်ရတဲ့သူတစ်ယောက်ဖြစ်သလို သင့်ကိုအမြဲတမ်းအားပေးပြီး သင့်အနားမှာအမြဲရှိနေမယ့် သူမျိုးပါ။

Credit : lwinpyin