လူမိုက်နှင့် လူလိမ္မာ

“ကြီးပွားချမ်းသာကြောင်းများစွာ

မင်္ဂလာဟုခေါ်။

ချမ်းသာကြီးပွားအကြောင်းများကို

ပြထားဖော်ထုတ်တရားကြုတ်

မင်္ဂလသုတ်ဟုခေါ် …”

အထက်ဖော်ပြပါ ဆောင်ပုဒ်မှာ အခြေပြု မင်္ဂလသုတ်စာအုပ်တွင် အမရပူရ၊ မဟာဂန္ဓာရုံ ဆရာတော်က ရေးသားထားခဲ့သော ဆောင်ပုဒ် ဖြစ်ပါသည်။ ကျွန်တော်သည် အထက်ဖော်ပြပါ ဆောင်ပုဒ်ကို အသက် ၁၀ နှစ်သားအရွယ်တွင် ကျက်မှတ်ခဲ့ရရာ ယနေ့တိုင် မမေ့နိုင်သေးပေ။ အခြားဖတ်ရှုခဲ့ရသော စာပေါင်းမြောက်မြားစွာကို မေ့ပျောက်ခဲ့သည်များ ရှိသော်လည်း အထက်ပါ ဆောင်ပုဒ်ကိုမူ သတိရလျက်ပင်ရှိပါသည်။

မင်္ဂလသုတ်ဟူသည်မှာ မြတ်စွာဘုရားကိုယ် တိုင်ဟောကြားခဲ့သော တရားတော်ဖြစ်ပေသည်။ သာဝတ္ထိပြည်၌ အနာထပိဏ်သူဌေး လှူဒါန်းထား သော ဇေတဝန်ကျောင်းတော်တွင် မြတ်စွာဘုရား သီတင်းသုံးနေတော်မူစဉ် နတ်သားတစ်ပါးက တောင်းပန်၍ ဤမင်္ဂလသုတ် ဒေသနာတော်ကို မြတ်စွာဘုရားက ဟောကြားခဲ့ခြင်းဖြစ်ပေသည်။

မင်္ဂလသုတ်ဒေသနာတွင် မြတ်စွာဘုရား သည် ၃၈ ပါးသော မင်္ဂလာတရားတော်တို့ကို ဟော ကြားတော်မူခဲ့သည်။ ပထမဦးဆုံး ဟောကြားခဲ့သော မင်္ဂလာတရားတော်နှစ်ပါးမှာ –

၁။ လူမိုက်ကို ရှောင်ကြဉ်ပါ။

၂။ ပညာရှိကို ဆည်းကပ်ပါဟူသော တရား တော်တို့ပင်ဖြစ်သည်။ မဟာဂန္ဓာရုံဆရာတော်က ကလေးသူငယ်များ မှတ်သားရန် လွယ်ကူစေရန် အောက်ပါအတိုင်း ဆောင်ပုဒ်ပြုလုပ်ပေးထားလေ သည်။

“လူမိုက်များကိုလ၊ ရှောင်ရှားကြလူငယ်၊ လူလိမ္မာဟူသမျှကို ပေါင်းကြလေကွယ်”

လူဟူ၍ဖြစ်လာပြီး သိတတ်သည့်အရွယ်သို့ ရောက်လာပြီးနောက် အပေါင်းအသင်းဟူသည်မှာ  မကင်းနိုင်ကြပေ။ ကျောင်းနေလျှင် ကျောင်းရှိအ ပေါင်းအသင်းများကို တွေ့ကြရပေမည်။ အလုပ်လုပ် လျှင်လည်း အလုပ်၌ အပေါင်းအသင်းများကို တွေ့ ကြရပေမည်။ ထိုကဲ့သို့ တွေ့ကြရသည်နှင့် လူမိုက် ကို မပေါင်းသင်းကြရန်၊ လူလိမ္မာကို ပေါင်းသင်းကြ ရန် ဘုရားရှင်ကိုယ်တိုင်က ကတိပေးဟောကြားခဲ့ ခြင်းဖြစ်လေသည်။

“မုဆိုးနားနီး မုဆိုး၊ တံငါနားနီး တံငါ”ဆို သကဲ့သို့ လူမိုက်နှင့်ပေါင်းလျှင် လူမိုက်အဖြစ်သို့ ရောက်ရှိသွားတတ်၍ လူလိမ္မာပညာရှိနှင့် ပေါင်းသင်း လျှင် လူလိမ္မာပညာရှိအဖြစ်သို့ ရောက်ရှိသွားတတ် ပေသည်။ ဤနေရာ၌ ကျွန်တော် မှတ်မိနေသော ကျေးညီနောင်ပုံပြင်တစ်ခုကို သာဓကတစ်ရပ်အနေ ဖြင့်တင်ပြလိုပေသည်။

ရှေးအခါက ပဉ္စာလတိုင်းမှ ဘုရင်ကြီးသည် တောကစားထွက်တော်မူရာ နောက်လိုက် အခြွေအရံများနှင့် ကင်းကွာ၍ ဘုရင်ကြီးတစ်ပါးတည်း တော အုပ်ကြီးအတွင်းသို့ ခရီးလွန်ကာ ရောက်ရှိသွား လေသည်။

အရိပ်အာဝါသကောင်းသော ညောင်ပင်ကြီး တစ်ပင်အောက်၌ ခေတ္တရပ်နားခဲ့ရာ

“ဘုရင်ကြီးကို ဖမ်းကြလော့ ဆီးကြလော့ လက်ဝတ်တန်ဆာများကို လုယူကြလော့” စသည်ဖြင့် အော်ဟစ် သံများကို ကြားရလေသည်။ အသံလာရာဘက်သို့ ကြည့်လိုက် သောအခါ သစ်ပင်ကြီးတစ်ပင်ပေါ်မှ ကျေးသား တစ် ကောင် အော်ဟစ်နေသည်ကို တွေ့ရသည်။

ထိုအခါဘုရင်ကြီးသည် ယင်းပတ်ဝန်းကျင် ၌ ခိုးသားဓားပြရှိသည်ဖြစ်ရာ၏ဟု တွေးမိပြီး ထို နေရာမှ ချက်ချင်း ထွက်ခွာလာခဲ့တော့သည်။ မကြာ မီ ရသေ့ကျောင်းတစ်ကျောင်းသို့ ရောက်သွားပြန် လေသည်။

“အရှင်မင်းကြီး ကြွတော်မူပါ ထိုင်တော်မူပါ။ အပန်းဖြေနားနေတော်မူပါ။ အမောပြေ ရေအေး တစ်ခွက် သောက်တော်မူပါ။ ချိုမြိန်သောသစ်သီး တို့ကိုလည်း သုံးဆောင်တော်မူပါ။ ရှင်ရသေ့မှာ သစ် သီး ရှာသွားနေခိုက်ဖြစ် အရှင်မင်းကြီးကို ဧည့်ဝတ် ပြုမည့်သူမရှိ ဖြစ်နေပါသည်။ ကျွန်ုပ်မှာ လက်မရှိ ကိုယ်တိုင် ဧည့်ဝတ်မပြုနိုင်သဖြင့် စိတ်မကောင်းပါ။ အရှင်မင်းကြီးကိုယ်တိုင်သာ အလိုရှိသရွေ့ သုံး ဆောင်တော်မူပါတော့”

မင်းကြီးသည် အသံလာရာဘက်သို့ လှည့် ကြည့်လိုက်ရာ ကျေးသားတစ်ကောင်ကို တွေ့ရ လေသည်။ ကျေးသား၏ ပျုငှာဖော်ရွေသော စကား များကြောင့် မင်းကြီးမှာ ပင်ပန်းနွမ်းနယ်မှုများ ပပျောက်သွားတော့သည်။ ကြည်သာရွှင်ပျစိတ်ချမ်း သာသွားလေသည်။

မင်းကြီးသည် တောအုပ်အတွင်းမှ တွေ့ခဲ့ ရသော ကျေးသားနှင့် ရသေ့ကျောင်းရှိ ကျေးသား နှစ်ဦးတို့ကွာခြားပုံကို နှိုင်းယှဉ်၍ ပြောပြလေသည်။ ထိုအခါ ရသေ့ကျောင်းရှိ ကျေးသားငယ်က မိမိတို့ ကျေးသားနှစ်ကောင်သည် တစ်အူထုံဆင်း ညီရင်း အစ်ကိုများဖြစ်ကြကြောင်း၊ ငယ်စဉ်အခါက လေပြင်း တိုက်ခတ်သဖြင့် အသိုက်မှလွင့်ကာ တကွဲတပြားစီ ဖြစ်သွားကြကြောင်း၊ ယခင်ကျေးသားမှာ ဓားပြတို့ ထံရောက်ရှိသွားလေ၍ သတ္တိဂုမ္မကျေးဟု အမည် ရရှိခဲ့ကြောင်း၊ မိမိမှာမူ ရသေ့တို့ထံ ရောက်ရှိလာ၍ ပုပ္ဖသူဝအမည်ဖြင့် ကျေးလိမ္မာဖြစ်လာကြောင်းဖြင့် ရှင်းပြခဲ့သည်။

ထို့နောက် ပုပ္ဖသူဝကျေးလိမ္မာကပင် ဆက် လက်၍ “ငါးပုပ်ကို သမန်းမြက်ဖြင့်ထုတ်လျှင် သမန်းမြက်ပါ အပုပ်နံ့နံသည်။ ထို့အတူ လူမိုက်နှင့် ပေါင်းသင်းလျှင် လူမိုက်သာ ဖြစ်လာနိုင်သည်။ တောင်ဇလပ်ပန်းကို ပေါက်ဖက်နှင့်ထုတ်လျှင် ပေါက် ဖက်ပါ ပန်းရနံ့မွှေးကြိုင်သည်။ ထို့အတူပင် ပညာရှိသူ တော်ကောင်းနှင့် ပေါင်းဖက်လျှင် ပညာရှိသူတော် ကောင်း ဖြစ်လာနိုင်ပါသည်”ဟု ဟောကြားခဲ့လေ သည်။

ကျွန်တော်သည် ၃၈ ဖြာမင်္ဂလာတွင်ပါရှိ သည့် လူမိုက်ကိုမပေါင်းပါနှင့်။ လူလိမ္မာပညာရှိကို ပေါင်းပါဟူသော ဗုဒ္ဓ၏ဆုံးမဩဝါဒစကားများကို မမေ့နိုင်သကဲ့သို့ ဤကျေးညီနောင်ပုံပြင်ကိုလည်း အစဉ်သတိရလျက်ရှိပေသည်။ ကျေးညီနောင် ပုံ ပြင်မှာ ဝီသထိနိပါတ်၊ သတ္ထိဂုမ္ဗာဇာတ်မှ လာရှိ သည်ဟု သိရပေသည်။

ယခုခေတ်လူငယ်များအနေဖြင့်လိုက်နာကျင့် သုံးနိုင်ကြစေရန်အတွက် ရေးသားတင်ပြအပ်ပေသည်။

မောင်ဥာဏ်စိန်

ကျမ်းကိုးစာရင်း

၁။ အခြေပြုမင်္ဂလသုတ် (အမရပူရမြို့ မဟာဂန္ဓာရုံဆရာတော်အရှင်နကာဘိဝံသ)

၂။ မင်္ဂလာနိဒါန်း

(မောင်အံ့၊ မဟာဝိဇ္ဇာ၊ ဘုံဘေ)