မကောင်းမှုဟူသမျှ ရှောင်ကြဉ်ကြပါ

မကောင်းမှုတွေ ဟူသမျှကို

မတွေ့ခင်ကြ ရှောင်ကြဉ်လေ။

တွေ့ကြုံလာရင် မလွန်ကျူးနဲ့

အထူးသဖြင့် စောင့်စည်းနေ

အရက်သေစာ မသောက်စားနဲ့

မှောက်မှားတတ်တဲ့ အရာပေ။

လုပ်ကိုင်ပြောကြား သတိထား

တရားမမေ့စေ။

အဲဒါမှဗုဒ္ဓဝါဒ ကမ္ဘာ့မင်္ဂလာတွေ။

မြတ်စွာဘုရား ဟောကြားတော်မူခဲ့သော တရားတော်များတွင် မင်္ဂလသုတ်သည်လည်း အပါ အဝင်ဖြစ်ပေသည်။ အနာထပိဏ်သူဋ္ဌေး ဆက်ကပ် လှူဒါန်းထားသည့် သာဝတ္တိပြည် ဇေတဝန်ကျောင်း တော်၌ သီတင်းသုံးနေတော်မူစဉ် တစ်ခုသော သန်း ခေါင်ယံအချိန်၌ နတ်သားတစ်ပါးက လာရောက် လျှောက်ထားသဖြင့် ဟောကြားခဲ့ခြင်းဖြစ်ပေသည်။

“အာရတီ ဝိရတီပါပါ၊ မဇ္ဇပါနာစသံယမော

အပ္ပမာဒေါစ၊ ဓမ္မေသု၊ ဧတံမင်္ဂလမုတ္တမံ”

ဟူသော ဂါထာတော်သည် မင်္ဂလသုတ်တွင် ပါရှိသော ဂါထာတစ်ပိုဒ်ဖြစ်ပါသည်။ ယင်းဂါထာ တော်ကို အထက်တွင် ဖော်ပြခဲ့သည့်အတိုင်း မြန်မာ ပညာရှိတစ်ဦးက လင်္ကာဖွဲ့ဆိုထားရာ သာယာနာ ပျော်ဖွယ် ကောင်းလှပါသည်။

မကောင်းမှုဟူသည်ကို အကျဉ်းချုပ်တင်ပြ ရမည်ဆိုလျှင် ဒုစရိုက် ၁၀ ပါးဟု မှတ်သားထားသင့် ကြပေသည်။ ဒုစရိုက် ၁၀ ပါးကို ထပ်ပြီးခွဲခြမ်းစိတ် ဖြာလိုက်လျှင် ကာယဒုစရိုက် သုံးပါး၊ ဝစီဒုစရိုက် လေးပါး၊ မနောဒုစရိုက် သုံးပါးဟု မှတ်ထားနိုင်ပေ သည်။

ကာယဒုစရိုက် သုံးပါးတွင်ပါဝင်သည့် ပါဏာ တိပါတမှာ သူတစ်ပါးကို သတ်ဖြတ်ခြင်း၊ အဒိန္နာဒါန မှာ သူတစ်ပါး၏ ပစ္စည်းဥစ္စာကို ခိုးခြင်းဖြစ်၍ ကာမေသုမိစ္ဆာစာရမှာ သူတစ်ပါး သားမယား၊ သား သမီးများနှင့် လူမှုရေးဖောက်ပြန်မှု အိမ်ထောင်ရေး ဖောက်ပြန်မှုတို့ပင် ဖြစ်သည်။

ဝစီဒုစရိုက် လေးပါးတွင် မုသာဝါဒမှာ လိမ် လည်ပြောဆိုမှု၊ ပိထုဏဝါစာမှာ ကုန်းတိုက်မှု၊ ဖရုဿဝါစာမှာ ဆဲရေးခြိမ်းခြောက်၊ ကြိမ်မောင်းမှု  နှင့် သမ္ဖပ္ပလာပ မှာ စကားဖျင်းများအား ပြောဆို မှုတို့ ပါဝင်ကြပေသည်။

မနောဒုစရိုက် သုံးပါးတွင် အဘိဇ္ဈာဟူသည် မှာ သူတစ်ပါး၏ စည်းစိမ်ချမ်းသာတွင် မကောင်း ကြံစည်ခြင်း ဗျာပါဒဟူသည်မှာ သူတစ်ပါးပျက်စီး စေလိုစိတ်ရှိခြင်းနှင့် မိစ္ဆာဒိဋ္ဌိမှာ ဖောက်ပြန်သော မှားယွင်းသောအယူရှိခြင်းတို့ ပါဝင်ကြပေသည်။

ဤနေရာတွင် မကောင်းမှုကို ရှောင်ကြဉ်ရာ ၌ စံနမူနာယူလောက်သည့် အဖြစ်အပျက်၊ ဇာတ် လမ်းတစ်ခုကို တင်ပြလိုပေသည်။

ရှေးအခါက သီဟိုဠ်ကျွန်း(ယခုခေတ် အခေါ် အဝေါ် သီရိလင်္ကာနိုင်ငံ)တွင် စက္ကနအမည်ရှိသော ဥပါသကာတစ်ဦး ရှိခဲ့ဖူးလေသည်။ ゞင်း၏မိခင်တွင် ရောဂါတစ်ခု ကပ်ငြိလျက်ရှိရာ ဆေးဆရာက ယုန် သား လတ်လတ်ဆတ်ဆတ် ချက်စားရမှသာ ပျောက် ကင်းမည်ဟု ပြောဆိုသဖြင့် ယုန်သားကို ရှာရန် လယ်တောသို့ ထွက်ခဲ့လေသည်။

လယ်တော၌ စပါးနှံနုနုများကို စားရန်လာ နေသော ယုန်သူငယ်တစ်ကောင်သည် စက္ကနဥပါ သကာကို မြင်သောအခါ လန့်ဖျပ်၍ ထွက်ပြေးလေ သည်။ အပြေးမတော်သဖြင့် နွယ်ပင်တစ်ပင်နှင့် ငြိကာ မပြေးနိုင်ဖြစ်နေရှာသည်။ စက္ကနသည် ယုန် ငယ်ကို အလွယ်တကူပင် ဖမ်းမိလေတော့သည်။ ယုန်ကလေးမှာလည်း ကြောက်ရွံ့သဖြင့် တစ်ကိုယ် လုံး တုန်နေရှာသည်။

စက္ကနသည် မိမိ၏လက်တွင်းသို့ ရောက်နေ သော ယုန်ကလေး၏ ဖြစ်အင်ကို ကြည့်ပြီးစာနာ စိတ်ဖြစ်ပေါ်လာသည်။ ထို့နောက် အောက်ပါအတိုင်း တွေးတောနေမိသည်။

“သတ္တဝါဆိုသည်မှာ သေရမည်ကိုကြောက် ကြသူချည်းပင်။ ငါလည်း သေရမည်ကိုကြောက် သည်။ ငါ့မိခင်လည်း သေရမည်ကိုကြောက်သည်။  ယုန်ကလေးလည်း သေရမည်ကိုကြောက်သည်။ ငါ့ မိခင်အသက် မသေအောင် ယုန်ကလေးကို သတ်ရ မည်ဆိုသည်မှာ တရားပါလေသလော။ သဘာဝကျ ပါသလော”

ထိုသို့တွေးတောပြီး ယုန်ကလေးကို မသတ် သင့်ဟု ဆုံးဖြတ်ကာ ပြန်၍လွှတ်ပေးလိုက်သည်။ ယုန်ငယ်လည်း ဝမ်းသာအားရ ပြေးလွှားလွတ်မြောက် သွားတော့သည်။

စက္ကနသည် နေအိမ်သို့ပြန်ရောက်သောအခါ အကျိုးအကြောင်းကို ရှင်းပြသည်။ စက္ကနတွင် အစ်ကိုတစ်ဦးရှိရာ ၄င်းက “သင်သည် မိခင်အကျိုး ကို ပစ်ပယ်သူဖြစ်သည်”ဟု ပြစ်တင်လေသည်။

စက္ကန၏ မိခင်ကမူ “သားငယ်မှာ အပြစ်မရှိ။ သားငယ်၏ ဆောင်ရွက်မှုသည် မှန်ကန်သည်။ သူ့ အသက်ကို သတ်ခြင်းတည်းဟူသော မကောင်းမှု သည် မကောင်း”ဟုဆိုကာ သားငယ်စက္ကန၏ စိတ်စေတနာကို သာဓုခေါ်လေသည်။

ထို့နောက် စက္ကနက အောက်ပါအတိုင်း သစ္စာ ပြုလိုက်လေသည်။

“ကျွန်ုပ်သည် သိတတ်သည့်အရွယ်ကစ၍ သိလျက်နှင့် သူတစ်ပါးအသက်ကို မသတ်ခဲ့ပါ။ ဤ စကားသည် မှန်သောသစ္စာစကား ဖြစ်ခဲ့ပါ၏။ ဤစကားမှန်ပါက မိခင်၏ရောဂါသည် ပိန်းကြာဖက် တွင်ရေမတင်သလို ကင်းစင်ပပျောက်ပါစေသ တည်း”

အထက်ပါအတိုင်း သစ္စာပြုလိုက်သည်နှင့် ထိုသစ္စာစကားကြောင့် မိခင်၏ရောဂါမှာ ချက်ခြင်း ပျောက်ကင်းသွားလေတော့သည်။

“မကောင်းမှုကိုရှောင်၊ ကောင်းမှုကိုဆောင် အိုအောင်မဆင်းရဲ”ဟူသော စကားအတိုင်း ပုထု ဇဉ်လူသားများအနေဖြင့် မင်္ဂလာတရားတော်နှင့် အညီ ကျင့်ကြံနေထိုင်ကြရန် တိုက်တွန်းရေးသား လိုက်ရပေသည်။

မောင်ဥာဏ်စိန်

ရည်ညွှန်းစာအုပ်များ

၁။ မင်္ဂလာနိဒါန်း(မောင်အံ့၊ မဟာဝိဇ္ဇာ ဘုံ ဘေ)

၂။ ၃၈ ဖြာ မင်္ဂလာပုံပြင်များ(မင်းယုဝေ)