အလင်းနိမိတ်တန်ခိုးနှင့် ထူးခြားသော အတွေ့အကြုံများ

သံလျင်မြို့နယ်၊ ပျဉ်ထောင်ကျောင်း ကျေးရွာ အနီးတွင် တည်ထောင်ဖွင့်လှစ်ထားသော အောင် ဗောဓိ မြေဇင်းတောရတရားရိပ်သာကား တိတ်ဆိတ် ငြိမ်သက်လျက်ရှိပါသည်။ လူသံသူသံလည်း မကြား ရ၊ သွားလာ လှုပ်ရှားမှုလည်း မတွေ့ရပါချေ။ တရား ရိပ်သာ၏ အပြင်ဘက်မှကြည့်ပါက မည်သူတစ်ဦး တစ်ယောက်မျှ ရှိမည်ဟု မထင်ရလောက်အောင် ငြိမ်သက်တိတ်ဆိတ်လှပါသည်။ အမှန်တကယ်တော့ ဤကဲ့သို့ မဟုတ်ပါ။ တရားစခန်းတွင် တရားထိုင်နေ ကြသောယောဂီ ၂၆ ဦး ရှိပါသည်။ အဆိုပါယောဂီ များထဲတွင် သံဃာတော် လေးပါးနှင့် သီလရှင် ဆရာ လေး နှစ်ပါးတို့သည်လည်း ရှိကြပါသည်။ ယောဂီ များ တရားထိုင်နေကြသည့် အချိန်မှာ နေ့လယ် ၁ နာရီဖြစ်သည့်အပြင် စက်တင်ဘာလ ရာသီဥတု ပူပြင်းသည့် ကာလဖြစ်ပါသည်။ စာရေးသူသည် လည်း ထိုအချိန်က ယောဂီတစ်ဦးအဖြစ် တရားစခန်း ဝင်ရောက်ပြီး တရားအားထုတ်နေသည့် ကာလ ဖြစ်ပါသည်။ ယောဂီများသည် နေ့စဉ် နေ့လယ်ပိုင်း တွင် (၁ နာရီမှ ၃ နာရီအထိ ဓမ္မာရုံကြီးတွင် နှစ်နာရီ ကြာ တရားထိုင်ရပါသည်။ တရားစခန်း၏ အစဉ် အလာအတိုင်း ယောဂီများတရားထိုင်နေသည့် အချိန် တွင် တရားစခန်းမှာ တိတ်ဆိတ်ငြိမ်သက်လှပါ သည်။ တရားစခန်းတွင် ဝေယျာဝစ္စဆောင်ရွက်နေ သူများပင် ယောဂီများကို အနှောင့်အယှက်မဖြစ်စေ ရန် ငြိမ်ငြိမ်သက်သက် လုပ်ကိုင် ဆောင်ရွက်ကြပါ သည်။

စာရေးသူသည် တရားစခန်းသို့ ဝင်ရောက် ပြီးနောက် ဆရာတော်၏လမ်းညွန်ချက်ဖြင့် သမာဓိ အားကောင်းစေရန် အာနာပါန ကျင့်စဉ်ကို ကြိုးစား အားထုတ်ခဲ့ရာ အလင်းနိမိတ်များရရှိပြီး ပတ်ဝန်းကျင် သို့ အလင်းနိမိတ်များ စေလွှတ်နိုင်သည့် အခြေ အနေသို့ ရောက်ရှိခဲ့ပါသည်။ စာရေးသူ တရားစခန်း ဝင်သည့် အချိန်တွင် တရားပြနေသည် ကမ္မဌာန စရိယ ဆရာတော်မှာ ဆရာတော်ဦးကုမာရဖြစ်ပါ သည်။ ဆရာတော်သည် ယောဂီများ၏ သမာဓိအား ကောင်းလာမှု အခြေအနေ အလင်းနိမိတ် စေလွှတ် နိုင်မှု စွမ်းအားတို့ကို ယောဂီတစ်ဦးချင်းအပေါ် စစ် ဆေးသုံးသပ်၍ ဘုရားဖူး စေလွှတ်ခိုင်းလေ့ရှိပါသည်။ ထို့ကြောင့် စာရေးသူကိုလည်း ကျောက်တန်း ရေလယ်ဘုရားသို့ နိမိတ်ဖြင့် ဘုရားဖူးစေလွှတ်ပါ သည်။ ထို့ကဲ့သို့ ဘုရားဖူးသွားရောက်ရာတွင် ထူး ခြားသော တွေ့ရှိမှု့တို့ကို ရေးသားဖော်ပြလိုခြင်း ဖြစ်ပါသည်။ ယောဂီများသည် နိမိတ်ဖြင့် ဘုရားဖူး သွားရာတွင် အချို့ယောဂီများသည် တိုက်ရိုက်ပင် ဘုရားသို့ ရောက်ရှိသွားခြင်းရှိသကဲ့သို့ အချို့မှာမူ ရေအောက်မှ ခရီးသွားခြင်း၊ မြေအောက်မှ ခရီးသွား ခြင်း၊ ကောင်းကင်မှ ခရီးသွားခြင်း စသည့်ဖြင့် ပုံစံ အမျိုးမျိုးဖြင့် သွားရောက်ကြပါသည်။

စာရေးသူသည် ကျောက်တန်းရေလယ် ဘုရားသို့ ဘုရားဖူးသွားရာတွင် မြေအောက်မှ သွား ပါသည်။ မဟာပထဝီမြေကြီးကို အာရုံပြုလျက် နှစ် ခြမ်းကွဲစေပြီး သွားရပါသည်။ စာရေးသူသည် ထိုကဲ့ သို့ သွားရာတွင် လမ်းခရီးတစ်နေရာအရောက်တွင် မိမိဘယ်နေရာသို့ ရောက်နေသည်ကို သိလိုသဖြင့် မြေပြင်ပေါ်သို့ တက်ရန်ကြိုးစားရာ အပေါ်တွင် မြေ ကြီးလွှာခံနေသဖြင့် တက်၍မရပါ။ ထို့အခါမှ သတိ ရပြီး မြေကြီးကို နှစ်ခြမ်းကွဲစေရန် ဆန္ဒပြု၍ တက်ခဲ့ ရာတွင် မြေကြီးမှာ နှစ်ခြမ်းကွဲသွားပြီး မြေပေါ်သို့ တက်နိုင်ခဲ့ပါသည်။ စာရေးသူသည်လည်း မြေပေါ် ရောက်ပြီး ပတ်ဝန်းကျင်ကို ကြည့်လိုက်ရာ တောင် ကုန်းကလေးနှင့် သစ်ပင် သစ်တောများကို တွေ့ရပါ သည်။ ထို့နေရာမှာ ဘယ်နေရာမှန်းတော့ မသိပါ။ ထို့နောက် မြေအောက်သို့ ပြန်သွားပြီး ကျောက်တန်း ရေလယ်ဘုရားသို့ ဆက်လက်သွားခဲ့ပါသည်။

စာရေးသူသည် ကျောက်တန်းရေလယ်ဘုရား ၏ ရေစပ်သို့ရောက်ရှိခဲ့ပြီး ကျောက်လှေကားထစ်များ မှတစ်ဆင့် ကုန်းတော်ပေါ်သို့တက်ရောက်ခဲ့ရပါသည်။ ထို့မှတစ်ဆင့် စေတီအတွင်းတွင် ဆင်းတုတော် တစ်ဆူ ဖူးတွေ့ရပြီး ရှိခိုးပူဇော်ခဲ့ရပါသည်။ ထို့နောက် စာရေးသူသည် စေတီတော်ဘုရားကြီး၏ အစောင့် အရှောက်တို့အား အာရုံပြုမေတ္တာပို့၍ ကျောက်တန်း ရေလယ်ဘုရားကြီးအား လေဒဏ်၊ မိုးဒဏ်၊ လှိုင်း ဒဏ်တို့မှ မည်သို့မည်ပုံ ကာကွယ်ထားသည်ကို သိ လိုကြောင်း မေးမြန်းပါသည်။

စာရေးသူသည် ထိုကဲ့သို့ မေးမြန်းပြီးနောက် ငြိမ်သက်စွာ စောင့်ဆိုင်းနေစဉ် မကြာလှသော အချိန် တွင် ကောင်းကင်တစ်ခုလုံး အုံ့မှိုင်းလာပြီး လေကြီး၊ မိုးကြီး ကျလာပါသည်။ ထို့နောက် ပတ်ဝန်းကျင် တစ်ခုလုံး မည်းမှောင်ကာ ရေလှိုင်းလုံးကြီးများသည် ဘုရား၏ တံတိုင်းနံရံကို လာရောက်ရိုက်ခတ်နေပါ သည်။ ဘုရား၏ ရင်ပြင်တော်ပေါ်သို့ ရေများဝင် ရောက်လာခြင်း မရှိပါ။ စာရေးသူက ကျောက်တန်း ရေလယ်ဘုရားကို နဂါးမင်းကြီးက လေဒဏ်၊ မိုးဒဏ်၊ လှိုင်းဒဏ်မှ ကာကွယ်စောင့်ရှောက်ထားသည်ဟု သိရှိရကြောင်း၊ ထင်ထင်ရှားရှား ကိုယ်ထင်ပြပေးရန် မေတ္တာရပ်ခံပါကြောင်း ဆန္ဒပြုလိုက်ပါသည်။ ထိုအခါ လှိုင်းလုံးကြီးများကြားနှင့် တံတိုင်းကြားတွင် နဂါးကြီး များကို တွေ့ရပြီး လှိုင်းလုံးကြီးများကို နဂါးကိုယ်လုံး ဖြင့် ကာကွယ်ထားသည့် နဂါးကြီး နှစ်ကောင်ကို တွေ့မြင်ရပါသည်။ နဂါးကြီး နှစ်ကောင်သည် ခေါင်း ချင်းယှက်၍လည်းကောင်း၊ အမြှီးချင်းယှက်၍လည်း ကောင်း ဘုရားတံတိုင်းအပြင်ဘက်မှ ပတ်ထား သည်ကို မြင်တွေ့ရပါသည်။ ထို့နောက် မကြာမြင့် မီပင် လေမုန်တိုင်းမှာ ငြိမ်သက်သွားပြီး ကောင်းကင် တစ်ခုလုံးလည်း ကြည်လင်သွားပါသည်။ ထို့နောက် မကြာမီမြင်ကွင်းအားလုံး ပျောက်ကွယ်သွားပါသည်။

စာရေးသူသည် ဆရာတော်၏ စေခိုင်းချက် အရ ပဲခူး၊ ရွှေမော်ဓောဘုရားကို နိမိတ်ဖြင့် ဖူးမြော် ခဲ့ရပါသည်။ ထိုသို့ ဖူးမြော်ရာ၌ ဌာပနာတိုက်အတွင်း ရှိသော ဌာပနာများကို ကြည့်ရှုရာတွင် ဘုရားဆင်း တုတော်များနှင့်အတူ အမျိုးသမီး ရွှေစင်ရုပ်တု တစ်ခု ကိုလည်း တွေ့မြင်ခဲ့ရပါသည်။ ထို့ပြင် နားထဲမှာ လည်း ရှင်စောပု ရုပ်တု၊ ရှင်စောပု ရုပ်တုဟူ၍လည်း ကြားနေရပါသည်။ ထို့ကြောင့် စာရေးသူလည်း ထို ရုပ်တုသည် ဘုရင်မကြီး ရှင်စောပုရုပ်တုဖြစ်ကြောင်း သိလိုက်ရပါသည်။

စာရေးသူသည် နိမိတ်ဖြင့် စစ်ကိုင်းရှိ ကောင်း မှုတော်ဘုရားကြီးကိုလည်း ဖူမြော်ရပါသည်။ ဤ နေရာတွင်လည်း ထူးခြားမှုတစ်ခုကို တွေ့မြင်ရပါ သည်။ စစ်ကိုင်းရှိ ကောင်းမှုတော်ဘုရားကြီးမှာ လက်ရှိတွင် ရွှေသင်္ကန်းကပ်လှူထားပြီး ရွှေရောင် တဝင်းဝင်းဖြင့် အဝေးမှပင် မြင်တွေ့နိုင်ပါသည်။ သို့သော်လည်း စာရေးသူ တွေ့မြင်ရသည်မှာ ထုံး သင်္ကန်းဖြင့်သာ ဖွေးဖွေးဖြူလျက် ဖူးတွေ့ရပါသည်။ မိမိစိတ်ထဲမှပင် အမြင်မှားနေသည်ဟု ထင်လျက် နှစ်ခါ သုံးခါ နိမိတ်ဖြင့်ကြည့်ရှုသော်လည်း ဘုရား ကြီးမှာ ထုံးသင်္ကန်းဖြင့် ဖွေးဖွေးဖြူနေသည်ကိုသာ ဖူးတွေ့နေရခြင်း ဖြစ်ပါသည်။ ဤသည်မှာလည်း ထူးခြားစွာ မြင်တွေ့ရခြင်းဖြစ်နေပါသည်။

စာရေးသူအနေနှင့် နောက်ထပ် ထူးခြားမှု တစ်ခုလည်း တွေ့ကြုံရပါသည်။ ရှမ်းပြည်နယ် အင်း လေးဒေသ ဖောင်တော်ဦးဘုရားသို့ နိမိတ်ဖြင့် ဘုရား ဖူးခြင်းဖြစ်ပါသည်။ အင်းလေးကန်အတွင်းရှိ ဖောင် တော်ဦးဘုရားမှာ မြန်မာပြည်တွင်သာမက နိုင်ငံ တကာတွင်ပါ ကျော်ကြားလှသော ထင်ရှားသည့် ဘုရားဖြစ်ပါသည်။ စာရေးသူသည် နိမိတ်ဖြင့် သွား ရောက်ရာတွင် ပထမဆုံးမြင်တွေ့ရသည်မှာ ဘုရား တန်ဆောင်း အတွင်းတွင် ရွှေဝါရောင်အဆင်းရှိသော နတ်ဒေဝါများကို များပြားစွာ တွေ့မြင်ရခြင်းဖြစ်ပါ သည်။ ဖောင်တော်ဦးဘုရား ပတ်ပတ်လည်တွင် လည်း နတ်ဒေဝါများသည် ဖောင်တော်ဦးဘုရားအား လက်အုပ်ချီ ကန်တော့နေကြသည်ကို တွေ့ရပါ သည်။ စာရေးသူလည်း ဖောင်တော်ဦးဘုရားအား ရှိခိုးကန်တော့ပြီးနောက် နတ်များနှင့် ဘုရားအား စောင့်ရှောက်လျက်ရှိသော ပုဂ္ဂိုလ်အားလုံးတို့ကို အမျှ ပေးဝေပါသည်။ ထို့အခါ နတ်များ၏ သာဓုခေါ်သံကို နားထဲတွင် ကြားနေရပါသည်။ ထို့နောက် စာရေးသူ သည် ပြန်တော့မည်ဟု စိတ်ကူးလျက် နောက်သို့ လှည့်ရာတွင် နားထဲတွင် အသံတစ်သံ ကြားလိုက်ရ ပါသည်။ ဘုရားကို နဖူးဖြင့် ထိအောင် ဦးတိုက် ကန်တော့ပါဟူသော အသံဖြစ်ပါသည်။ ထို့အသံ ကြောင့် စာရေးသူသည် နတ်များကို ကြည့်လိုက်ရာ ဘုရားဆင်းတုတော်ကို ဦးတိုက်ရန် အရိပ်အယောင် ပြနေသည်ကို တွေ့မြင်ရပါသည်။ ထိုအခါ နတ်များ သည် မိမိကို ဘုရားဆင်းထုတော်အား နဖူးဖြင့်ထိ၍ ဦးတိုက်ကန်တော့ရန် ဆန္ဒရှိနေသည်ကို သဘော ပေါက်လိုက်ပြီး ဘုရား လေးဆူ၏ အလယ်တွင်ရှိ သော ဖောင်တော်ဦးဘုရားသို့ သွားရောက်ပြီး နဖူးဖြင့် ထိကပ်ကာ ဦးတိုက်ကန်တော့ပါသည်။ ထို့ပြင် မြတ် စွာဘုရားအား ဦးတိုက် ကန်တော့ပါကြောင်း ရွတ်ဆို လိုက်ပါသည်။ ထို့နောက် ပြန်လည်ထွက်ခွာပြီး နတ် များ ရှိရာသို့ လှည့်ကြည့်ရာ ခေါင်းညိတ်ပြပါသည်။ ထို့ကြောင့် နတ်များအနေနှင့် ကျေနပ်လက်ခံသည့် သဘောကို တွေ့မြင်ရပြီးနောက် စာရေးသူအနေနှင့် ပြန်လည်ထွက်ခွာပြီး တရားစခန်းသို့ ပြန်လည်ရောက် ရှိလာပါသည်။

စာရေးသူသည် နိမိတ်ဖြင့် ဘုရားဖူးသွား ရောက် ရာတွင် သာမန်တွေ့ကြုံရခြင်း မဟုတ်ဘဲ ထူးခြားသော တွေ့ကြုံမှုတို့ကို မျှဝေခြင်း ဖြစ်ပါ ကြောင်း ဖော်ပြအပ်ပါသည်။

မင်းဘုန်းရွှေ