နဝရတ်ကိုးပါး အကျိုးကျေးဇူးနှင့် နဝရတ်ကိုးပါး ဂါထာတော်မြတ်

နဝရတ်ကိုးပါး အကျိုးကျေးဇူးနှင့် နဝရတ်ကိုးပါး ဂါထာတော်မြတ်

နဝရတ်ကိုးပါးဆိုသည်မှာ ကျောက်မျက် ရတနာ ကိုးမျိုးကို ခေါ်ဆိုပါသည်။ နဝရတ်ဟူသည် နဝရတန ဟူသော ပါဠိမှလာ၍ ရတနာကိုးပါးဟု အနက်ရသည်။ နဝရတ်ကိုးပါး ချယ်ထားသော လက် စွပ်ကို နဝရတ်လက်စွပ် ဟုခေါ်သည်။ ကဝိလက္ခဏာ သတ်ပုံကျမ်းတွင် မျက်စုံလည်းသတ်၊ နဝရတ်၊ စီ ခတ်အမွန်းတင်ဟု တွေ့ရသည်။ လူတို့သည် နဝရတ် လက်စွပ်ကို ကျက်သရေမင်္ဂလာနှင့် ပြည့်စုံသည်ဟု ယုံကြည်၍ ဆင်ယင်လေ့ရှိသည်။ ရှေးပဝေသဏီက ပင် ကျောက်မျက်များ၏ ထူးခြားသော တန်ခိုးများ ရှိသည်ဟု လူတို့ အယူရှိခဲ့ကြသည်။ နဝရတ်တွင် အပါအဝင် ကျောက်မျက်ရတနာတစ်ပါးပါး၏ တန်ခိုး အာနိသင်မှာ အောက်ပါအတိုင်း ဖြစ်သည်ဟု ယူဆ ကြသည်။

ပတ္တမြားဘုန်းတောက်၊ မြကျောက်အေးချမ်း

စိန်စွမ်းဂုဏ်ရောင်၊ ကြောင်ကားသိဒ္ဓိ

မဏိနီလာ မေတ္တာကဲချုပ်၊ ဂေါ်မိတ် ခွန်အား

ဥဿဖယား ကျန်းမာ၊ သန္တာကြီးကဲ

ပုလဲ ကျက်သရေ၊ ဂုဏ်ကိုးဝေသည်

ကိုးထွေ နဝရတ် စွမ်းရည်တည်း။

နဝရတ်လက်စွပ်သည် မြန်မာတို့လက်ထပ် ထိမ်းမြားခြင်းတွင် ရွှေခွက် (သို့) ငွေခွက်ထဲတွင် နဝရတ်ကိုးပါး၊ နံသာမျိုး ငါးပါးသွေး၍ (သို့မဟုတ်) ရေမွှေးများထည့်၍ သတို့သား၊ သတို့သမီးတို့၏ထိပ်၌ သပြေပန်းခက်ဖြင့် ပက်ဖြန်း၍ လက်ထပ် ထိမ်းမြား ခြင်းကို ပြုလုပ်လေ့ရှိသည်။ နဝရတ်ကိုးပါးမှာ- ပတ္တမြား၊ မြ၊ စိန်၊ ကြောင်၊ နီလာ၊ ဂေါ်မိတ်၊ ဥဿဖယား၊ သန္တာ၊ ပုလဲတို့ ဖြစ်သည်။ စိန်ကို ကျောက်မျက်တို့၏ ဘုရင်ဟုခေါ်သည်။ ကျောက် မျက်အမျိုးပေါင်း ၁၂၀ ခန့် ရှိသည့်အနက် စိန်သည် အမာဆုံးသော ကျောက်မျက်ဖြစ်သည်။ ယင်းတို့အ နက် စိန်၊ ပတ္တမြား၊ မြနှင့် နီလာတို့သည် အဖိုးအတန် ဆုံး ဖြစ်သည်။ နီလာနှင့် ပတ္တမြားသည် ကျောက် မျက်အမာ တစ်မျိုးတည်းပင် ဖြစ်သည်။ အရောင်အ သွေးသာ ကွဲပြားသွားသည်။ ပတ္တမြားသည် သွေး ကဲ့သို့သော အနီရောင်ရှိပြီး နီလာသည် တောက်ပ သော အပြာရောင်ရှိသည်။ ပုလဲနှင့် သန္တာသည် တွင်းထွက်ကျောက်များ မဟုတ်ကြပေ။ ပုလဲကို ကမာ(သို့) မုတ်ကောင်၏ ကိုယ်တွင်းမှ ရ၍ သန္တာကို သန္တာကောင်များရှိသော သန္တာကျောက်တန်းများမှ ရရှိသည်။

ကြောင်ကို ကြောင်၏ မျက်လုံးနှင့် တူ၍ ကြောင်မျက်ရွဲ ဟုလည်း ခေါ်ကြသည်။ မြတွင် ကြည် လင် စိမ်းမြသော အရောင်ရှိသည်။ သို့သော် စိန်၊ နီလာ၊ ဥဿဖယားတို့လောက် မမာချေ။ ဂေါ်မိတ် သည် ကျောက်သလင်းနှင့် ရော၍ တွေ့ရတတ်သော ကျောက်မျိုးဖြစ်သည်။ နဝရတ်တွင်ပါသော ကျောက် မျက်ရတနာတစ်ပါးစီတွင် တန်ခိုးအာနိသင်များ ရှိကြ သည်ဟု သိရသည်။ ပတ္တမြားသည် မြန်မာနိုင်ငံမှ ထွက်ရှိ၍ ဘုန်းတန်ခိုးရှိသည်။ ရန်သူ အန္တရာယ်မှ ကာကွယ်နိုင်သည်ဟု အယူရှိကြသည်။ မြန်မာနိုင်ငံမှ ပတ္တမြားငမောက်ကို ပဒေသရာဇ်မင်းတို့က ဘုန်း တန်ခိုး အာနိသင်ရှိအောင်နှင့် ရန်သူ၏ အန္တရာယ်မှ ကာကွယ်နိုင်အောင် ဆောင်ထားခြင်းကို သမိုင်း ရာဇဝင်များတွင် လေ့လာတွေ့ရှိရသည်။ မြကျောက် သည် စိမ်းမြသောအရောင်နှင့် ညီမျှသော အေးချမ်း ခြင်း၊ သောကကင်းဝေးခြင်း၊ စိတ်တည်ငြိမ်ခြင်းကို စွမ်းဆောင်နိုင်သည်ဟု ဆိုသည်။ စိန်သည် တောက်ပ ဖြူစင်ပြီး ဘုန်းတန်ခိုးကြီးခြင်း၊ အိမ်ထောင်ခိုင်မြဲ ခြင်း၊ စီးပွားလာဘ်လာဘ တိုးတက်ခြင်းတို့ကို စွမ်း ဆောင်နိုင်သည်ဟု ဆိုပါသည်။

ကမ္ဘာ့လူသားတိုင်း မင်္ဂလာလက်စွပ် လဲလှယ် ရာတွင် စိန်လက်စွပ်ကို အသုံးပြုကြခြင်းသည် အိမ်ထောင်ခိုင်မြဲမှုအတွက် ရည်ရွယ်ခြင်းဖြစ်သည်။ ရုရှားနိုင်ငံနှင့် အာဖရိကနိုင်ငံများတွင် ကမ္ဘာ့အ ကောင်းဆုံးစိန်များ ထွက်ရှိ်သည်။ ကြောင်ကျောက် သည် သိဒ္ဓိပြီးမြောက်သည်၊ အောင်မြင်သည်၊ တန်ခိုး ရှိသည် စသည်များကို စွမ်းဆောင်နိုင်သည်ဟု သိရ သည်။ နီလာကျောက်သည် သူတစ်ပါး၏ မေတ္တာကို ရရှိသည်။ လူတို့၏ ချစ်ခင်မြတ်နိုးမှုကို ရရှိသည်။ ရန်အပေါင်းမှ ကာကွယ်နိုင်သည် စသည်များကို စွမ်းဆောင်နိုင်သည်ဟု သိရသည်။ ဂေါ်မုတ်ကျောက် သည် ခွန်အားကြီးခြင်း၊ ကျန်းမာခြင်း၊ ရန်သူကို အောင်နိုင်ခြင်း စသည်များကို စွမ်းဆောင်နိုင်သည် ဟု သိရသည်။ ဥဿဖယားကျောက်သည် ကျန်းမာ ရေး ကောင်းမွန်မှုကို ပေးစွမ်းနိုင်ခြင်း၊ စိတ်ချမ်းသာ ခြင်း၊ စီးပွားလာဘ်လာဘကောင်းခြင်း စသည်များကို စွမ်းဆောင်နိုင်သည်ဟု ဆိုသည်။ သန္တာကျောက် သည် အကြီးအကဲဖြစ်ခြင်း၊ ခေါင်းဆောင်ဖြစ်ခြင်း၊ သူတစ်ပါးအကျိုးကို ဆောင်ရွက်နိုင်ခြင်း၊ ရန်သူကို အောင်နိုင်ခြင်း စသည်များကို စွမ်းဆောင်နိုင်သည်ဟု ဆိုသည်။ ပုလဲရတနာသည် ကျက်သရေရှိခြင်း၊ လူ နတ်ချစ်ခင်ခြင်း၊ ကျန်းမာခြင်း၊ အန္တရာယ်ကင်းခြင်း စသည်များကို စွမ်းဆောင်နိုင်သည်ဟု သိရသည်။ ကျောက်မျက်ရတနာ ကိုးပါး စီချယ်ပြုလုပ်ထားသော နဝရတ်လက်စွပ် ဝတ်ဆင်ထားခြင်းဖြင့် အသက် ရှည်ခြင်း၊ မင်္ဂလာရှိခြင်း၊ ကျက်သရေရှိခြင်း၊ စုန်း ပယောဂဘေးရန်ကို ဖျက်စီးနိုင်သည့်အပြင် အနုပီယ ဆေးဖြစ်၍ လူနတ်ချစ်ခင်သည်ဟု ရတနာကျမ်းများ တွင် ဖွင့်ဆိုထားပေသည်။ ထိုကဲ့သို့ အစွမ်းထက်မြက် လှသော နဝရတ်ကိုးပါး လက်စွပ်၊ အမျိုးသမီးများ အတွက် နဝရတ်ကိုးပါး လည်ဆွဲများ မှာယူလိုပါက ဈေးနှုန်းသက်သာစွာဖြင့် မှာယူနိုင်ပါသည်။ နဝရတ် ကိုးပါး ငွေအစစ်နဲ့ မှာယူလို့ရပါပြီ။ ဆေးပွဲမှာ စီရင်မယ့် ဟာလေးတွေပါ။ ဆိုင်ကိုသေချာအပ်ပေးပြီး ကိုယ်တိုင်စီရင်ထားတာပါ။ ဈေးလည်းချိုသာပါတယ်။ နဝရတ်ကိုးပါး အစွမ်းကတော့ အံ့မခန်းပါပဲ။ နေ့နံ အလိုက် ကျောက်တွေကို စီပေးထားတာပါ။ သူ့ နက္ခတ်နဲ့ သူစီရင်တာဖြစ်လို့ ဘေးထွက် ဆိုးကျိုး မရှိပါဘူး။ အထူးသဖြင့် ကျောက်တန်ဖိုးလည်း ဈေး အသင့်တင့်နဲ့ ငွေထည်ဖိုးလည်း ဈေးအသင့်တင့်နဲ့ နဝရတ်ကိုးပါးလေး စီရင်ပေးပါဆိုတဲ့ သူတွေအတွက် သေချာလေး လုပ်ပေးဖြစ်တာပါ။ ဈေးကသင့်တယ် မျှတတာဖြစ်လို့ ကိုးသိန်း ဆယ်သိန်း ပေးပြီး ဝယ် ဝတ်တာထက်စာရင် သူ့အစွမ်းနဲ့သူ အဆင်ပြေပြေနဲ့ အကျိုးပေးပါတယ်။ ရွှေဆို ရွှေ။ ငွေဆိုငွေ အထည် အပ်ပေးပါတယ်။ စီရင်တာတော့ မိမိပဲဘေးကထိုင်ပြီး ပြောပေး ဆိုပေးရတာပေါ့။ကျောက်ကိုက အရည် အသွေးနဲ့ တိုင်းတာပြီး မှာယူနိုင်ပါသည်။ ကျောက် အစစ်ဖြစ်ကြောင်း အာမခံထုတ်ပေးတယ်။ ဈေး ကတော့ တအားချိုပြီး မိမိအကျင့်စရဏအလျောက် အကျိုးပေး မြန်သည်၊ နှေးပါသည်။ ဈေးနှုန်းက တော့ အနည်းဆုံး တစ်သိန်းခွဲကနေ အများဆုံး ဆယ်သိန်းလောက်အထိရှိပါသည်။ မှာယူလိုပါက ဝ၉ ၇၈၄၉၆၄၀၈၂ ကို ဆက်သွယ်မေးမြန်းနိုင်ပါသည်။

နဝရတ်ကိုးပါးစီခြယ်သော နဝရတ်လက်စွပ် ဝတ်ဆင်သောသူများသည် အောက်ဖော်ပြပါ နဝ ရတ် ကိုးပါးဂါထာတော်ကို နေ့စဉ်နံနက်နှင့် ည အချိန်များ၌ ကိုးခေါက်စီရွတ်ဆိုပါက ကောင်းမွန် သော အကျိုးကျေးဇူးများကို ခံစားရမည်ဖြစ်ပါသည်။

နဝရတ်ကိုးပါးဂါထာတော်

၁။ ဗုဒ္ဓေါလောကေ သမုပ္ပန္နော ဟိတာယ သဗ္ဗပါဏိနံ၊ ဓမ္မောလောကေ သမုပ္ပန္နော သုခါယ သဗ္ဗပါဏိနံ၊ သံဃောလောကေ သမုပ္ပန္နော အနုတ္တရံ ပုညခေတ္တံ၊ ဧတေနေ သစ္စဝဇ္ဇေန သောတ္ထိမေ ဟော တုသဗ္ဗဒါ။

အနက် ။ ။ ဗုဒ္ဓေါ၊ မြတ်စွာဘုရားသည်၊ လောကေ၊ လောက၌၊ သဗ္ဗပါဏိနံ၊ အလုံးစုံသော သတ္တဝါတို့၏၊ ဟိတာယ၊ အကျိုစီးပွားအလို့ငှာ၊ သမုပန္နော၊ ပွင့်တော်မူ၏။ လောကေ၊ လောက၌၊ ဓမ္မော မြတ်စွာဘုရား ဟောကြားတော်မူသော တရားတော်မြတ်သည်၊ သဗ္ဗပါဏိနံ၊ အလုံးစုံသော သတ္တဝါတို့၏၊ သုခါယ၊ ချမ်းသာခြင်းအလို့ငှာ၊ သမုပ္ပန္နော၊ ဖြစ်ထွန်းတော်မူ၏။ လောကေ၊ လောက ၌၊ သံဃော၊ သံဃာတော်အရှင်သူမြတ်တို့သည်၊ သဗ္ဗပါဏိနံ၊ အလုံးစုံသောသတ္တဝါတို့၏၊ အနုတ္တရံ ပုညခေတ္တံ၊ ကောင်းမှုတည်းဟူသော မျိုးစေ့၏ စိုက်ပျိုးရာ လယ်ယာ မြေကောင်းသဖွယ်အဖြစ်၊ သမုပန္နော၊ ဖြစ်ပေါ်လာပါပေ၏။

၂။ ဗုဒ္ဓဿ ပူဇံ မဟာတေဇ ဝန္တော၊ ဓမ္မဿ ပူဇံ မဟာပညာဝန္တော၊ သံဃဿပူဇံ မဟာဘောဂ ဝန္တော၊ ဧတေန သစ္စဝဇ္ဇေန သောတ္တိမေ ဟောတု သဗ္ဗဒါ။

အနက်။ ။ ဗုဒ္ဓဿပူဇံ၊ မြတ်စွာဘုရားအား ပူဇော်ခြင်းသည်၊ မဟာတေဇ၊ ကြီးမြတ်သော တန်ခိုး တော်တို့သည်၊ ဝန္တော၊ ပြီးပြည့်စုံစွာ ဖြစ်ပေါ်စေ၏။ဓမ္မဿပူဇံ၊ တရားတော်မြတ်ကို ပူဇော်ခြင်းသည်၊ မဟာပညာ၊ ကြီးမြတ်သောပညာဉာဏ်တို့သည်၊ ဝန္တော၊ ပြီးပြည့်စုံစွာဖြစ်ပေါ်စေ၏။ သံဃဿပူဇံ၊ သံဃာတော်မြတ်တို့ကို ပူဇော်ခြင်းသည်၊ မဟာဘောဂံ၊ ကြီးမြတ်သော လာဘ်လာဘတို့သည်၊ ဝန္တော၊ ပြီး ပြည့်စုံစွာဖြစ်ပေါ်စေ၏။ ဧတေနသစ္စဝဇ္ဇေန၊ ဤသို့ မှန်ကန်သော သစ္စာစကားကြောင့်၊ မေ၊ ကျွန်ုပ်အား သဗ္ဗဒါ၊ အခါခပ်သိမ်း၊ သောတ္တိံ၊ ကောင်းမြတ်သော စီးပွားချမ်းသာ မင်္ဂလာအပေါင်းတို့သည်၊ ဟောတု ဖြစ်ပါစေသတည်း။

၃။ ဗုဒ္ဓတေဇေန အရိန္ဒမော၊ ဓမ္မတေဇေန မဟာလာဘော၊ သံဃတေဇေန မဟာယသော၊ ဧတေန သစ္စဝဇ္ဇေန သေတ္ထိမေ ဟောသုသဗ္ဗဒါ။

အနက်။ ။ ဗုဒ္ဓတေဇေန၊ ဗုဒ္ဓမြတ်စွာဘုရား ၏ တန်ခိုးတေဇော် အနုဘော်တော်တို့ကြောင့်၊ အရိန္နမော၊ ရန်သူအပေါင်းတို့အား စိုးမိုးအနိုင်ယူ ရကြကုန်၏။ ဓမ္မတေဇေန၊ တရားတော်မြတ်၏ တန်ခိုးတေဇော အနုဘော်တို့ကြောင့်၊ မဟာလာ ဘော၊ ကြီးမြတ်သော လာဘ်လာဘအပေါင်းတို့ ရကြစေကုန်၏။ သံဃတေဇေန၊ သံဃာတော်အရှင် သူမြတ်တို့၏ တန်ခိုးတေဇော်၊ အနုဘော်တို့ကြောင့်၊ မဟာယသော၊ များပြားသော အြွေခအရံတို့ ပေါများ ကြကုန်၏။ ဧတေနသစ္စဝဇ္ဇေန၊ ဤသို့ မှန်ကန်သော သစ္စာစကားတော်တို့ကြောင့်၊ မေ၊ အကျွန်ုပ်အား၊ သဗ္ဗဒါ၊ အခါခပ်သိမ်း၊ သောတ္ထိံ၊ ကောင်းမြတ်သော စီးပွားချမ်းသာ မင်္ဂလာအပေါင်းတို့သည်၊ ဟောတု၊ ဖြစ်ပါစေသတည်း။

၄။ ဗုဒ္ဓေါမေ ရက္ခတု နိစံ္စ၊ ဓမ္မောမေ ရက္ခတု သဒါ၊ သံဃောမေ ရက္ခတု ဒိနေ၊ ဒိဃာယုကော မယှံဘဝေ၊ ဧတေန သစ္စဝဇ္ဇေန သောတ္ထိမေ ဟော တု သဗ္ဗဒါ။

အနက်။ ။ မေ၊ အကျွန်ုပ်အား၊ ဗုဒ္ဓေါ၊ မြတ်စွာဘုရားသည်၊ နိစ္စံ၊ အမြဲမပြတ်၊ ရက္ခတု၊ စောင့်ရှောက်ပါစေသတည်း။ မေ၊ အကျွန်ုပ်အား၊ ဓမ္မော၊ တရားတော်မြတ်သည်၊ သဒါ၊ အခါခပ်သိမ်း၊ ရက္ခတု၊ စောင့်ရှောက်ပါစေသတည်း။ မေ၊ အကျွန်ုပ် အား၊ သံဃော၊ သံဃာတော် အရှင်မြတ်တို့သည်၊ ဒိနေ၊ နေ့စဉ်မပြတ်၊ ရက္ခတု၊ စောင့်ရှောက်ပါစေသ တည်း။ ဧတေနသစ္စဝဇ္ဇေန၊ ဤသို့မှန်ကန်သော သစ္စာစကားကြောင့်၊ မေ၊ ကျွန်ုပ်အား၊ သဗ္ဗဒါ၊ အခါ ခပ်သိမ်း၊ သောတ္ထိ၊ ကောင်းမြတ်သောစီးပွားချမ်းသာ မင်္ဂလာအပေါင်းတို့သည်၊ ဟောတု၊ ဖြစ်ပါစေသတည်း။

လင်းညို့တာရာ