ဗေဒင်အရ ရှေးတုန်းက ဆရာကြီးတစ်ဦးရဲ့ ဝေါဟာရ အသုံးအနှုန်းအယူအဆ

ရမည်းသင်းမြို့က ဆရာကြီးဦးသန်းမောင် ရေးခဲ့တဲ့ နက္ခတ်ဗေဒင်ကိန်း ဆောင်းပါးတစ်ပုဒ်ကို ဖတ်ရပါတယ်။ ၁၃၀၉ ခုက ရေးခဲ့တာဆိုတော့ ခရစ် နှစ်အားဖြင့် ၁၉၄၇ ခုနှစ်က ရေးခဲ့တာပါ။ မြန်မာ နိုင်ငံလွတ်လပ်ရေးရတာ ၁၉၄၈ ခုနှစ်ဆိုတော့ ဒီ ဆောင်းပါးကို ဆရာကြီးဟာ လွတ်လပ်ရေးမရခင် မှာ ရေးသွားခဲ့တာပါ။ မြန်မာ့အလင်းသတင်းစာ အချပ် ပိုမှာ ရေးခဲ့တာပါ။ ဆရာကြီးရဲ့ ဆောင်းပါး ခေါင်း စဉ်က ‘ဗေဒင်အရ ဖဆပလနှင့် ကွန်မြူနစ် ပြဿနာဒ တဲ့။ နက္ခတ်ဗေဒင်ကိန်းအရ ညီညွတ်ရေးကို ဖန်တီး ပေးနေသော်လည်း အကြီးအကျယ်ချို့ယွင်းချက် တစ်ခုကိုမူ နက္ခတ်ဗေဒင်ပညာနှင့် အဖြေပေးလို သည်။ ကြိုတင်၍ ဟောခဲ့ပြီလို့ အစချီရင်း အခုလို ရေးခဲ့ပါတယ်။
နာမနက္ခတ်စက်

၁၃၀၉ ခု ဝါခေါင်လများအတွင်း ဖဆပလ (ဖက်ဆစ်ဆန့်ကျင်ရေး ပြည်သူ့လွတ်လပ်ရေးအဖွဲ့) နှင့် ကွန်မြူနစ်တို့ ညီညွတ်ရန် ဖန်တီးလာလိမ့်မည် ဟု လွန်ခဲ့သော ရှစ်လခန့်က ကြိုတင်ပြီး ကျွန်ုပ် ဟောပြောရေးသားခဲ့ပေသည်။ ဝါဆိုလ မတိုင်မီ ကပင် ကွန်မြူနစ်တို့က ညီညွတ်ရေးကို ကြွေးကြော် ခဲ့ကြသည်။ ဝါခေါင်လဆန်း ၂ ရက်က ဗိုလ်ချုပ် အောင်ဆန်းအစရှိသော ဖဆပလဝန်ကြီးများ လုပ် ကြံသတ်ဖြတ်ခြင်း ခံရသောအခါ ဖဆပလနှင့် ကွန်မြူနစ်တို့၏ ညီညွတ်ရေးမှာ ပိုမိုနီးကပ်လာလေ သည်။ ညီညွတ်ရေးရရှိမှုကိုလည်း စေ့စပ်စိုင်းပြင်း နေကြောင်း သိကြရသဖြင့် အများလူထုမှာ ဝမ်း မြောက်ဝမ်းသာ ဖြစ်နေကြလေသည်။ နက္ခတ်ဗေဒင် ကိန်းအရ ညီညွတ်ရေးကို ဖန်တီးပေးနေသော်လည်း အကြီးအကျယ် ချို့ယွင်းချက်တစ်ခုကိုမူ နက္ခတ်ဗေဒင် ပညာနှင့် အဖြေပေးလိုသည်။ တိုက်ရိုက်အသံထွက် မှာ ကေ(မ်)မြူနစ်(စထစ်)ဖြစ်ရာ မြန်မာစကား မြန်မာ စာနှင့်ရေးလျှင် ကော်မြူးနစ် သို့မဟုတ် ကော်မြူ နစ်ဟု ရေးသင့်ပေသည်။ Communist ကို ကွန်မြူ နစ်အစား ကော်မြူနစ်ဟု ရေးမှသာမှန်မည်။ ကွန်နှင့် ကော် အရေးအသား လွဲမှားနေခြင်းမှာ စာပေ လောကတွင် လူသူထွေထွေအပြစ်ဆိုရန် မရှိသော် လည်း နက္ခတ်ဗေဒင်နယ်တွင်ကား အဓိပ္ပာယ်ကျယ် ဝန်းသည့်ပြင် အကျိုးအပြစ်မှာလည်း လုံးဝမတူချေ။

ဗမာလို သင်္ဘောကြယ်

ကော်မြူနစ်၏ နာမနက္ခတ်မှာ သရောဒသ ဇောတိသတ္ထအာဒိယာမလ အစရှိသော ရှေးဟောင်း သသင်္ကရိုဋ်နက္ခတ်ကျမ်းများအလိုအားဖြင့် ခြောက်လုံး နှစ်ပါဒ် ပုဏ္ဏဖုသျှနက္ခတ် ဒုတိယပါဒ်နှင့် ကိုက်ညီ လေသည်။ ပုနဗ္ဗသု ခေါ် ပုဏ္ဏဖုသျှ၏ အဓိပ္ပာယ်မှာ အဘိဓာန်ဋီကာတွင် သတ္တဝါတို့ထံ၌ အစီးအပွား တည်းဟူသော မိုးကို အဖန်တလဲလဲ ရွာသွန်းစေခြင်း ပင်ဖြစ်ရာ ထိုနက္ခတ်နှင့် ယှဉ်သော ကော်မြူနစ် ဝါဒသည် သတ္တဝါများအဖို့ လောကနိဗ္ဗာန်ကို ဖန်တီး ပေးနိုင်သော ဝါဒဖြစ်ကြောင်း ထင်ရှားသိသာလေ သည်။ ပေါတ္တရသာဒိဗြဟသျှန္တီကျမ်းများအလို ခြောက် လုံး သင်္ဘောသဏ္ဌာန်၊ အာကာသသျှတ္တရကျမ်းအလို ငါးလုံး သင်္ဘောသဏ္ဌာန်ဟု အသီးသီးဖော်ပြခဲ့ကြ သည်နှင့်အညီ ゞင်းနက္ခတ်ကို မြန်မာလို သင်္ဘော ကြယ်ဟု ခေါ်စမှတ်ပြုခဲ့ကြသည်။

ဖြူစင်သန့်ရှင်းသော သဘော

သင်္ဘောဟူသည် ဤမှာဘက်ကမ်းမှ ထိုမှာ ဘက်ကမ်းသို့ ပို့ဆောင်ပေးသော ယာဉ်တစ်မျိုးဖြစ် ရာ သတ္တဝါအများကို လောကနိဗ္ဗာန်တည်းဟူသော ပဒေသာပင်ခေတ်သို့ ဆောင်ကြဉ်းမည့် ကော်မြူနစ် ဝါဒအစစ်ဖြစ်ကြောင်း ထင်ရှားပြန်လေသည်။ လဃုသင်္ဂဟကျမ်းအလို လေးလုံးအိမ်သဏ္ဌာန်ဟု ဆို၏။ ကော်မြူနစ်နစ်ဝါဒတည်းဟူသော လောက နိဗ္ဗာန် ဗိမာန်အိမ်ကြီးကိုပင် ညွှန်ပြပြန်လေသည်။ ကပ္ပဝဏ္ဏနာကျမ်းအလို သုံးလုံး၊ ဥဗျိုင်းသဏ္ဌာန်ဟု ဆိုလေရာ ကော်မြူနစ်ဝါဒ၏ ဖြူစင်သန့်ရှင်းသော သဘောကိုပင် ညွှန်ပြလေသည်။
ထို့ကြောင့် ပုဏ္ဏဖုသျှနက္ခတ်သည်သာလျှင် ကော်မြူနစ်ဝါဒအစစ်၏ နက္ခတ်ဖြစ်သည်။ ပြိဿ ရာသီ သောကြာနဝင်းကို စီးသဖြင့် တကယ့်သုခနှင့် ဆိုင်သော လောကနိဗ္ဗာန်ကို ပြထားလေသည်။ ゞင်း ကော်မြူနစ်နက္ခတ် ပုဏ္ဏဖုသျှသည် ဖဆပလ နက္ခတ် ပြုပ္ပါဒ် ၁၉ လုံး ၃ ပါဒ်နှင့် နက္ခတ်ပါဒ်အားဖြင့် ၁၃ လုံး ၁ ပါဒ် အံ့သာလိတ္တာအားဖြင့် ၁၇၆ အံ့သာ ၄၀ လိတ္တာ ကွာသဖြင့် သမသတ်ကျလေသည်။ သမသတ်၏ သဘောသည်ကား အပေါင်းအဖော် လုပ်ဖော်ကိုင်ဖက်သဘောပင်ဖြစ်၍ ညီညွတ်ရေး အစစ်အမှန်ကို ရနိုင်ပေသည်။ ပဋိပက္ခဖြစ်နိုင်စရာ အကြောင်းမရှိချေ။

ရုရှ၏ ဝါဒချည်းသာဖြစ်ခြင်း

ဆိုရှယ်လစ်နှင့် ကွန်မြူနစ်ဝါဒတို့သည် ရုရှ ၏ ဝါဒချည်းသာဖြစ်၍ ပါတီဝါဒအားဖြင့် ဆိုရှယ် လစ်တစ်ခုသာ ပါဝင်နေသော ဖဆပလနှင့် သိန်းသန်း ကွန်မြူနစ်အလံနီ သခင်စိုးကွန်မြူနစ်တို့ မညီမညွတ် ဖြစ်နေကြခြင်းမှာ တကယ့် နိုင်ငံရေးအမြင်အားဖြင့် များစွာ အရုပ်ဆိုးလှပေသည်။ ကွန်မြူနစ်ချင်း မညီ ညွတ်ခြင်းမှာလည်း ပိုမိုအရုပ်ဆိုးပြန်သည်။ ယင်း သို့ မညီမညွတ်ဖြစ်ရခြင်းကို နိုင်ငံရေးအမြင်ဖြင့် ကျွန်ုပ်တို့ မဝေဖန်လိုသော်လည်း နက္ခတ်အမြင်နှင့် ကား ဝေဖန်လိုပေသည်။ အထက်က ဆိုခဲ့သည့်အ တိုင်း ကော်မြူနစ်ဟု ရေးရမည့်အစား ကွန်မြူနစ် ဟု ရေးနေကြသောကြောင့်ပင် ဖြစ်လေသည်။ ပညတ်သွားရာ ဓာတ်သက်ပါ ဟူသည်နှင့်အညီ ကွန် အက္ခရာ၏ နာမနက္ခတ် ဓာတ်ခိုက်မိလျက်ရှိနေပေ သည်။ ကွန်မြူနစ်အက္ခရာ၏ နာမနက္ခတ်ကား ၄ လုံး ၃ ပါဒ်၊ မိဂသီနက္ခတ် တတိယပါဒ်ပင်ဖြစ်သည်။ ရာဇမတ္တဏ်ကျမ်းတွင် မိဂသီနက္ခတ်ပရိယာယ် ၁၈ ပါးရှိကြောင်း ပြဆိုထားရာ လဗိမာန်ပရိယာယ်ပင်ဖြစ် သည်။ လကား မျက်မြင်အားဖြင့် ဆန်းတစ်ခါ ဆုတ် တစ်လှည့် ပြောင်းလဲခြင်းရှိသကဲ့သို့ အမျိုးမျိုးဖောက် ပြန်သော သဘောကို ညွှန်ပြလေသည်။ ခုတစ်မျိုး တော်တော်ကြာတစ်မျိုး၊ အထဲမှာ တစ်မျိုး အပြင်မှာ တစ်မျိုး လုပ်တတ်သည်မှာ အတိတ်က ထင်ရှားခဲ့ လေပြီ။

အသီးတစ်ရာ အညှာတစ်ခု

အဘိဓာန်ဋီကာတွင် မိဂသီရသဒ္ဒါမှ ဆင်း သက်လာသော မိဂသီမှာ သမင်ဦးခေါင်းသဏ္ဌာန် နှင့် တူသည်ဟုဆိုရာ သမင်သည် ဦးချို အားကိုး ခတ်တတ်သော သဘောရှိရာကော်ခြင်း၊ ပုတ်ခတ် ခြင်း ဝေဖန်ခြင်းကို ဖန်တီးပေးနေလေသည်။ ဂြဟ သျှန္တီလဃုသင်္ဂဟ ကပ္ပဝဏ္ဏနာ အာကာသသျှတ္တရ သိင်္ဃဗောဓကျမ်းများတွင်လည်း မိဂသီနက္ခတ်မှာ သုံးလုံးသမင်ဦးခေါင်းသဏ္ဌာန်ဟုဆိုသည်။ ပေါတ္တ ရသာဒိကျမ်းတွင်ကား သုံးလုံးအုန်းသီးအညှာသဏ္ဌာန် ဟုပြဆိုရာ အသီးတစ်ရာ အညှာတစ်ခုဟူသည်နှင့် အညီ အညှာနေရာကနေ၍ အသီးတစ်ရာတည်းဟူ သော အခြားပါတီများနှင့် လူထုအား ကြိုးကိုင်ခြင်း ကို ဖန်တီးပေးလေသည်။ မိဂသီနက္ခတ်ကို မြန်မာ လို လိပ်ခေါင်းဟုခေါ်ရာ လိပ်ခေါင်း၏ သဘာဝအ တိုင်း အခါကာလအားလျော်စွာ ထွက်ချီဝင်ချီလုပ် ခြင်း အစရှိသည်တို့ကို ဖန်တီးပေးလေသည်။

ကွန်ကိုမပြင်သမျှ

ကွန်မြူနစ်၏ နာမနက္ခတ် မိဂသီ၏ သဘာဝ အတိုင်း အတိတ်ကထင်ရှားစွာ ဖြစ်ပေါ်လာခဲ့လေ ရာ အက္ခရာမှားယွင်းသော (ကွန်)ကို (ကော်)ဟု ပြင် ဆင်ရေးသားကြပါက မိဂသီ၏ သဘာဝမှာလုံးဝ ကွယ်ပျောက်လျက် တကယ့် လောကနိဗ္ဗာန်ကို ဖန်တီးပေးနိုင်သော ပုဏ္ဏဖုသျှ၏ သဘာဝသို့ ရောက်ကာ ဖဆပလနှင့် လုံးဝညီညွတ်ပူးပေါင်းမိ ခြင်းကို ဖန်တီးပေးနိုင်ပေလိမ့်မည်။ (ကွန်)ကို ရေး သားနေသမျှ ကာလပတ်လုံး နာမနက္ခတ်၏ သဘာဝ ကို လွန်ဆန်နိုင်မည်မဟုတ်သဖြင့် ခိုင်မြဲတည်တံ့ သော ညီညွတ်ရေးကို ရနိုင်ရန် ခဲယဉ်းပေလိမ့်မည်။ ညီညွတ်ရေးကို အထူးလိုလားသော ဖဆပလ ခေါင်း ဆောင်ကြီး သခင်နုသည် ကော်မြူနစ်တို့၏ စေ့ စပ်ချက်ကို ဖြစ်နိုင်သောနည်းဖြင့် လက်ခံမည်ဖြစ် ပေရာ ကွန်မြူနစ်ကို ကော်မြူနစ်သို့ ပြောင်းလဲရေး သားခြင်းအားဖြင့် ညီညွတ်ရေးမှာ ပိုမိုခိုင်မြဲပေလိမ့် မည်။ (ကွန်)ကို မပြင်သမျှ အဘယ်မျှပင် ညီညွတ် နေပါသည်ဟုဆိုသည့်တိုင်အောင် နက္ခတ်ဗေဒင် နည်းအားဖြင့် ခိုင်မြဲသော ညီညွတ်ရေးဟု မယူဆ နိုင်၍ ပြင်ရန် မခဲယဉ်းသော(ကွန်)ကို ပြင်ယူရန် စေတနာနှင့် တိုက်တွန်းရပေသတည်းလို့ ဆရာကြီး က မြန်မာနိုင်ငံရဲ့ ငြိမ်းချမ်းရေးနဲ့ ညီညွတ်ရေးကို ရှေ့ရှုပြီး ရေးသားသွားခဲ့ကြောင်းပါ ခင်ဗျား။

ဆောင်းဝင်းလတ်