ဂန္ဓာရီဆြာအံ့

သမားဖြူရက်မှာ ဘာဖြစ်မလဲ

ဗေဒင်ဆရာ အတော်များများပင်လောကီ ဆိုင်ရာအလုပ်တွေ လုပ်ကိုင်ကြတော့မည်ဆိုလျှင် “ဟောဒီ ဟောဒီ့နေ့တွေကို မလုပ်ကြနဲ့။ လုပ်ရင် ပျက်စီးမှာ ကျိန်းသေပဲ။ အဲဒီရက်တွေဟာ သမားဖြူ ရက်တွေ …ဒီတော့ သမားဖြူရက်ကို ရှောင်တာအကောင်းဆုံး”ဟု ဆိုကြသည်။

သမားဖြူရက်တွေကား ဘယ်ရက်တွေ ဖြစ်သနည်း။

မည်သည့်လမဆို လဆန်း/လဆုတ် ၁ ရက်သည် စနေ၊ တနင်္ဂနွေကျလျှင် လည်းကောင်း၊ လဆန်း၊ လဆုတ် ၂ ရက်သည် တနင်္ဂနွေကျလျှင် လည်းကောင်း၊ လဆန်း/လဆုတ် ၃ ရက်သည် တနင်္လာ၊ သောကြာနေ့ကျလျှင်လည်းကောင်း၊ လဆန်း/လဆုတ် ၄ ရက်သည် ကြာသပတေးနေ့ ကျလျှင်လည်းကောင်း၊ လဆန်း/လဆုတ် ၅ ရက် သည် ဗုဒ္ဓဟူးနေ့ ကျလျှင်လည်းကောင်း၊ လဆန်း/ လဆုတ် ၆ ရက်သည် တနင်္လာ၊ အင်္ဂါနေ့ကျလျှင် လည်းကောင်း၊ လဆန်း/လဆုတ် ၇ ရက်သည် သောကြာနေ့ကျလျှင်လည်းကောင်း ထိုရက်များကို သမားဖြူရက်များဟု ဝေဒသုတေသီတို့က သတ် မှတ်ပေးထားကြပါသည်။

သမားဖြူရက်မှာ မိမိတို့ လောကီအလုပ်တွေ လုပ်ကြပြီဆိုပါစို့။ ဘာတွေ ဖြစ်တတ်ပါသနည်း။

“သမားဖြူရက်မှာ အိမ်ဆောက်တာတို့၊ ကျောင်းဆောက်တာတို့။ ထိမ်းမြားမင်္ဂလာဆောင်နှင်း တာတို့၊ ကုန်အရောင်းအဝယ်ပြုတာတို့၊ ပညာသင်တာတို့ မပြုလုပ်ကောင်းဘူး။ လုပ်ရင် ဘာဖြစ်တတ် လဲဆိုတော့ အိမ်တို့၊ ကျောင်းတို့ မီးလောင်တတ်တယ်။ မုဆိုးဖို၊ မုဆိုးမဖြစ်ရတတ်တယ်။ ပညာရေး လည်း ဆုံးခန်းတိုင်အောင် မရောက်တတ်ဘူး”

သမားဖြူရက်နှင့် ပတ်သက်၍ ဟောချက်က အဆိုပါအတိုင်း။

သို့သော်ငြား ရှေ့ထုံးနှင့်ပတ်သက်၍ မိမိတို့ လောကီလူသားများအဖို့ အရာရာကို စဉ်းစားဆင်ခြင် ချင့်ချိန်သင့်ပါကြောင်း တင်ပြလိုက်ရပါသည်။

ဂန္ဓာရီဆြာအံ့