မီးဘေးကင်းအောင် ငုံးရုပ်ဆောင်

မီးဘေးကင်းအောင် ငုံးရုပ်ဆောင်

ရေ၊ မီး၊ မင်း၊ ခိုးသူ၊ မချစ်မနှစ်သက်သောသူ ဟူ၍ ရန်သူမျိုး ငါးပါးရှိကြောင်း မှတ်သားရဖူးပါသည်။

ရန်သူမျိုး ငါးပါးကို မည်သူမျှမသင့်လိုကြပါ။ သို့ဖြစ်၍လည်း ဘုရားရှိခိုးသောအခါ ရန်သူမျိုးငါးပါး မှ အခါခပ်သိမ်း ကင်းလွတ်ငြိမ်းရပါလိုကြောင်း ထည့် သွင်းကြခြင်း ဖြစ်ပါသည်။

ထိုရန်သူမျိုး ငါးပါးအနက် မီး ဆိုသည်မှာ   မိမိတို့အတွက် ရန်သူလည်း မည်ပါ၏။ မိတ်ဆွေလည်း မည်ပါ၏။ မီးဆိုသည်က မသုံးတတ်လျှင် ရန်သူအသွင်၊ သုံးတတ်လျှင် မိတ်ဆွေအသွင်ဖြစ် သည်မဟုတ်လား။ ရန်သူအသွင်ဖြစ်၍ ရှောင်ကြဉ် ရမည်ဆိုလည်း ဖြစ်နိုင်သည့်ကိစ္စမဟုတ်။ မီးကြောင့် လူသားများ အသက်ရှင် ရပ်တည်နေနိုင်ကြသည် မဟုတ်ပါလား။ ရှောင်ကြဉ်၍ မရမည့်အတူတူ မိတ် ဆွေအဖြစ် မြဲခိုင်စွာ လက်တွဲသွားနိုင်ရန် မိမိတို့ ဘက်မှ ဂရုတစိုက် အသုံးချရမှာပဲ ဖြစ်ပါသည်။

နှစ်စဉ်နှစ်တိုင်း ကိုယ့်ပယောဂမပါသည့်တိုင် အခြားအခြားသော သူတို့ ပေါ့ဆစွာ သုံးစွဲရာမှလည်း ကောင်း၊ သဘာဝအန္တရာယ်ကြောင့်လည်းကောင်း၊  လျှပ်စစ်ကြောင့် လည်းကောင်း၊ အဖျက်သမားတို့၏ ရန်ကြောင့်လည်းကောင်း၊ မီးဘေးသင့်မှုများကို ကြုံရ ကြားရပါ၏။ အသက်အိုးအိမ်များ၊ နိုင်ငံတော်ပိုင် အဆောက်အအုံများ ပျက်စီးဆုံးရှုံးနေရပါ၏။ သည် တော့ ဥပဒေဘောင်တွင်းရှိ လူသားအားလုံးပင် မီး ဘေးမှ ကင်းဝေးလိုကြပါသည်။ ဤ၌ တင်ပြလို သည်မှာ ဂမ္ဘီရအစီအရင်ဖြင့် မီးဘေးမှ ကင်းဝေးလို ကြပါသည်။ ဤ၌တင်ပြလိုသည်မှာဂမ္ဘီရ အစီအရင် ဖြင့် မီးဘေးကင်းအောင် စွမ်းဆောင်သည့်ကိစ္စ ဖြစ် ပါသည်။ တချို့က ဒက္ခိဏသာခါ ဘုရားရှင်ကို ထု လုပ်ပူဇော်ကိုးကွယ်ကြပါ၏။ ဝဍ္ဍသုတ်တော်ကို ရွတ် ဖတ်ပူဇော်ကြပါ၏။ မီးကွင်းဂမုန်းကို စိုက်ပျိုးထား တတ်ကြပါ၏။ အားလုံးပင် သူ့သဘာဝနှင့်သူ အဓိပ္ပာယ် ရှိကြပါသည်။ လုပ်လည်း လုပ်ဆောင်သင့်ကြပါ သည်။

ဤ၌ စာရေးသူ တင်ပြလိုသည်မှာ မီးဘေး ကင်းအောင်အတွက် ငုံးရုပ်ကလေးကို ထုလုပ်ပြီး ဆောင်ထားရန် ဖြစ်ပါသည်။ ငုံးဟူသည်မှာ ဘုရား အလောင်းတော် နုစဉ်ကာလ ငုံးဘဝဖြစ်စဉ် လေး နက်လှစွာသော သစ္စာစကားကို ဆိုသဖြင့် မီးဘေး အန္တရာယ်မှ လွတ်ကင်းခဲ့ဖူးလေရာ ငုံးရုပ်ကို ဘုရား လောင်းအမှတ်ဖြင့် ထုလုပ်ခြင်းလည်း ဖြစ်ပါသည်။ ပို၍ ပီပြင်သက်ဝင်လာစေရန် ပရိတ်ကြီး (၁၁) သုတ် လာ ဝဍ္ဍသုတ်တော်နှင့် ထုံမွမ်းဖို့လည်း လိုအပ်ပါ သည်။ ငုံးရုပ် ထုလုပ်မည့် သစ်ထည်အား ဝဍ္ဍသုတ် တော် ကိုးခေါက်ရွတ်ဆိုထားသော ရေဖြင့် စင်ကြယ် အောင် ဆေးကြောသန့်စင်ပြီးမှ ထုလုပ်ရပါမည်။ ထုလုပ်ရာတွင်လည်း အိမ်ထောင်ဦးစီးဖြစ်သူ၏ နေ့နံကို အဓိကထား၍ ထုလုပ်သင့်ပါသည်။

၁။ တနင်္ဂနွေသားအတွက်

ဒန်းကြီးသားကို ကြာသပတေးနေ့၌ ထုလုပ်ရပါမည်။

၂။ တနင်္လာသားအတွက်

ဩဇာသားကို သောကြာနေ့၌ ထုလုပ်ရပါမည်။

၃။ အင်္ဂါသားအတွက်

ခရေသားကို စနေနေ့၌ ထုလုပ်ရပါမည်။

၄။ ဗုဒ္ဓဟူးသားအတွက်

စိန်ပန်းသားအတွက် တနင်္ဂနွေနေ့၌ ထုလုပ် ရပါမည်။

၅။ ကြာသပတေးသားအတွက်

ရှောက်သားကို တနင်္လာနေ့၌ ထုလုပ်ရပါ မည်။

၆။ သောကြာသားအတွက်

ပိတောက်သားကို အင်္ဂါနေ့၌ထုလုပ်ရပါမည်။

၇။ စနေသားအတွက်

သစ်အယ်သားကို ဗုဒ္ဓဟူးနေ့၌ထုလုပ်ရပါ မည်။

ထုလုပ်ရမည့်အသားကို လေ့လာကြည့်လျှင် အမြစ်နံကျသော အသားများဖြစ်၍ ထုလုပ်ရမည့်နေ့ များမှာ ပဉ္စပွတ်ကျသောနေ့များဖြစ်ကြောင်း တွေ့ရှိ  ရပါမည်။ လွဲချော်ပါက အစွမ်း အာနိသင်မရှိနိုင်ပါ။

ထုလုပ်ပြီးသော ငုံးရုပ်အား ဘုရားကျောင်းဆောင်ရှေ့ ၌ လည်းကောင်း၊ ဘုရားကျောင်းဆောင်အောက်၌ လည်းကောင်း အဆောင်ရုပ်အဖြစ်ထားရှိနိုင်ပါသည်။  ထိုသို့ထားရှိပြီးသည့်သကာလ ဝဍ္ဍသုတ်တော်အား နံနက်တစ်ခေါက်၊ ညတစ်ခေါက် ပုံမှန် ရွတ်ဆိုပူဇော် ပေးပါက အစွမ်းအာနိသင်များ ထက်မြက်ကာ မီး ဘေးအန္တရာယ်မှ အမှန်တကယ်ပင် ကင်းလွတ်နိုင်ပါ လိမ့်မည်။

ယုံကြည်စွာဖြင့် လုပ်ဆောင်ကြည့်စေလိုပါ သည်။ အကျိုးမယုတ်ပါ။ စီးပွားလာဘ်လာဘများ ပွင့်လန်းလျက် အခက်အခဲများ ပြေလည်ပြီး ရန်သူ မျိုး ငါးပါး၌ တစ်ပါး တစ်ပါအဝင်ဖြစ်သည့် မီးဘေး အန္တရာယ်မှ ကင်းလွတ်လိမ့်မည်အကြောင်း စေတနာ   ကောင်းဖြင့် နှိုးဆော်တိုက်တွန်း ရေးသားလိုက်ရပါ ၏။

သုတေသီဆရာငြိမ်း