ဘုရားလေးဆူ

ဘုရားလေးဆူ သစ္စာအဓိဌာန်ပါရမီကျင့်စဉ်

ရှစ်ဆယ့်ရှစ် အရေးတော်ပုံကြီး စဖြစ်က တည်းက အနုပညာလုပ်ငန်းတွေ အလုပ်မဖြစ်တော့ လို့ စားဝတ်နေရေးတွေ ကျပ်တည်းခဲ့တာ အရေး တော်ပုံတွေ ကိုယ်ရှိန်သတ်လို့ နိုင်ငံတော် ငြိမ်ဝပ်ပိ ပြားမှု တည်ဆောက်ရေးဆိုတဲ့ စကားလုံးသစ်ကြီး ထွန်းကားလာတဲ့ အချိန်အထိ အနုပညာ လုပ်ငန်း တွေက ယောင်လည်လည် ဖြစ်နေတုန်းပါပဲ။

အိမ်ရှင်မ “ညွန့်မေ”ရဲ့ အမြော်အမြင်ကြီးမှု တွေကြောင့်သာ အိမ်ဆိုင်ကလေး ဖွင့်ဖြစ်ခဲ့လို့ သီချင်း မရေးရလည်း ထမင်းနပ်မှန်တော့ စားဖြစ်ခဲ့ရပါရဲ့။ သီချင်းရေးရမှ ထမင်းလည်းစားရ၊ အိမ်ထောင်ရေး လည်း အဆင်ပြေ။ သီချင်းမရေးရတော့ ဝင်ငွေမရှိ။ လူမှုစရိတ်တွေကိုလည်း အပြေအလည် မရှင်းလင်း နိုင်တော့ ဘဝကလည်း ဂယောင်ချာချာ။ စိတ်က လည်း ဂယောင်ချောက်ချား။ ဟုတ်တိပတ်တိလည်း အဓိဋ္ဌာန်တွေမဝင်ဖြစ်။ တည်တည်တန့်တန့်လည်း ပုတီးမစိပ်ဖြစ်။ အိမ်မှာလည်း ငြိမ်ငြိမ် ထိုင်မနေ တတ်။ ရွှေတိဂုံ၊ ဆူးလေ၊ ရွှေဘုန်းပွင့်၊ ဗိုလ်တ ထောင် စေတီတွေ ဆီသွားလိုက် ဟိုနားထိုင် သည် နားထိုင် ပြန်လာ။ အဲသည်လို ဖြစ်နေချိန် … မေဃဝတီဆရာတော်ကြီးက အဓိဋ္ဌာန်တစ်ခု ဝင်ခိုင်း ခဲ့တာကို အမှတ်တရ ရှိမိနေတယ်။ သတိတရ ဖြစ်မိ နေပါတယ်။

ကျေးဇူးတော်ရှင် မေဃဝတီဆရာတော် ကြီး ဘဝနတ်ထံသို့ ကြွမြန်း စံမြန်းနေသည်မှာ ၂၀၁၈ခုနှစ်၊ အောက်တိုဘာလ ၂၀ ရက်ဆိုလျှင် (၁၅)နှစ် ပြည့်ပါမည်။ သက်တော်အားဖြင့် ရှိနေမယ်ဆိုလျှင် သက်တော်(၁၀ဝ)၊ ရာပြည့်၊ ကျေးဇူးတော်ရှင် ဆရာသခင်ရဲ့ကျေးဇူး အလီလီ။ အထွေ ထွေအပြားပြား များလှစွာရှိခဲ့သည်ကို သားသမီး မြေးမြစ်အပေါင်း ဒကာ၊ ဒကာမအပေါင်းတို့က “ဂုဏ်ရည်ရည်စူး၊ အထူး ပူဇော်ပွဲကြီးကို မေဃဝတီ ကျောင်းတော်ကြီးတွင် ပေါင်းစုလို့ ကောင်းမှုပြုရန် စီစဉ်နေကြပြီဆိုတာ နေ့စဉ်နှင့်အမျှ ကြားသိနေရ သည်ကြောင့်လည်း၊ ဆရာတော်ကြီးရဲ့ ကျေးဇူးတွေ ကို ပိုမိုသတိရခြင်းတွေ ဖြစ်မိနေရပါတော့တယ်။

အမှတ်တရ များစွာတွေထဲက အမှတ်တရ တစ်ခုရဲ့ အဆန်းတကျယ် ဖြစ်မှုတစ်ခုကို ယနေ့တိုင် ခံစားနေရပြီး သတိတရ ဖြစ်မိတိုင်း၊ ခံစားရတိုင်း လည်း ဆရာတော်ကြီး စေခိုင်းတဲ့အတိုင်း အဓိဋ္ဌာန် တွေ ယနေ့ထက်တိုင် တစ်မျိုးမဟုတ်တစ်မျိုး ဝင် လျက်ရှိနေမိပါသည်။

ဆရာတော်ကြီး စေခိ်ုင်းတဲ့ အဓိဋ္ဌာန်ကို တစ်ပတ်တစ်ကြိမ်၊ သုံးကြိမ်မြောက် ဝင်လို့လည်း ပြီးရော ကျွန်တော့် ဘဝအပြောင်းအလဲတွေက မယုံ နိုင်လောက်အောင် ပြောင်းလဲသွားခဲ့တာ။ အခုပြန် တွေး အခုကြက်သီးတွေထ၊ အခုအံ့ဩ? အခု မယုံ နိုင်စရာ ဖြစ်နေရပြီး အဲသည်လို ဖြစ်ရတိုင်းလည်း ဆရာတော်ကြီးရဲ့ ကျေးဇူးဂုဏ်တွေကို ရည်မြော်မှန်း ဆ ဦးနှိမ်ချကာ ရှိခိုးမိလိုက်သည်ချည်း ဖြစ်နေရပါသည်။

ဆရာတော်ကြီး စေခိုင်းတဲ့ အဓိဋ္ဌာန်က ရိုး ရိုးကလေးပါပဲ။ ကျွန်တော်သွားနေကျ ရွှေတိဂုံ၊ ဆူးလေ၊ ရွှေဘုန်းပွင့်၊ ဗိုလ်တထောင်စေတီတော် တွေကို အစီအစဉ်အတိုင်းသွား၍ အဓိဋ္ဌာန်ပြုပြီး နေ့ ချင်းပြီး ဖူးမြော်လှူဒါန်း ရတာပါ။ ကျွန်တော့်အဖို့ အမှတ်တရ အဆန်းတကျယ်လည်းဖြစ်၊ အံ့ဩခြင်း ဖြစ်ရတာလည်း နှစ်ခုရှိနေပါတယ်။ တစ်ခုက အဓိဋ္ဌာန် တွေဝင်ပြီးတိုင်း ဆုအမျိုးမျိုး ကျွန်တော်တောင်းတတ် လေ့ရှိတယ်ဆိုတာကို ဆရာတော်ကြီး ကြိုတင်သိနေ ခြင်းကို ပြန်တွေးမိတော့ ရယ်စရာကြီး ဖြစ်ရတာ လည်းရှိရဲ့။

“ကျွန်တော့်ကို ‘ညွန့်မေ’ သဝန်တိုခြင်း တွေ ကင်းပါစေ။ ရန်ဖြစ်ကြခြင်း ဘေးဆိုးများမှ ကင်းဝေးရပါစေ”
“စကားမပြော နားမကြားကြတဲ့ ကလေး လေးတွေရဲ့ ကျောင်းစရိတ်၊ စားစရိတ်တွေ ပြေလည် အောင် ငွေတွေရချင်ပါတယ်၊ သီချင်းတွေ အများကြီး ရေးခိုင်းသူတွေနဲ့ အမြန်တွေ့ရပါစေ”
“သီချင်းတွေရေးတဲ့ အလုပ်က စားရေး ဝတ် ရေးတွေ မပြည့်စုံပါဘုရား၊ သိဒ္ဓိရှင် မဟိဒ္ဓိရှင်တွေ လို ဥုံဖွ ဆိုတာနဲ့ အကုန်ရတဲ့ ပုဏ္ဏက ဖြစ်ချင် ပါတယ်ဘုရား”
အဲသည်လို ဆုတောင်းလေ့ရှိတာကို ဆရာ တော်ကြီး ဘယ်လိုသိသလဲ မပြောတတ်ပေါင်ဗျာ။

“လူကလေး ပုဏ္ဏက …အဓိဋ္ဌာန်ပါရမီ ဆောက်တည်တိုင်း ပေါက်တောက်ကရ ဆုတောင်း တာတွေ မလုပ်ရဘူး” “အသေအချာ နားထောင်ပါ၊ လိုက်နာပါ လူကလေး”
“ဣဓံမေပုညံ နိဗ္ဗာနဿ ပစ္စယောဟောတု”လို့သာ ဆိုပါ။ ဆုတောင်းပါ လူကလေး။ နိဗ္ဗာန် သို့ ရောက်ကြောင်း ကောင်းသော အထောက်အပံ့ ဖြစ်ပါစေလို့ ဆန္ဒပြုထားမှတော့ ကျန်တဲ့ ဖြစ်ချင်မှု ဆန္ဒအသီးသီးတွေဟာ စီကာစဉ်ကာ ဖြစ်လာတတ် အကျိုးပေးလာတတ်ပါတယ် ဆိုတာ အလေးအနက် ယုံကြည်ထားဖို့ လိုအပ်တယ်ကွယ့်”

“သစ္စာ အဓိဋ္ဌာန် ပါရမီဖြည့်ဆည်းရာမှာ ဆန္ဒလည်း ရှိရမယ်။ မပျက်မယွင်း မကျိုးမပေါက်တဲ့ သစ္စာလည်း တည်ရမယ်။ ဆုတောင်းလည်း မှန်ရ မယ်”
မှတ်ထားနော် လူကလေး။ “နိဗ္ဗာ နဿ ပစ္စယောဟောတု”။ ဆရာတော်ကြီးရဲ့ အမှာစကား များက အခုပင်ကဲ့သို့ နားထဲမှာကြားယောင်မိကြား မိနေသည်ဖြစ်နေပါသည်။ အမှတ်တရ နောက်တစ် ခုက ပုဏ္ဏက တစ်ယောက် ?မမျှော်လင့်ဘဲ ရင်းနှီး လုပ်ကိုင်စားဖို့ ငွေကြေးတွေ အကူအညီရရှိခဲ့ပြီး ဝင်ဒါမီယာ သံလွင်လမ်းမကြီးပေါ်မှာ အတော့်ကို ထင်ရှားခဲ့တဲ့ အောင်မြင်ခဲ့တဲ့ ပုဏ္ဏက “လဖေ့ရေ” ဆိုင်ဖွင့်နိုင်ပြီး ပြေလည်ခဲ့ရတဲ့အဖြစ်။ (နေ့ချင်းညချင်း တော့မဟုတ်) သုံးလလောက်မှ ဖြစ်ခဲ့ရတဲ့ အမှတ် တရ တစ်ခုပါဗျာ။

အဲသည့် အမှတ်တရကလေးနှစ်ခုအတွက် ကျွန်တော် အဓိဋ္ဌာန်ဝင်ခဲပုံကလေးကို ပြောပြချင် တာပါ။ အသေးစိပ်ကို ပြောပြချင်တာပါ။ ကျွန်တော့် လို အကျပ်အတည်း ကြုံတွေ့နေကြသူများ ရှိနေပါ က ကျွန်တော့်လိုပဲ ကြုံတွေ့နေတဲ့ အကျပ်အတည်း တွေထဲက လွတ်မြောက် အေးချမ်းစေချင်တဲ့ ဆန္ဒ တွေ ရင်ထဲမှာ ဖြစ်ပေါ်လာလို့ပါ။ နောက်တစ်ခုက ဆရာတော်ကြီးကို လွမ်းလို့။ အလွမ်းပြေကျေးဇူး ဂုဏ်ရည်တွေ ရည်စူးဖူးမြော်ကြည်ညို ကျေးဇူးဆပ် ချင်လို့?ဆရာတော်ကြီး ဝင်ခိုင်းတဲ့ အဓိဋ္ဌာန်ဝင်နည်း ကလေးတစ်ခုကို ရေးပြချင်တာပါ။ သူတော်ကောင်း ပရိသတ်တို့အတွက် တန်ဖိုးကြီးကြီး ရလိမ့်မယ်လို့ ယုံကြည်မိပါကြောင်း။ ခေါင်းစဉ်က …
“နိဗ္ဗာ နဿ ပစ္စယော ဟောတု”

သည်ကနေ့ အဓိဋ္ဌာန်ဝင်ရမည့်နေ့၊ ရွှေတိဂုံ စေတီတော် အရှေ့မုခ်ရှိ ဓာတ်လှေကား ရှေ့သို့ မနက် လေးနာရီကျော်ကျော်ထဲက ရောက်နေခဲ့ သည်။ ဓာတ်လှေကားသည် တစ်ခါတစ်ရံ လေးနာ ရီခွဲတွင် ဖွင့်သည်။ တစ်ခါတစ်ရံမှာတော့ ငါးနာရီမှ ဖွင့်တတ်သည်ဟု သတိထားမိပါသည်။ အများအား ဖြင့် စောင်းတန်းမှသာ သွားသွားလာလာ ရှိခဲ့ပါသော ကြောင့် ဓာတ်လှေကား အချိန်ကို မသိခဲ့။ မသိခဲ့ သောကြောင့်သာ ယခုကဲ့သို့ စောစောလာခဲ့ခြင်း ဖြစ်ပါသည်။

ကျွန်တော့်ထက် ဝီရိယကောင်းသော ဘုရားဖူး ပရိသတ်ကို တွေ့ရသည်။ ဆယ်ယောက်ခန့် ရှိမည် ထင်ပါသည်။ ကျွန်တော်က ဓာတ်လှေကား အနီးရှိ ညောင်ပင်ကြီး အောက်သို့ လျှောက်ခဲ့သည်။ အဓိဋ္ဌာန် ဝင်ရာတွင် အသုံးပြုမည့် ပစ္စည်းများ၊ လှူမည့် တံခွန် ကုက္ကားများပါသော ပလတ်စတစ် ခြင်းကလေးကို မြေသို့ချကာ ခြေအစုံကို ရပ်သည်။ လက်အစုံကို ဦးထိပ်မှာ မိုးသည်။ ရှေ့၌ရှိသော သိင်္ဂုတ္တရကုန်း တော်ပေါ်မှ ရွှေတိဂုံစေတီတော်ကြီးကို လှမ်းမြော် ကြည်ညိုပြီး မျက်လုံးကို ဖွဖွမှိတ်ကာ အာရုံကို စုစည်း လိုက်ပြီးနောက် ပဏာမ ဂါရဝပြုပါသည်။

ပဏာမ ဂါရဝ (၁)

ဩကာသ-ဩကာသ – ဩကာသ (နမော တဿ ဘဂဝတော အရဟတော သမ္မာသမ္ဗု ဒဿ)၃
ဗုဒ္ဓမြတ်စွာ ဘုရားရှင်တော်မြတ်တို့အား ဤ နေရာမှ ဤဌာနမှ နေပြီးသက်ရှိ ထင်ရှားအာရုံ ပွားကာ ရိုသေစွာဖြင့် ရှိခိုးပါ၏။ ကန်တော့ပါ၏။ ခွင့်ပန်ကြား အပ်ပါ၏ အရှင်ဘုရား။ ဘုရားတပည့် တော်သည် သံသရာဝဋ်ဆင်းရဲ အပေါင်းတို့မှ လွတ် မြောက်ပါရစေခြင်း အကျိုးငှာလည်းကောင်း၊ ဒုက္ခ ခပ်သိမ်း ဒေါသခပ်သိမ်းတို့မှ ကင်းရာငြိမ်းရာ ချုပ်ရာ သိမ်းရာ ဖြစ်တော်မူပါသော အသင်္ခတဓာတ် နိဗ္ဗာန် မြတ်သို့ရောက်ပါစေကြောင်းကောင်းသောအထောက် အပံ့ဖြစ်ပါစေခြင်း အကျိုးငှာလည်းကောင်း သစ္စာ အဓိဋ္ဌာန် ပါရမီများကို ဆောက်တည်လိုပါသော ကြောင့် အရှင်မြတ်စွာဘုရားများ ရှေ့တော်မှောက်သို့ ဦးနှိမ်မာန်ချ ရောက်လာခြင်း ဖြစ်ပါသည်ဘုရား။ ဩကာသ ဩကာသ ဩကာသ ခွင့်ပြုတော်မူပါ ဘုရား… ခွင့်ပြုတော်မူပါဘုရား ခွင့်ပြုတော်မူပါ ဘုရား။

(သမ္ဗုဒ္ဓေ ဂါထာတော်ကြီး ဆက်ဆိုက ပိုကောင်းပါသည်။ အဲသည့်တုန်းက မဆိုတတ်သေး ၍ မဆိုဖြစ်ခဲ့ပါကြောင်း)

ပဏာမ ဂါရဝ (၂)

ရွှေတိဂုံစေတီတော်ကြီးနှင့် အပ်ရာဆိုင်ရာ ပုဂ္ဂိုလ်အပေါင်းတို့အား ရည်စူးပြီး ရိုသေစွာဖြင့် ခွင့်ပန် ကြားအပ်ပါသည်ဗျား။

ဘုရား?တရား သံဃာ?ရတနာမြတ်သုံးပါးတို့ အား အမှန်တကယ် ယုံကြည်စွာ လေးစားစွာဖြင့် ကိုးကွယ်ဆည်းကပ်ပါသော (မိမိ၏ မွေးနံကိုထည့်ရန်) ဥပမာ – (တနင်္လာနေ့ဖွား) ကျွန်တော်သည် ရွှေတိဂုံ စေတီတော်ကြီးတွင် သစ္စာအဓိဋ္ဌာန် ပါရမီဝတ်တို့ကို ဖြည့်ဆည်းလိုပါသောကြောင့် (နေရာထိုင်ခင်းများ ခွင့်ပြုတော်မူပါရန်)၂ ရိုသေစွာဖြင့် ခွင့်ပန်ကြား လျှောက်ထားအပ်ပါ၏။

(တေသံ) = ဆိုခဲ့ပြီးသော ပုဂ္ဂိုလ်အပေါင်း တို့သည် (အံဟံ) = ပါရမီရှင် သားတပည့်၏ ရိုသေ သမှု ဂါရဝပြုမှုများတို့ကို စံမြန်းကြရာ?ဘုံဗိမာန်နန်း စခန်းအသီးသီးမှနေ၍ ကြားကြပါစေ၊?သိကြပါစေ၊ မြင်ကြပါစေ၊? တွေ့ကြပါစေ၊ ကျန်းမာကြပါစေ၊ ချမ်းသာကြပါစေ၊?ဘေးရန်ခပ်သိမ်း ငြိမ်းကြပါစေ။ နှလုံးစိတ်ဝမ်း ငြိမ်းချမ်းကြပါစေသတည်း။

ဂါရဝ အစီအစဉ်များ ပြီးဆုံးလို့ မကြာမီမှာပဲ ဓာတ်လှေကားဖွင့်သည်ကြောင့် ရင်ပြင်တော်ပေါ်သို့ ရောက်ရန် ဓာတ်လှေကားနှင့် တက်ခဲ့သည်။ နတ် လမ်းအတိုင်း လျှောက်ခဲ့ပြီး ထွက်ပေါက်ရောက်တော့ ညာဘက်ကို ချိုးကွေ့ကာ အနည်းငယ် လျှောက် လိုက်သောအခါ အရှေ့မုခ်စောင်းတန်းမှ တက်လာ သည့် လှေကားများ အဆုံးရှိ ရင်ပြင်နှင့် ထိပ်တိုက် ဆုံသည်။ ဘယ်ဘက်ကို ချိုးကွေ့ပြီး ဆယ်လှမ်းမျှ လှမ်းပြီးနောက် ညာဘက်သို့ ထွက်လိုက်သော် ရွှေတိဂုံ ရင်ပြင်ကျယ်ကြီးပေါ်သို့ ရောက်ပါပြီ။

တနင်္လာဂြိုဟ်တိုင်နှင့် တနင်္ဂနွေဂြိုဟ်တိုင်များကို ကျော်ဖြတ်ပြီးနောက် သောကြာဂြိုဟ်တိုင်သို့ ရောက်သောအခါ ရှင်တော် ဂေါတမ မြတ်စွာဘုရား သီတင်းသုံးတော်မူရာ အာရုံခံ တန်ဆောင်းသို့ ဝင်ရန် လှေကား ငါးထစ်မျှကို လှမ်းနင်းပြီး တန်ဆောင်းတွင်း ရှိ ရှင်တော် ဂေါတမမုနိ ရုပ်ပွားတော်ရှေ့ တူရူတွင် နေရာယူ ထိုင်လိုက်ပါသည်။

သံဃာစင်ပေါ်တွင် သံဃာတော် နှစ်ပါးတို့ နေရာယူ ဘုရားဝတ်ပြုနေပါသည်။ မိသားစုတစ်စု တို့သည်လည်း ဆွမ်းတော်ကပ်နေ၏။ ကျွန်တော် လည်း အစီအစဉ် (၁)အရ သစ္စာအဓိဋ္ဌာန်ပြုရန် လက်အစုံ ဦးထိပ်မိုးပြီး အောက်ပါတို့ကို ဆိုပြီး ရှိခိုး ပါသည်။ ကန်တော့ပါသည်။ ပူဇော်ပါသည်။

အစီအစဉ် နံပါတ် (၁)

(သစ္စာ အဓိဋ္ဌာန် ပန္နက်တည်ခြင်းနှင့် သစ္စာ အဓိဋ္ဌာန် ပါရမီဝတ်ဖြည့်ဆည်းခြင်း)

(နမော တသ ဘဂဝတော အရဟတော သမ္မာ သမ္ဗုဒ္ဓဿ) သုံးကြိမ်ဆိုပြီးနောက် ဩကာသ အစချီ ကန်တော့ချိုးဖြင့် ဘုရားရှိခိုးပါသည်။ ငါးပါး သီလ ခံယူဆောက်တည်ပြီးသော် အောက်တွင် ဖော် ပြပါ ရှိသည်တို့ကို ဆိုပါသည်။)

 

ဘန္တေအရှင်ဘုရား

ဘုရားတပည့်တော် သစ္စာပြုပါသည် အဓိဋ္ဌာန်ပြုပါသည် ဘုရား။ ဘုရားတပည့်တော်သည် သံသရာဝဋ်ဆင်းရဲ အပေါင်းတို့မှ လွတ်မြောက်ပါ ရစေခြင်း အကျိုးငှာလည်းကောင်း၊? ဒုက္ခခပ်သိမ်း ဒေါသခပ်သိမ်းတို့မှ ကင်းရာငြိမ်းရာ ချုပ်ရာသိမ်းရာ ဖြစ်တော်မူပါသော အသင်္ခတ ဓာတ်နိဗ္ဗာန်မြတ်သို့ ရောက်ပါစေကြောင်း? ကောင်းသော အထောက်အပံ့ ဖြစ်ပါစေခြင်း အကျိုးငှာလည်းကောင်း မင်္ဂလာရှိ သော ယခု အချိန်မှ အစပြု၍ ရွှေတိဂုံစေတီ၊ ဆူး လေစေတီ၊ ရွှေဘုန်းပွင့်စေတီ၊ ဗိုလ်တထောင်စေတီ စုစုပေါင်း စေတီလေးဆူသို့ နေ့ချင်းပြီး သွားရောက် ကာ ထိုစေတီများတွင် သီတင်းသုံးလျက်ရှိနေတော်မူ ကြပါသော ကကုသန္ဓ ဗုဒ္ဓမြတ်စွာဘုရား၊ ကောဏာ ဂမဏ ဗုဒ္ဓမြတ်စွာဘုရား၊ ကဿပ ဗုဒ္ဓမြတ်စွာ ဘုရားနှင့် ဂေါတမမြတ်စွာဘုရားရှင်တို့အား ဖူးမြော် မာန်လျော့ ရှိခိုးပါမည်ဘုရား … ကန်တော့ပါမည် ဘုရား …ပူဇော်ပါမည်ဘုရား။

ဤမှန်သော သစ္စာစကားကို ဘိုးတော် ဗြဟ္မာ၊ ဘိုးတော် သိကြား၊ ဝိဇ္ဇာ ရှစ်သောင်း ဆရာ အပေါင်း၊ ရသေ့ရှစ်သောင်း ဆရာကောင်းများနှင့် ကိုယ်စောင့်နတ်မင်းများ၊ အထူးအစောင့်အရှောက် ပုဂ္ဂိုလ်များ၊ ဝသုန္ဒြေ နတ်မင်းကြီး၊ ငရဲသနင်း ယမ မင်းကြီးနှင့် ရွှေတိဂုံဘိုးဘိုးကြီးတို့အား (သက်သေပြု ပါ၏)၃ (သက်သေဖြစ်တော်မူကြပါစေ ကုန်သတည်း)၃

သစ္စာအဓိဋ္ဌာန်ပါရမီ ဝတ်ဖြည့်ဆည်းခြင်း

(အစီအစဉ် ၁- ရွှေတိဂုံ)

 

ယခုအခါ သစ္စာအဓိဋ္ဌာန် ပန္နက်တင်ပြီးပြီ ဖြစ်ပါသောကြောင့် အစီအစဉ်အတိုင်း သစ္စာ အဓိဋ္ဌာန် ပွဲဝင်ရတော့မည်ဖြစ်ပါသည်။ ထိုစဉ်အခါက ကျွန်တော်သည် သာသနာတော်၌ လိမ္မာယဉ်ပါးခြင်း မရှိသေးရာကား ကျွန်တော်၏ ဉာဏ်ရည်အလိုက် ချီးမြှင့်လိုက်သော သစ္စာအဓိဋ္ဌာန်ပွဲဝင်နိုင်ရန် စေတီ တော်များမှ ဘုရားလေးဆူတော်ကို ဖူးမြော်နည်း၊ ခွင့်ပန်နည်း၊ အကျဉ်းနည်းနှင့် သရဏဂုံတည်ခြင်း၊ သီလဆောက်တည်ခြင်း လှူဖွယ်ဝတ္ထု ကပ်လှူရာ တွင် ဆိုခြင်းစသည်တို့ကို ဆရာတော်ကြီးက အသေအချာ သင်ပေးပါသော်လည်း ဉာဏ်ရည်မမီ သော ကျွန်တော်သည် အလွယ်မှတ် အလွယ်ခံစားပြီး အဓိဋ္ဌာန်ဝင်ခဲ့ရပါ၏။ ကျွန်တော် ကံကောင်းခဲ့ပါ၏။ ချီးမွမ်းမခံခဲ့ရသော်လည်း အငေါက်အဆူတော့ မခံခဲ့ ရပါ။

“လူကလေး ပုဏ္ဏက …ဆိုခဲ့တာတွေက ဟန်တော့မကြီးဘူးကွယ့်။ ဘာသာသာသနာ အမှု ဆိုတာ ပကာသန ဟိတ်ဟန်တွေ မကြီးသင့်ဘူး။ မချဲ့သင့်ဘူး။ သတိချပ်ရမယ်။ ဘာသာ သာသနာ အမှုကိစ္စတိုင်းမှာ ဘုရား၊ တရား၊ သံဃာကို ဦးထိပ် ပန်ဆင်ရမယ် “သဒ္ဓါ”ဆိုတဲ့ ကံနှင့် ကံ၏အကျိုး တရားကို ယုံကြည်မှုဟာ ပဓာန အဓိကကျစေရမယ်။ ဟိတ်ဟန်တွေကြီးဖို့ အဓိကမကျပါဘူးကွယ်။ စိတ် သဏ္ဌာန်တွေက ဖြူစင်နေရမယ်။ ရိုးသားရမယ်။ သန့်ရှင်းရမယ်။ ခန့်ခန့် ထည်ထည် အိန္ဒြေတွေ ရှိရ မယ်”

“စည်းကမ်းနဲ့ အဓိပ္ပာယ်တွေ မပြည့်စုံပေမယ့် ရိုးသားမှုနဲ့ ယှဉ်တွဲနေတဲ့ အနီးကပ်ဆုံး မှန်ကန်မှု တွေပါနေလို့ ဂါထာတော်တွေအပေါ် လူကလေးရဲ့ ခံစားမှုဟာ မချီးမွမ်းထိုက်ပေမယ့် ခွင့်လွှတ်နိုင်တဲ့ သဒ္ဓါကြည်ညိုမှုလို့တော့ အသိအမှတ်ပြုနိုင်ပါတယ် ကွယ့်”

(သဒ္ဓါရွှင်တိုင်း ဆိုချင်ရာ မဆို။ ဆိုလိုရင်းကို လိုတို ရှင်းစွာ အဓိပ္ပာယ်ခံစားပြီး ဆိုခဲ့ ပွဲဝင်ခဲ့သော ဂါထာများ)

အကျဉ်းနည်းဖြင့် သရဏဂုံတည်ခြင်း သီလခံယူ ခြင်းဂါထာ။

ဥပေမိ ဗုဒ္ဓံ သရဏံ၊

ဓမ္မံ သံဃဉ္စ နူတ္တရံ၊

သမာဒိ ယာမိ သီလာနိ။

(ဘန္တေအရှင်ဘုရား ဘုရား တပည့်တော် သည် သရဏဂုံ သုံးပါးနှင့်တကွ (အင်္ဂါငါးပါး)နှင့် ပြည့်စုံတော်မူပါသော သီလတော်မြတ်ကို မြတ်နိုးစွာ လေးစားစွာဖြင့် ဆောက်တည်ပါ၏။ ကိုးကွယ်ဆည်း ကပ်ပါ၏။ မကျိုးမပေါက်စေရန်လည်း သတိဖြင့် စောင့်ရှောက်ထိန်းသိမ်းပါ၏ အရှင်မြတ်စွာဘုရား။

စေတီတိုင်းမှာ ဖူးမြော်ရာ ဗုဒ္ဓလကျာ် မှတ် သားကာ လကျာ်ရစ်ခွေ ဖူးကြပါ။

(၁) ဦးစွာပထမ (အရှေ့အရပ်) ကကုသန္ဓ ဘုရားဖူးကြပါ။
(၂) ဒုတိယမှာ (တောင်အရပ်) ကောဏာ ဂမဏဘုရား ဖူးကြပါ။
(၃) တတိယမှာ (အနောက်အရပ်) ကဿပ ဘုရား ဖူးကြပါ။
(၄) စတုတ္ထမှာ (မြောက်အရပ်) ဂေါတမ ဘုရား ဖူးကြပါ။

သိထား မှတ်ထားရန် ခံစားရန်အဓိပ္ပာယ် အကျဉ်း

ရှိခိုးသည် = လေးစားရိုသေပါသည် ဘုရား။
ပူဇော်သည် = ဝတ္ထုပစ္စည်းများ ကပ်လှူ ပါသည်ဘုရား။
ဖူးမြော်သည် = သက်ရှိထင်ရှား အာရုံပွား ကာ တွေ့ဆုံဆည်းကပ်သည်။
ကန်တော့သည်= မသိအမှား သိ၍အမှား များကို ခွင့်လွတ်ပါစေခြင်း အကျိုးငှာ ဝန်ချတောင်း ပန်ပါသည်။

ယခုဆိုလျှင် စနစ်တကျ အစီအစဉ်အတိုင်း ဘုရားဖူးနိုင်ရန် မြတ်စွာဘုရားရှင်တို့၏ တည်နေရာပြ မြေပုံအညွှန်းနှင့် သရဏဂုံတည်ခြင်း အကျဉ်းအားဖြင့် သီလတည်ဆောက်ခြင်းများနှင့် ခံစားရန် အဓိပ္ပာယ် အကျဉ်းများကို သိရပြီဖြစ်သောကြောင့် ပွဲဝင်ရန် အဆင်သင့် ဖြစ်ပါပြီ။ မြေပုံအညွှန်းအတိုင်း ရှင်တော် ဂေါတမ အာရုံခံတန်ဆောင်းမှ ထွက်ခွာခဲ့ပြီး အရှေ့ အရပ်ရှိ ကကုသန္ဓဗုဒ္ဓမြတ်စွာ ဘုရား၏ နိမ္မိတ ရုပ်ပွားတော် အာရုံခံတန်ဆောင်းသို့ ဝင်ရောက်ကာ ရုပ်ပွားတော်မြတ်ကြီး ရှေ့တူရှုတွင် နေရာယူ ထိုင် လိုက်ပါသည်။

အသင့်ယူဆောင်လာသော တံခွန်ကုက္ကား များထဲမှ တစ်စုံကို ထုတ်ယူလိုက်ပြီး (တံခွန် ကုက္ကား ဆိုသည်မှာ အနေကဇာ တင်သောအခါ ဘုန်းတော် ကြီးများ ကိုင်၍ပူဇော်သော တံခွန်ကုက္ကား အသေး တစ်စုံဖြစ်ပါသည်။ ရွှေထီးကြီး ငွေထီးကြီး တံခွန်လုံး ကြီးများ မပါဝင်ပါ။ ထိုတံခွန်ကုက္ကားတွင် အုန်းတစ် ညွှန့်၊ သပြေတစ်ညွှန့်၊ မိမိမွေးနံ ပန်းတစ်ညွှန့်ကို အသေအချာ ပူးတွဲချည်ရပါမည်။ ကြိုတင်ဝယ်ပြီး ကြိုတင်စီစဉ်ယူလာရပါမည်။ ရွှေတိဂုံတွင် လေးစုံ၊ ?ဗိုလ်တထောင်တွင် လေးစုံ၊ ပေါင်း ရှစ်စုံ ဝယ်ရ ပါမည်)

လက်အုပ်ချီမိုးကာ ယခုလို ရှိခိုးကန်တော့ ပါသည်။

(နမောတဿ ဘဂဝတော အရဟတော သမ္မာသမ္ဗုဒ္ဓဿ)၃

– ဗုဒ္ဓံသရဏံ ဂစ္ဆာမိ၊ ဓမ္မံသရဏံ ဂစ္ဆာမိ၊ သံဃံ သရဏံ ဂစ္ဆာမိ။ (ဒု/တ) ထည့်ဆိုပါ)

– ဥပေမိ ဗုဒ္ဓံသရဏံ၊ ဓမ္မံသံဃဉ္စ နတ္တရံ၊ သမာ ဒိယာမိ သီလာနိ။

– ဘန္တေအရှင်ဘုရား၊ ရိုသေစွာဖြင့်လျှောက် ထားအပ်ပါသည် ဘုရား။

– ဘုရားတပည့်တော်သည် ဤနေရာ ဤ ဋ္ဌာနမှ နေ၍ ကကုသန္ဓ ဗုဒ္ဓမြတ်စွာဘုရားအား သက်ရှိထင်ရှား အာရုံပွားကာ သဒ္ဓါကြည်ညို မြတ်နိုးယုံကြည်စွာဖြင့် ရှိခိုးပါ၏၊ ကန်တော့ပါ၏၊ ပူဇော်ပါ၏၊ အောင်တံခွန်များ၊အောင်ပန်းများ (ကပ် လှူပါ၏)၃ (အလှူခံယူတော်မူပါ အရှင်ဘုရား)၃။

(ဣဓံမေပုညံ၊ နဗ္ဗာ နိဿ ပစ္စယော ဟောတု)၃

ယခုအခါက ကုသန္ဓ ဗုဒ္ဓထံမှောက်၌ သစ္စာ အဓိဋ္ဌာန်ပါရမီဝတ်ကို ဖြည့်ဆည်းပြီးဖြစ်ပါသည်။ မြေပုံအညွှန်းအတိုင်း ကောဏာဂမဏ အာရုံခံ တန် ဆောင်းသို့ သွားရပါမည်။ ဆိုရမည့် နေရာများတွင်၊ ကကုသန္ဓ ဘွဲ့တော်နေရာ၌ ကောဏာဂမဏ ဘွဲ့ တော် ပြောင်းလဲ ဆိုသွားရပါမည်။ ယခုသဘော အတိုင်း (ကဿပဗုဒ္ဓ) (ဂေါတမဗုဒ္ဓ) ဘွဲ့တော်များကို လည်း ပြောင်းလဲရွတ်ဆိုရမည်ဟု နားလည်စေချင်ပါ သည်။

အစီအစဉ် (၂)- ဆူးလေစေတီ

ယခုအခါ ဆူးလေစေတီတော်သို့ သွားရပါ မည်။ မြေပုံအညွှန်းအတိုင်း အရှေ့အရပ်ရှိ စေတီ တော် ခြေရင်းမှာရပ်ပြီး ရွှေတိဂုံဓာတ်လှေကားအနီး ညောင်ပင်အောက်မှ သိင်္ဂုတ္တရကုန်းတော်ပေါ်ရှိ မြတ် စွာဘုရားများကို ဂါရဝပြုသကဲ့သို့ ဆူးလေစေတီ တော်တွင် သီတင်းသုံးနေတော်မူသော မြတ်စွာ ဘုရားများကို ဂါရဝပြုရပါမည်။ ခွင့်ပန်ကြားရပါမည်။ အပ်ရာဆိုင်ရာ ပုဂ္ဂိုလ် အပေါင်းတို့ကိုလည်း ခွင့်ပန် ကြားရပါမည်။ ဂါရဝပြုရပါမည်။

(ဆူးလေစေတီတော်တွင် မြတ်ဘုရား လေးဆူ ကို ရေလှူရပါမည်။ တစ်ဆူလျှင် တစ်ခါသုံး ရေခွက် နှင့် အောက်ခံပန်းကန်ပြား (ဘုရားတစ်ဆူ တစ်စုံ) အားလုံး လေးစုံ။ အိမ်မှ ကြိုတင်ပြင်ဆင်ယူခဲ့ပါရန်။ ရွှေတိဂုံမှာဆိုတုန်းက အောင်တံခွန်အောင်ပန်းများ လှူပါသည်ဟု ဆိုခဲ့ပြီး။ ယခု သောက်တော်ရေချမ်း ဆက်ကပ်လှူဒါန်းပါသည်ဟု ဆိုရပါမည်။ ရွှေတိဂုံ စေတီမှာကဲ့သို့ (ကကုသန္ဓ)ပြီးလျှင် (ကောဏာဂ မဏ)၊ (ကဿပ) (ဂေါတမ)ဟု ပြောင်းလဲထည့်ဆို သွားရပါမည်။

ဆူးလေစေတီ အစီအစဉ်ပြီးပါက ပုဇွန်တောင် မြို့နယ် ရေကျော်ရပ်ကွက်ထဲက ရွှေဘုန်းပွင့် စေတီ တော်သို့ သွားရပါမည်။

 

အစီအစဉ်(၃) ရွှေဘုန်းပွင့်စေတီ

ရွှေဘုန်းပွင့်စေတီ မုခ်ဦးရှေ့မှာရပ်ပြီး ရွှေတိဂုံ စေတီ၊ ဆူးလေစေတီတော်တို့မှာကဲ့သို့ ပဏာမ ဂါရဝ ပြုရပါမည်။ မြေပုံအညွှန်းကို ကြည့်ပါ။ တနင်္လာ ဂြိုဟ်တိုင် အရှေ့အရပ်ကို တွေ့ရလျှင် (ကကုသန္ဓ ဗုဒ္ဓ) ကို ရည်စူးကန်တော့ရပါမည်။ ဗုဒ္ဓဟူးဂြိုဟ်တိုင် က တောင်အရပ်၊ (ကောဏဂမဏ)၊ ကြာသပတေး ဂြိုဟ်တိုင်က အနောက်အရပ်၊ (ကဿပဗုဒ္ဓ)၊ သော ကြာဂြိုဟ်တိုင်က မြောက်အရပ် (ဂေါတမ)။

ရွှေဘုန်းပွင့် စေတီတော်တွင် နံ့သာတိုင် သုံးတိုင်စီ လှူရပါမည်။ ဖီးကြမ်းငှက်ပျောသီး မမှည့် တမှည့်ကို ဝယ်ပါ။ အကွင်းကလေး လေးခုကွင်းလိုက် ပါ။ အကွင်းတစ်ကွင်းစီပေါ်တွင် နံ့သာတိုင်သုံးတိုင်ကို ထိုးစိုက်ပြီး ဘုရားတစ်ဆူချင်းစီတွင် လှူသွားနိုင် ပါသည်။ ရွှေဘုန်းပွင့် စေတီတော်တွင် အောင်နန်းစံ ပျော် သူတော်စင်များ သီတင်းသုံးနေပါသော နန်း ဆောင်ကြီးရှိပါသည်။ ပုဂ္ဂိုလ်တစ်ပါးစီတွင် နံ့သာတစ် တိုင်၊ ငှက်ပျောကွင်းကလေးတွင် ထိုးစိုက် လှူဒါန်း ပါလေ။ လှူပြီးတိုင်း လိုရာအသုံးပြုရန် ဒါနပြုပါသည်။ လိုရာအသုံးပြုတော်မူပါဗျား။ (ဣဓံမေ ပုညံ၊ နိဗ္ဗာန ဿ ပစ္စယော ဟောတု)၃ လို့ စိတ်ပါလက်ပါ ဆိုပါ လေ။

မြတ်စွာဘုရာများကို လှူတော့ ဘယ်လို ဆိုရမလဲ။ မေ့မသွားဖို့ သတိပေးပါရစေ။ ရွှေတိဂုံမှာ လို ဆူးလေမှာ လိုဆိုပေါ့။ ဟုတ်ကဲ့ …။ ပြီးရင် ဗိုလ်တထောင်စေတီတော်သို့ သွားကြပါစို့။

 

အစီအစဉ် (၄) ဗိုလ်တထောင်စေတီ

ဗိုလ်တထောင်စေတီတော်၏ မုခ်ဦးအဝမှာ ရပ်ပြီး စေတီတော်အတွင်းမှာ သီတင်းသုံးနေတော် မူကြသော မြတ်စွာဘုရားများအား ဂါရဝပြုရပါမည်။ ခွင့်ပန်ရပါမည်။ သစ္စာအဓိဋ္ဌာန် ပါရမီဝတ် ဖြည့် ဆည်းခြင်းအတွက် နေရာထိုင်ခင်းများ၊ ခွင့်ပြုတော် မူကြပါရန် အပ်ရာဆိုင်ရာ ပုဂ္ဂိုလ်အပေါင်းတို့ကိုလည်း ခွင့်ပန်ရပါမည်။ သည်မှာလည်း ဘယ်လိုခွင့်ပန် ရမှာလဲ။

ရွှေတိဂုံမှာ၊ ဆူးလေမှာ၊ ရွှေဘုန်းပွင့်မှာလို ပေါ့။ မုခ်ဦးမှဝင်လိုက်ပြီး ဆံတော်တိုက်သို့မဝင်ဘဲ မိမိ၏ဘယ်ဘက်သို့ ကွေ့ဝင်လိုက်ပါ။ တနင်္လာဂြိုဟ် တိုင်ကို တွေ့ပါမည်။ ထိုအခါ …
ရွှေဘုန်းပွင့်မှာကဲ့သို့ဟူ၍ သဘောပေါက် လိုက်ပါရန်။ ဗိုလ်တထောင်တွင် ဘာလှူရမလဲ။ ရွှေ တိဂုံမှာတုန်းက ပြောခဲ့ပါတယ်နော်။ တံခွန်ကုက္ကား တစ်စုံစီ လှူရမယ်လို့ …ဟုတ်။
အုန်းတစ်ညွန့်၊ သပြေတစ်ညွန့်၊ မိမိမွေး နံပန်းတစ်ညွန့် ပါရမယ်လို့လည်း အမှာရှိခဲ့ပါတယ် နော် …။ သို့ဆိုလျှင် ဗိုလ်တထောင်စေတီတော် တွင်လည်း ယခင် ရွှေတိဂုံ၊ ဆူးလေ၊ ရွှေဘုန်းပွင့် မှာကဲ့သို့ သစ္စာ၊ အဓိဋ္ဌာန်ပါရမီ ဝတ်ကို ဖြည့်ဆည်း နိုင်ပြီပေါ့။ အောင်ပါပြီ။

ရွှေတိဂုံစေတီတော်သို့ အမြန်ပြန်သွားစို့။ ရှင်တော်ဂေါတမ မြတ်စွာဘုရားအား အဓိဋ္ဌာန် အောင်ခဲ့ပါကြောင်း လျှောက်ထားကြပါစို့။ “ဣဓံမေ ပုညံ နိဗ္ဗာနဿ ပစ္စယောဟောတု” လို့ဆန္ဒဖော်ကျူး လျှောက်ထားကြပါစို့။ ဆုတောင်းကြပါစို့။ ဗြဟ္မာ သိကြား၊ ဘိုးတော်ကြီးများနဲ့ ရွှေတိဂုံဘိုးဘိုးကြီးတို့ကို လည်း သက်သေအရာ ရှိခဲ့ကြခြင်းကို ကျေးဇူးတင် စကားများ ပြောကြပါစို့။ ကုသိုလ်များကို မျှဝေပေးကြ ပါစို့။ ရွှေတိဂုံ စေတီတော်သို့ သဒ္ဓါရွှင်လန်းဝမ်းပန်း တသာ သွားကြပါစို့။

ရွှေတိဂုံ စေတီတော် အရှေ့မုခ်ဓာတ်လှေ ကားမှ တက်ခဲ့ပြီး မနက်ကကဲ့သို့ တနင်္လာဂြိုဟ်၊ တနင်္ဂနွေဂြိုဟ်တိုင်များကို ဖြတ်ကျော်လျှောက်ခဲ့ ပြီးနောက် သောကြာဂြိုဟ်တိုင်နှင့် ကပ်လျက်ရှိပါ သော၊ မြတ်စွာဗုဒ္ဓ ဂေါတမ အာရုံခံတန်ဆောင်းတော် ကြီးအတွင်းသို့ ဝင်ရောက်ပြီး ယခုလို လျှောက်ထား ရပါမည်။

(နမောတဿ ဘဂဝတော အရဟတော သမ္မာသမ္ဗုဒ္ဓဿ)၃

– ဗုဒ္ဓံသရဏံ ဂစ္ဆာမိ၊ ဓမ္မံသရဏံ ဂစ္ဆာမိ၊ သံဃံ သရဏံ ဂစ္ဆာမိ။
– ဒုတိယမ္ပိ ဗုဒ္ဓံသရဏံ ဂစ္ဆာမိ၊ ဒုတိယမ္ပိ ဓမ္မံသရဏံ ဂစ္ဆာမိ၊ ဒုတိယမ္ပိ သံဃံသရဏံ ဂစ္ဆာမိ။
– တတိယမ္ပိ ဗုဒ္ဓံသရဏံ ဂစ္ဆာမိ၊ တတိယမ္ပိ ဓမ္မံသရဏံ ဂစ္ဆာမိ၊ တတိယမ္ပိ သံဃံသရဏံ ဂစ္ဆာမိ။
– ဥပေမိ ဗုဒ္ဓံသရဏံ၊ ဓမ္မံသံဃဉ္စ နတ္တရံ၊ သမာဒိ ယာမိ သီလာနိ။

ဘန္တေအရှင်ဘုရား၊ ရိုသေစွာဖြင့် လျှောက် ထားအပ်ပါသည်ဘုရား။

ဘုရားတပည့်တော်သည် အရှင်မြတ်ထံ၌ သစ္စာ အဓိဋ္ဌာန်ပြုခဲ့သည့်အတိုင်း (ရွှေတိဂုံစေတီ) (ဆူးလေစေတီ) (ရွှေဘုန်းပွင့်စေတီ) (ဗိုလ်တထောင် စေတီတော်)တို့တွင် သီတင်းသုံးလျက်ရှိတော်မူကြ ကုန်သော မြတ်စွာဘုရား လေးဆူတို့အား ယခုအခါ ပူဇော် ရှိခိုးကန်တော့ပြီး ဖြစ်ပါသည်ဘုရား။

သရဏဂုံသုံးပါး ဆောက်တည်ခဲ့သော ကု သိုလ်၊ ငါးပါးသော သီလတော်များ ဆောက်တည်ခဲ့ သော ကုသိုလ်၊ အောင်တံခွန်များ၊ အောင်ပန်းများ၊ အောင် သောက်တော်ရေချမ်းများ၊ အောင် နံ့သာတိုင် များ လှူဒါန်းခဲ့သော ကုသိုလ်များနှင့် သစ္စာအဓိဋ္ဌာန် ပါရမီဝတ်ကို သတ်မှတ်ချိန်ကာလအတွင်း အောင် မြင်စွာ ဖြည့်ဆည်းနိုင်ခဲ့သော ကောင်းမှုများ၏ အကျိုး အားသည် ဒုက္ခခပ်သိမ်း၊ ဒေါသခပ်သိမ်းတို့ ကင်းရာ ငြိမ်းရာ ချုပ်ရာ သိမ်းရာ ဖြစ်တော်မူပါသော၊ အသင်္ခတဓာတ်နိဗ္ဗာန်မြတ်သို့ ရောက်ပါစေကြောင်း၊ ကောင်းသော အထောက်အပံ့ (ဖြစ်ပါစေသတည်း)၃ အရှင်မြတ်စွာဘုရား။ (နိဗ္ဗာနဿ ပစ္စယော ဟော တု)၃

ထို့နောက် သဒ္ဓါရွှင်လန်းဝမ်းသာစွာနှင့် (၁) သက်သေအရာ၌ တည်ရှိပေးခဲ့သော ပုဂ္ဂိုလ်များ၊ နတ်မင်းကြီးများနှင့် အမိအဖများ၊ (၂) ဝသုန္ဒြေ နတ် မင်းကြီးနှင့် ငရဲသနင်း ယမမင်းကြီး၊ (၃) ၃၁ ဘုံသား အားလုံးတို့ကို …မိမိ၏ရင်တွင်းဖြစ် စကားနှင့် အမျှ ပေးဝေ ဒါနပြုပါသည်။ ပြီးသော် …လေးလေး နက်နက် ယုံယုံကြည်ကြည် ဝမ်းသာအားရ ဤသို့ ရင့်ကျူးဆန္ဒပြုလိုက်ပါ၏။

ဣဓံ မေ ပုညံ။
(နိဗ္ဗာ နဿ၊ ပစ္စယော ဟောတု)၃
သမ္မာဆန္ဒဟူသမျှ၊ ပြည့်ဝချမ်းသာ အောင် ကြပါစေ၊ အောင်ပါစေသော်ဝ်

ပါရမီရှင် ဆရာပုဏ္ဏက

(ရွှေကျောင်းတော်-ကျိုက်ထော်)