ခင်ပွန်းကြီးဆယ်ပါးကန်တော့ပွဲ

အဘမင်းသိင်္ခရှိစဉ်ကဆိုလျှင် တနင်္ဂနွေနေ့ နံနက်စောတိုင်း၌ အယူတော်မင်္ဂလာခြံကြီးတွင် ခုနစ်ရက် သားသမီးများ၏ကုသိုလ်အဖြစ် ခင်ပွန်းကြီး ဆယ်ပါးအလှူယတြာကို ပြုလုပ်ပေးလေ့ရှိလေ၏။ ခုနစ်ရက်သားသမီးအပေါင်း ညီညာဖျဖျ ဝိုင်းဝန်းလှူ ဒါန်း ကန်တော့ကြ၏။ အဘက –

“ဒီလိုကွ ဒီဘဝမှာပဲဖြစ်ဖြစ်၊ ဘဝအဆက် ဆက်မှာပဲဖြစ်ဖြစ် မပြစ်မှား၊ မစော်ကား၊ မကျူး လွန်အပ်တဲ့ ခင်ပွန်းကြီးဆယ်ပါးဆိုတာ ရှိတယ်၊

အဲဒီခင်ပွန်းကြီးဆယ်ပါးအပေါ်မှာ သိသိနဲ့ သော်လည်းကောင်း၊ မသိလိုက်ဘဲနဲ့သော်လည်း ကောင်း ပြစ်မှားကျူးလွန် စော်ကားမိတဲ့ အပြစ်ြွေကး၊ ဝဋ်ကြွေးများ ရှိနေမယ်ဆိုရင် ဘယ် လောက်ပဲကြိုးစား ကြိုးစားဘဝမှာ ခြေထောက် ကို ခဲနဲ့ဆွဲထားသလို နှောင့်နှေးတတ်တယ် …၊ လူမွေး လူရောင် မပြောင်ဘူးဆိုတာမျိုး ဖြစ်တတ် တယ် …၊

အဲသလို အပြစ်ြွေကး၊ ဝဋ်ြွေကးများ ရှိနေခဲ့  ပါရင် ကျေအေးခွင့်လွတ်တော်မူကြပါမယ့်အ ကြောင်း တောင်းပန်ကန်တော့ရတယ် …၊

အပြစ်ြွေကး၊ ဝဋ်ြွေကး မရှိခဲ့ရင်လည်း ခင် ပွန်းကြီးဆယ်ပါးတို့ရဲ့ ဂုဏ်ကျေးဇူးကို နှလုံးသွင်း အောက်မေ့ ကန်တော့ခြင်းအားဖြင့် ဒီဘဝမှာရော၊ သံသရာအတွက်ရော အကျိုးထူးစေတာပေါ့ …”

ဟု ပြောပြလေ့ရှိလေ၏။

သို့ဖြစ်သောကြောင့်လည်း အယူတော်မင်္ဂလာ ခြံကြီးသို့ ရောက်ရှိလာကြသော ခုနစ်ရက်သားသမီး များအတွက် ခင်ပွန်းကြီးဆယ်ပါး ကန်တော့သော အလှူယတြာပွဲများကို အဘမင်းသိင်္ခသည် အပတ် စဉ် တနင်္ဂနွေနေ့တိုင်း စီမံပေးခဲ့ခြင်း ဖြစ်ပါလေတော့ ၏။

ကျွန်ုပ်တို့အနေနှင့်လည်း အခမ်းအနား ပွဲ လမ်းသဘင်များ ရှိလေတိုင်း မြတ်စွာဘုရားကို အမှူး ထားလျက် ခင်ပွန်းကြီးဆယ်ပါးကို အလေးအမြတ် ပူဇော်ကန်တော့ကြမြဲ ဖြစ်ပါလေတော့၏။

ခင်ပွန်းကြီးဆယ်ပါး ပူဇော်ကန်တော့လိုကြ ပါသော ခုနစ်ရက်သားသမီးများအတွက် ခင်ပွန်းကြီး ဆယ်ပါးကန်တော့ချိုး ဂါထာတော်နှင့် ပူဇော်နည်းကို ရေးသားလိုက်ရပါသည်။

 

ခင်ပွန်းကြီးဆယ်ပါး

 

ခင်ပွန်းကြီးဆယ်ပါးဆိုသည်မှာ အောက်ပါ အတိုင်း ဖြစ်ပါလေ၏။

၁။ ဗုဒ္ဓရှင်တော်မြတ်ဘုရား၊

၂။ ပစ္စေကဗုဒ္ဓါ(ခေါ်)ဘုရားငယ်များ၊

၃။ ရဟန္တာအရှင်သူမြတ်ကြီးများ၊

၎။ မြတ်စွာဘုရား၏လက်ယာတော်ရံ၊ လက်ဝဲတော်ရံ သာဝကကြီးများ၊

၅။ မိခင်၊

၆။ ဖခင်၊

၇။ အတတ်ပညာတစ်စုံတရာ သင်ကြားပေး ခဲ့ဖူးသော ဆရာသခင်များ၊ ရိုသေလေးမြတ်ထိုက် သူများ၊

၈။ သွန်သင်ဆုံးမ ပဲ့ပြင်ပေးဖူးသောပုဂ္ဂိုလ် များ၊

၉။ တစ်စုံတရာ ကျွေးမွေးပေးကမ်း ထောက်ပံ့လှူဒါန်းခဲ့ဖူးသူများ၊

၁၀။ ကောင်းမြတ်သောစကား၊ ဓမ္မစကားြွမက်ကြားဆိုမိန့်ပေးခဲ့ဖူးသောပုဂ္ဂိုလ်များ၊

ခင်ပွန်းကြီးဆယ်ပါးကန်တော့ပွဲ

ခင်ပွန်းကြီးဆယ်ပါးကို ကန်တော့ရာတွင် ပစ္စည်းလေးပါးဖြင့် ကန်တော့လေ့ရှိကြပါသည်။

စားပွဲတစ်လုံး၏အလယ်တွင် ပန်းကန်ပြား တစ်ချပ်ကိုတင်ပါ။ ထိုပန်းကန်ပြားမှာ မြတ်စွာဘု ရားရှင်အတွက် ရည်ရွယ်ပါသည်။

ထိုပန်းကန်ပြား၏ ဘေးပတ်ပတ်လည်တွင် ပန်းကန်ပြားကိုးချပ်ကို ဝန်းရံပါ။ ထိုကိုးချပ်မှာ ကျန်သော ခင်ပွန်းကြီးကိုးပါးအတွက် ရည်ရွယ်ပါ သည်။

ပန်းကန်တစ်ချပ်စီတွင် သစ်သီးတစ်လုံးစီ ထည့်ပါ။ (ဆယ်လုံးစီလည်း ထည့်နိုင်ပါသည်။)

သောက်တော်ရေတစ်ခွက်စီ ထည့်ပါ။

ဖယောင်းတိုင်တစ်တိုင်စီလည်း ထွန်းပါ။

ယပ်တစ်လက်စီ စိုက်၍လှူပါ။

(ယပ်အခက်အခဲရှိသော အခြေအနေ၊ အချိန်အခါတို့တွင် အမွှေးတိုင်တစ်တိုင်စီ (သို့ မဟုတ်) မွှေးသောပန်းတစ်ပွင့်စီထည့်၍ လှူနိုင်ပါ သည်။ (သို့မဟုတ်) ပန်းဆယ်ပွင့်စီထည့်၍ လှူနိုင် ပါသည်။)

 

ခင်ပွန်းကြီးဆယ်ပါးကိုကန်တော့ရန်

ကန်တော့ချိုး

ထိုသို့ လှူဖွယ်ပစ္စည်းများကို ခင်ကျင်းပြင် ဆင်ပြီးသည့်နောက် အောက်ပါကန်တော့ချိုးကို (၁၀) ခေါက်ရွတ်ဆို၍ ကန်တော့ရမည်ဖြစ်ပါသည်။

 

ဗုဒ္ဓါ၊ ပစ္စေကဗုဒ္ဓါစ၊

ရဟန္တာ၊ အဂ္ဂသာဝက၊

မာတာ၊ ပီတု၊ ဂုရု၊ သတ္ထာ၊

ဓမ္မဒေဿကာ၊ ဒါယကာ၊

ဣမေဒဿ၊ မဟာဂုဏေ၊

အဟံဝန္ဒာမိ၊ သဗ္ဗဒါ။   ။

 

အရေးကြီးကိစ္စ ရှိသောအခါများ၊ ကံအညံ့ အခိုက်များသောအခါများ၊ စိတ်လက်မကြည်သာ သောအခါများတွင် ခင်ပွန်းကြီးဆယ်ပါးအား အလေး အမြတ် ပူဇော်ကန်တော့ကြခြင်းအားဖြင့် ကောင်းကျိုး ချမ်းသာများ လက်ငင်းလက်တွေ့ ရရှိကြမည်မှာ မလွဲဧကန် ဖြစ်ပါတော့ကြောင်း။  ။

သဗ္ဗေဓမ္မာ

ဇင်ယော်နီ